မြန်မာနိုင်ငံကြက်ခြေနီအသင်းဌာနချုပ်သည် ကယားပြည်နယ်ကြက်ခြေနီကြီးကြပ်မှုကော်မတီနှင့်အတူ ကယားပြည်နယ်အတွင်း လူသားချင်းစာနာထောက်ထားသည့် အကူအညီများကို ပံ့ပိုးကူညီပေးလျက်ရှိပါသည်။ အဲ့ဒီလိုကူညီရာမှာ လွိုင်ကော်မြို့က ဘုန်းကြီးကျောင်း(၁၁)ကျောင်းမှာ ဖွင့်ထားတဲ့ ယာယီနေရပ်စွန့်ခွာစခန်းတွေက ပြည်သူ (၅၆၆)ဦး၊ အိမ်ထောင်စု (၁၅၆)စု အတွက် ဆန်(၁၅၆)အိတ်၊ ဆီ(၁၅၆)ဗူး၊ အသားဗူး(၉၉၂)ဗူး၊ ခေါက်ဆွဲ (၁၅၅)ထုပ်၊ အနွေးထည် (၁၅၅)ထည်နှင့် စောင် (၁၅၅)ထည်၊ တစ်ကိုယ်ရည်သန့်ရှင်းရေးသုံးပစ္စည်း (၆၄)စုံ၊ အမျိုးသားတစ်ကိုယ်ရည်သန့်ရှင်းရေးသုံးပစ္စည်း (၁၂၁)စုံ၊ အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း (၁၂၂)စုံ၊ ပါးစပ်နှင့်နှာခေါင်းစည်း (၁၃၀၀)ဗူး၊ လက်သန့်စင်ဆေးရည်(၆၀)ဗူး တို့ကို ထောက်ပံ့ဖြန့်ဝေပေးခဲ့ကြပါတယ်။ ထို့ပြင် ယာယီနေရပ်စွန့်ခွာစခန်းတစ်ခုတွင် အမျိုးသမီးများအတွက် အုတ်ကန်နှင့်ရေချိုးခန်း (၁)ခု၊ ၂ခန်းတွဲ ယင်လုံအိမ်သာ (၂)လုံးတို့ကိုလည်း ဆောက်လုပ်ပေးခဲ့ကြပါတယ်။ ကယားပြည်နယ်ကြက်ခြေနီကြီးကြပ်မှုကော်မတီက တာဝန်ရှိသူတွေနဲ့ကြက်ခြေနီစေတနာလုပ်အားရှင်တွေဟာ ပြီးခဲ့တဲ့ ရက်သတ္တပတ်များအတွင်းမှာ ရှမ်းပြည်နယ်တောင်ပိုင်းကြက်ခြေနီကြီးကြပ်မှုကော်မတီနဲ့ ပူးပေါင်းပြီး နေရပ်စွန့်ခွာပြည်သူတွေကို ရှမ်းပြည်နယ်တောင်ပိုင်းက နေရပ်စွန့်ခွာစခန်းတွေဆီပို့ဆောင်ပေးခဲ့ကြပါတယ်။ ယခုလက်ရှိမှာလည်း ကယားပြည်နယ်အတွင်းမှာ ရှိနေတဲ့ ယာယီစခန်းတွေက ပြည်သူတွေအတွက် လိုအပ်တဲ့ ကျန်းမာရေးစောင့်ရှောက်မှုနဲ့ အစားအသောက်၊ အသုံးအဆောင်တွေကို ထောက်ပံ့ကူညီပေးလျက်ရှိပြီး ဒေသအသီးသီးက အလှူရှင်များနဲ့ ချိတ်ဆက်ကာ စိတ်ပိုင်းလူမှုပိုင်းဆိုင်ရာ အားပေးကူညီမှုတွေ ဆက်လက်ပြုလုပ်ပေးနိုင်ဖို့ ကြိုးပမ်းအားထုတ်လျက်ရှိကြပါတယ်။   

ခြေလက်အင်္ဂါများတွင် ထိခိုက်ဒဏ်ရာရရှိ၍ သွေးယိုစီးသောအခါ သွေးယိုစီးမှုရပ်တန့်ရန်အတွက် ရှေးဦးပြုစုနည်း။

ယခုအချိန်တွင် COVID-19 ရောဂါကူးစက်မှုများ ပြန်လည်မြင့်တက်လာခြင်းနှင့်အတူ COVID-19 မျိုးရိုးဗီဇသစ် အိုမိုင်ခရွန် (Omicron) ရောဂါကူးစက်မှုများလည်း များပြားလာသည့်အတွက် ရောဂါကာကွယ်ရေး နည်းလမ်းများကို လိုက်နာဆောင်ရွက်ဖို့ အရေးကြီးပါသည်။ ကာကွယ်ရေးနည်းလမ်းများတွင် နှာခေါင်းစည်း(Mask) တပ်ဆင်ခြင်းသည်လည်း အဓိကအရေးပါပါသည်။ နှာခေါင်းစည်း(Mask) တပ်ဆင်ရာတွင် စနစ်တကျ တပ်ဆင်ရန်လည်းလိုအပ်ပါသည်။ ထို့အပြင် ကလေးငယ်များအား ဂရုစိုက်ရန်လိုအပ်ပြီး ကလေးငယ်ရှိသော မိသားစုများ အနေဖြင့် အပြင်မှပြန်လာတိုင်း မိမိတပ်ဆင်ထားသော နှာခေါင်းစည်း(Mask) များကို စနစ်တကျလွှင့်ပစ်ပြီး လက်ကိုဆပ်ပြာဖြင့်သေချာစွာ စက္ကန့်(၂၀)ကြာ ဆေးကြောပြီးမှ ကလေးငယ်များနှင့် အခြားသောအရာများအား ထိတွေ့ကိုင်တွယ်ပါ။