၂၀၂၀ ပြည့်နှစ်၊ ဇွန်လ ၃၀ ရက်နေ့က မြ၀တီမြို့၊ အမှတ်(၂)တံတားမှတစ်ဆင့် ပြန်လည်၀င်ရောက်လာကြသည့် နေရပ်ပြန်ပြည်သူများကို စာရင်းကောက်ယူခြင်း၊ ကိုယ်အပူချိန်တိုင်းတာပေးခြင်း၊ ကျန်းမာရေးအသိပညာပေး စာစောင်များ၊ ထမင်းနှင့်ရေသန့်ဘူးများကူညီခြင်း၊ သက်ဆိုင်ရာနေရပ်အသီးသီးသို့ညွှန်းပို့ကူညီပေးခြင်းတို့ကို မြ၀တီခရိုင်ကြက်ခြေနီတပ်ဖွဲ့မှူး ဦးအောင်နိုင်ဦးနှင့် မြို့နယ်ကြက်ခြေနီတပ်ဖွဲ့မှူး ဦးအောင်သွင်ဦး ဦးဆောင်သော ကြက်ခြေနီစေတနာလုပ်အားရှင် (၇) ဦး တို့သည် ဌာနဆိုင်ရာတာ၀န်ရှိသူများ၊ မြို့နယ်ကျန်းမာရေးဉီးစီးဌာနမှ တာဝန်ရှိသူများ စေတနာ့လုပ်အားရှင်များနှင့် အတူ ပူးပေါင်းကူညီဆောင်ရွက်ပေးခဲ့ကြပါသည်။

စစ်တွေမြို့နယ်ကြက်ခြေနီအသင်းခွဲဥက္ကဌ ဦးဆောင်သော ကြက်ခြေနီစေတနာလုပ်အားရှင် (၃၀)ဦးတို့သည် ပြည်သူများအားမျှဝေနိုင်ရန် နှာခေါင်းစည်းများကိုချုပ်လုပ်ခြင်းကို ရခိုင်ပြည်နယ်စစ်တွေမြို့ရှိ အစိုးရနည်းပညာဌာနသက်မွေးသင်တန်းကျောင်းမှ တာဝန်ရှိသူများနှင့်ပူးပေါင်းကာ ၂၀၂၀ပြည့်နှစ် မေလ ၂၃ရက်နှင့် ၂၄ရက်နေ့များတွင် ဆောင်ရွက်ခဲ့ကြပါသည်။

မြန်မာနိုင်ငံကြက်ခြေနီအသင်း ရခိုင်ပြည်နယ်စီမံချက်များစီမံခန့်ခွဲမှုယူနစ်နှင့် စစ်တွေမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်တို့ ပူးပေါင်းကာ စစ်တွေမြို့နယ်အတွင်း COVID-19ရောဂါကာကွယ်ရေး အသိပညာပေးခြင်းများဆောင်ရွက်လျက်ရှိရာ ၂၀၂၀ပြည့်နှစ် ဧပြီ ၁၅ရက်နေ့က ရခိုင်ပြည်နယ် အကူရဲတပ်ဖွဲ့ဝန်ထမ်းအိမ်ရာဝင်းအတွင်း COVID-19ရောဂါကာကွယ်ရေးအသိပညာပေးဟောပြောခြင်း၊ ပိုစတာများ၊ဗီနိုင်းများတပ်ဆင်ခြင်းတို့ကို ဆောင်ရွက်ခဲ့ပြီူ ကြက်ခြေနီစေတနာလုပ်အားရှင်များမှ လိုက်နာဆောင်ရွက်ရမည့် အချက်များကို တေးသရုပ်ဖော်ကာ အသိပညာပေးခဲ့ကြပါသည်။

မောင်တောမြို့နယ်ကြက်ခြေနီတပ်ဖွဲ့မှူး ဦးမောင်ဝင်းနိုင် ဦးဆောင်သော ကြက်ခြေနီစေတနာလုပ်အားရှင်များသည် မြန်မာနိုင်ငံကြက်ခြေနီအသင်း၊ ရခိုင်ပြည်နယ်စီမံချက်များစီမံခန့်ခွဲမှုယူနစ်၊ မိတ်ဖက်လူမှုရေးအသင်းအဖွဲ့များနှင့် ပူးပေါင်းကာ မောင်တောမြို့နယ်အတွင်းရှိ လူစည်ကားရာနေရာများတွင် COVID-19ရောဂါကာကွယ်ရေး အသိပညာပေးခြင်း၊ စနစ်တကျလက်ဆေးနည်းနှင့် နှာခေါင်းစည်းအသုံးပြုနည်းတို့ကို ဝေမျှခြင်းတို့ကို ၂၀၂၀ပြည့်နှစ် ဧပြီလ ၉ရက်နေ့က ဆောင်ရွက်ခဲ့ကြသည်။

ရခိုင်ပြည်နယ်ကြက်ခြေနီတပ်ဖွဲ့မှူး ဦးမြင့်ထွေးနှင့် စစ်တွေခရိုင်တပ်ဖွဲ့မှူး ဦးစိန်မြင့်ဦးဆောင်သော ကြက်ခြေနီစေတနာလုပ်အားရှင်များသည် ရခိုင်ပြည်နယ်ရှိ စစ်တွေတက္ကသိုလ်၊ စစ်တွေကွန်ပျူတာတက္ကသိုလ်နှင့် မြို့နယ်လျှပ်စစ်ရုံးတို့တွင် ဌာနဆိုင်ရာတာဝန်ရှိသူများနှင့်ပူးပေါင်းကာ COVID-19ကိုရိုနာဗိုင်းရပ်စ်အဆုတ်ရောင်ရောဂါကာကွယ်ရေးပိုစတာများကပ်ခြင်းဖြင့် အသိပညာပေးခြင်းများကို ၂၀၂၀ပြည့်နှစ် မတ်လ ၁၉ရက်နေ့က ဆောင်ရွက်ခဲ့ကြသည်။