|
RMS

  31/ Mar/ 2026

Children's Play Center Opens in Sinphyukyun

ကလေးငယ်တွေကို စိတ်ပိုင်းဆိုင်ရာ အားပေးကူညီတဲ့အနေနဲ့ မကွေးတိုင်းဒေသကြီး စလင်းမြို့နယ် ဆင်ဖြူကျွန်းကြက်ခြေနီအသင်းခွဲငယ်မှ ကြက်ခြေနီစေတနာလုပ်အားရှင်များက မတ်လ(၂၂)ရက်နေ့မှာ ဆင်ဖြူကျွန်းမြို့ ပြန်လွင့်ရပ်ကွက် မြို့မ အမက ကျောင်းဝင်းထဲမှာ ကလေးပျော်စင်တာကို ဖွင့်လှစ်ခဲ့ရာ ကလေးငယ်(၄၅)ဦး ပျော်ရွှင်စွာ လာရောက် ကစားခဲ့တယ်လို့သိရပါတယ်။ သူတို့ကို စိတ်ပိုင်းဆိုင်ရာ အားဖြည့်ကူညီပေးနိုင်ခဲ့ပြီး ဒီစင်တာကို ရက်သတ္တပတ်(၁)ပတ်မှာ တစ်ကြိမ် ဖွင့်လှစ်ပေးသွားမယ်လို့ ဆင်ဖြူကျွန်းကြက်ခြေနီထံမှ သိရပါတယ်။

Read More

  31/ Mar/ 2026

Unity in Action Ceremony to Commemorate the (1) Anniversary of the Mandalay Earthquake

ရန်ကုန်၊ ၂၀၂၆ခုနှစ်၊ မတ်လ(၂၈)ရက်။
မန္တလေးငလျင်ကြီး (၁) နှစ်ပြည့် အထိမ်းအမှတ် အဖြစ် ပြုလုပ်သော Unity in Action အခမ်းအနားကို မတ်လ(၂၈)ရက်နေ့ ညနေပိုင်းက ရန်ကုန်မြို့ရှိ Wyndham Grand Hotel တွင်ပြုလုပ်ခဲ့ရာ ဦးစွာ မန္တလေးငလျင်ကြီးကြောင့် အသက်ဆုံးရှုံးမှုများနှင့် ပျက်ဆီးဆုံးရှုံးခဲ့ရမှုများအတွက် ဝမ်းနည်းခြင်း အထိမ်းအမှတ်အဖြစ် တစ်မိနစ် ငြိမ်သက်၍ ဦးညွှတ်ဂါရဝပြုကြသည်။
ထို့နောက် မြန်မာနိုင်ငံကြက်ခြေနီအသင်းဥက္ကဌ ပါမောက္ခဒေါက်တာမျိုးညွန့် က အမှာစကား ပြောကြား ခဲ့ပြီး အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်ဒရေးရှင်း မှ Head Of Delegation Ms. Nadia KHOURY နှင့် အပြည်ပြည်ဆိုင်ရာကြက်ခြေနီကော်မတီ မှ Head of Programs & Prevention Mr. Xavier Collard de Macquerh တို့က နှုတ်ခွန်းဆက်စကား ပြောကြားခဲ့ပါသည်။
ဆက်လက်၍ အလုပ်အမှုဆောင် ပါမောက္ခဒေါက်တာတင်မောင်လှိုင်က ငလျင်တုံ့ပြန်ရေးနှင့် ပြန်လည်ထူထောင်ရေးလုပ်ငန်း ဆောင်ရွက်နေမှုများကို ရှင်းလင်းပြောကြားခဲ့ပြီး တစ်နှစ်တာအတွင်း ငလျင်တုံ့ပြန်ရေးနှင့် ပြန်လည်ထူထောင်ရေး ဆောင်ရွက်ထားရှိမှုများ၊ မိတ်ဖက်ကြက်ခြေနီအသင်း များနှင့် ပူးပေါင်းဆောင်ရွက်နေမှုများ၊ စေတနာ အလှူရှင်များ၏ ပံ့ပိုးကူညီဆောင်ရွက်ခဲ့မှု မှတ်တမ်း ဗီဒီယိုများကို ပြသခဲ့ပါသည်။
ထို့နောက် ဒုတိယဥက္ကဌ ဒေါက်တာဒေါ်တင်တင်လေး၊ အလုပ်အမှုဆောင် ပါမောက္ခဒေါက်တာတင်မောင်လှိုင်နှင့် ပါမောက္ခဒေါက်တာဒေါ်ရီရီတင်တို့က ငလျင်တုံ့ပြန်ရေးနှင့် ပြန်လည်ထူထောင်ရေးလုပ်ငန်းများတွင် ပါဝင်ဆောင်ရွက်ခဲ့ကြသော ကြက်ခြေနီစေတနာလုပ်အားရှင်များ ကိုယ်စား ကြက်ခြေနီစေတနာလုပ်အားရှင်(၁၅)ဦးတို့အား ဂုဏ်ပြုမှတ်တမ်းလွှာများကို ပေးအပ်ချီးမြှင့်ခဲ့ပါသည်။
အခမ်းအနားသို့ အသင်းဥက္ကဌနှင့်အတူ ဒုတိယဥက္ကဌ ဒေါက်တာဒေါ်တင်တင်လေးနှင့် အလုပ်အမှုဆောင်များ၊ တိုင်းဒေသကြီး/ပြည်နယ်ကြက်ခြေနီကြီးကြပ်မှုကော်မတီ ဥက္ကဌများ နှင့် တာဝန်ရှိသူများ၊ ဒုတိယအထွေထွေအတွင်းရေးမှူးများ၊ လက်ထောက်အထွေထွေအတွင်းရေးမှူးနှင့် ညွှန်ကြားရေးမှူးများ၊ အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများ ဖက်ဒရေးရှင်း၊ အပြည်ပြည်ဆိုင်ရာကြက်ခြေနီ ကော်မတီနှင့် မိတ်ဖက်ကြက်ခြေနီအသင်းများမှ တာဝန်ရှိသူများ၊ ကြက်ခြေနီစေတနာလုပ်အားရှင်များ၊ ပြည်တွင်း/ပြည်ပမှ အလှူရှင်များ၊ ဖိတ်ကြားထားသူများ တက်ရောက်ခဲ့ပါသည်။
#MRCS#EartquakeResponse#UnityinAction

