မေလ(၁၅)ရက်နေ့က မကွေးတိုင်းဒေသကြီး စလင်းမြို့နယ် ပြည်သူ့ဆေးရုံတွင် သွေးလိုအပ်နေတဲ့ လူနာအတွက် စလင်းမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ဦးစိုးနိုင်က (O) အမျိုးအစား သွေးကို သွေးလှူဒါန်းခြင်း (၄၅)ကြိမ်မြောက်အဖြစ် သွားရောက်လှူဒါန်းခဲ့ပါတယ်။
အလားတူ ပဲခူးတိုင်းဒေသကြီး သာယာဝတီခရိုင် လက်ပံတန်းမြို့နယ်ပြည်သူ့ဆေးရုံကြီးတွင် အရေး ပေါ်သွေးလိုအပ်နေသောလူနာ အတွက် လက်ပံတန်းမြို့နယ်ကြက်ခြေနီအသင်းခွဲမှ ကြက်ခြေနီစေတ နာလုပ်အားရှင် ဦးထက်ဝေအောင်က (O)အမျိုးအစား သွေး ကို လှူဒါန်းခဲ့ပါတယ်။
ထို့အတူ မေလ(၁၂)ရက်နေ့က တနင်္သာရီတိုင်းဒေသကြီး ထားဝယ်မြို့၊ ချမ်းမြေ့ဆေးရုံတွင် အရေး ပေါ်သွေးလိုအပ်နေတဲ့ လူနာအတွက် ထားဝယ်မြို့နယ်ကြက်ခြေနီအသင်းခွဲမှ ကြက်ခြေနီစေတနာ လုပ်အားရှင် ဦးမင်းခန့်ကျော် က သွေးလှူဒါန်းခြင်း (၆)ကြိမ်မြောက် နှင့် ကြက်ခြေနီစေတနာလုပ် အားရှင် ဦးဓနထွန်း က သွေးလှူဒါန်းခြင်း(၅)ကြိမ်မြောက် အဖြစ် (O)အမျိုးအစား သွေး ကိုသွားရောက် လှူဒါန်းခဲ့ပါတယ်။
ဆေးရုံ၊ ဆေးခန်းများတွင် သွေးလိုအပ်နေတဲ့ လူနာများအတွက် ကြက်ခြေနီစေတနာလုပ်အားရှင်များကမိမိတို့ကိုယ်တိုင် သွေးလှူဒါန်းကူညီနေကြသလို သွေးအမျိုးအစားတူတဲ့ သွေးလှူရှင်များ ရှာဖွေပေးပြီး
သွေးလှူဒါန်းနိုင်ဖို့အတွက်လည်း ကြိုးစားကူညီလျက်ရှိပါတယ်။
