စစ်ကိုင်းတိုင်းဒေသကြီး စစ်ကိုင်းမြို့တွင် ပြင်ထန်ငလျင်ကြောင့် ထိခိုက်ခံစားခဲ့ရသူများနှင့် ယာယီနေရပ်စွန့်ခွါရွှေ့ပြောင်နေထိုင်သူများအတွက် မြန်မာနိုငိငံကြက်ခြေနီအသင်းက ရွေ့လျားဆေးခန်းများဖွင့်လှစ်၍ ပဏာမကျန်းမာရေးစောင့်ရှောက်မှုပေးလျက်ရှိရာမေလ(၉)ရက်နေ့တွင် မင်းကွန်းဒေသ၊ မိုးမိတ်ကုန်းမြေ ယာယီနေရပ်စွန့်ခွါရွှေ့ပြောင်းနေထိုင်သူများစခန်းတွင်လူဦးရေ(၁၉၄)ဦးကိုလည်းကောင်း၊

မေလ(၁၆)ရက်နေ့တွင် မင်းကွန်းမြောက်ရွာတွင် ယာယီနေရပ်စွန့်ခွါရွေ့ပြောင်းရာမှ ပြန်လည်‌ရောက်ရှိ‌နေထိုင်သည့် ဒေသခံရပ်ရွာလူထုများမှ လူဦးရေ(၂၁၁) ဦးကိုလည်းကောင်း ပဏာမကျန်းမာရေးစောင့်ရှောက်မှုများပေးခဲ့ပါသည်။

 

ထို့အတူ မေလ(၄)ရက်နေ့မှ(၁၆)ရက်နေ့အတွင်း စစ်ကိုင်းမြို့ ရွှေတောင်ဦးကျောင်းတိုက်၊ မွန်ကျောင်း၊ သက်တော်ရှည် ကျောင်းတိုက်၊ ပိုးတန်းရပ်ကွက် ဓမ္မာရုံ၊မန်ကျည်းကုန်းရပ်ကွက်နှင့် ပြင်းထန်မြေငလျင် ဗဟိုပြုလှုပ်ခတ်ခဲ့သည့် ကျောက်တာရွာတို့တွင်လည်း ရွေ့လျားဆေးကုခန်းများ ဖွင့်လှစ်၍လူဦးရေ (၁,၁၇၆)ဦးကို ပဏာမကျန်းမာရေးစောင့်ရှောက်မှုများပေးခဲ့ပြီး ဆေးရုံတက်ရောက်ရန် လိုအပ်သူ(၇)ဦးကို ငွေကျပ်(၅)သိန်းစီ ထောက်ပံ့ကူညီခဲ့ပါသည်။

 

ရွေ့လျားဆေးကုခန်းများ ဖွင့်လှစ်၍ ပဏာမကျန်းမာရေးစောင့်ရှောက်မှုများပေးရာတွင် မြန်မာနိုင်ငံကြက်ခြေနီအသင်းသည် မိတ်ဖက်ကြက်ခြေနီအသင်းများ၏ ပံ့ပိုးကူညီမှုဖြင့် ဒေသခံကြက်ခြေနီစေတနာလုပ်အားရှင်များနှင့် ကြက်ခြေနီဝန်ထမ်းများက ရပ်ရွာလူထုနှင့် ပူးပေါင်း ဆောင်ရွက်ခဲ့ခြင်း ဖြစ်ပါသည်။