၂၀၂၂ခုနှစ်၊ မတ်လ(၁၉)ရက်နေ့ မွန်းလွဲပိုင်းက ဧရာဝတီတိုင်းဒေသကြီး၊ ပုသိမ်မြို့နယ်၊ ရှောပြာကျေးရွာအနီး၌ ခရီးသည်တင်ကားနှင့် ကိုယ်ပိုင်ကားတို့ ယာဉ်တိုက်မှုဖြစ်ပွားကာ မီးလောင်သည့်နေရာသို့ ပုသိမ်ခရိုင်/မြို့နယ်များမှ ကြက်ခြေနီစေတနာလုပ်အားရှင်များသည် ကူညီဆောင်ရွက်ပေးနိုင်ရန် သွားရောက်ခဲ့ပါသည်။
အဆိုပါဖြစ်စဉ်ကြောင့် မီးလောင်သေဆုံးသွားခဲ့သူများ၏ ရုပ်အလောင်းများကို ပုသိမ်ပြည်သူ့ဆေးရုံကြီး ရင်ခွဲရုံသို့ ပို့ဆောင်နိုင်ရေးအတွက် မိတ်ဖက်လူမှုကူညီရေးအသင်းများနှင့်အတူ အကူအညီ ပေးခဲ့ပါသည်။
ထို့အပြင် သေဆုံးသူများ၏ မိသားစုဝင်များထံ ဆက်သွယ်အကြောင်းကြားနိုင်ရေးအတွက် ပြည်နယ်/တိုင်းဒေသကြီးများရှိ မြို့နယ်ကြက်ခြေနီအသင်းခွဲများထံ ပုသိမ်မြို့နယ်ကြက်ခြေနီအသင်းခွဲမှကြက်ခြေနီစေတနာလုပ်အားရှင်များက ချိတ်ဆက်ကူညီ ဆောင်ရွက်ခဲ့ပါသည်။