Read More

  15/ Jul/ 2025

Earthquake Response: Cash Relief, Food Items Distribution & Child Friendly Space in Southern Shan State

မြန်မာနိုင်ငံကြက်ခြေနီအသင်းက ရှမ်းပြည်နယ်တောင်ပိုင်း၊ ညောင်ရွှေမြို့နယ်ရှိ အင်းလေးကျေးလက်ဒေသ၊(နန်းသဲအုပ်စု၊ အိုင်ထောင့်ကြီး၊ ရှေ့၀ကြီး ၊ မြောင်း၀ကြီး၊ ကြေးစားကုန်းမြောက်၊ ကြေးစားအောက်၊ ကြေးစားတောင်၊ ရေသာရွာ၊ မင်းချောင်းလယ်၊ မင်းချောင်းရှေ့၊ ပွဲစားကုန်းရွာ၊ နွားဓမတောင်၊ ခေါင်တိုင်၊ အင်းပြင်ကျေးရွာ၊ လွယ်အံကျေးရွာအုပ်စု ၊ အရှေ့ကျောက်တန်း၊ နန်းပန်ရွာ)၊ ကလောမြို့ရှိ ရပ်ကွက် (၁၁) ရပ်ကွက်နှင့် အောင်ပန်းမြို့ရှိ (ရေချိုကျေးရွာ၊ ရပ်ကွက် ၃၊ ၄၊ မိုးကောင်း၊ ရွာငံစု၊ ညောင်ပင်ထောက်၊ မင်္ဂလာရပ်ကွက် ၁၊ ၂ နှင့် လှည်းရိုး) တို့တွင် ငလျင်ဘေးဒဏ်ထိခိုက်ခံစားရသော အိမ်ထောင်စု (၇၈၉) စုအတွက်အိမ်ထောင်စု တစ်စုလျှင် ငွေသား (၅၀,၀၀၀) ကျပ်နှုန်းဖြင့် စုစုပေါင်း ငွေသား (၃၉,၄၅၀,၀၀၀) ကျပ်ကို ၂၀၂၅ ခုနှစ်၊ မေလ(၁၃)ရက် နှင့် (၁၄) ရက်နေ့တွင်သွားရောက်ထောက်ပံ့‌ပေးခဲ့ပါတယ်။

၎င်းအပြင် ပြည်တွင်းအလှူရှင်များမှ လှူဒါန်းခဲ့သည့် ဆန်၊ ဆီ၊ ငါးသေတ္တာ၊ ခေါက်ဆွဲခြောက် နှင့် ဓာတ်ဆားထုပ် တို့ကို ကလောမြို့ နှင့် အောင်ပန်းမြို့တွင် ဖြန့်ဝေပေခဲ့ပြီး၊ ညောင်ရွှေမြို့နယ် ရှိ အင်းလေးဒေသဖက်တွင် ဆန်၊ ခေါက်ဆွဲ နှင့် ဓာတ်ဆားတို့ကို လည်း အိမ်ထောင်စု (၇၈၉)စု အတွက် ပေးဝေခဲ့ပါတယ်။

ထိုဒေသရှိ ကလေးငယ်များအတွက် စိတ်ပိုင်းဆိုင်ရာ ကျန်းမာပျော်ရွှင်စေရန် နှင့် ကြောက်ရွံ့ထိတ်လန့်မှုတွေကို သက်သာစေဖို့အတွက် မြန်မာနိုင်ငံကြက်ခြေနီအသင်းမှ ကလေးငယ်များအား အားပေးစောင့်ရှောက်ခြင်းဆိုင်ရာ အသိပညာများနှင့်ကလေးပျော်စင်တာကိုပါ ဖွင့်လှစ်ခဲ့ရာ ကလေးငယ်များ လာရောက်ဆော့ကစားခဲ့ပါတယ်။

မြန်မာနိုင်ငံကြက်ခြေနီအသင်းသို့ အနယ်နယ်အရပ်ရပ်မှ လှူဒါန်းသည့်ကူညီကယ်ဆယ်ရေး ပစ္စည်းများကို ငလျင်ဘေးဒဏ်ခံစားရသည့် ရပ်ရွာလူထုထံ လက်ရောက် ပေးအပ်နိုင်ရန် အသင်းအနေဖြင့်ဆက်လက်ဆောင်ရွက်လျက်ရှိပါတယ်။

Read More

  07/ Aug/ 2024

Request For Expression of Interest for Construction of MRCS 3-Storeyed New Warehouse Building, Yangon, Myanmar.

မြန်မာနိုင်ငံကြက်ခြေနီအသင်းသည် မြန်မာနိုင်ငံဒေသအနှံ့တွင် လူမှုကရုဏာလုပ်ငန်းများကို အချိန်နှင့် တပြေးညီ ကူညီထောက်ပံ့နေသော အဖွဲ့အစည်းတစ်ခုဖြစ်ပြီး ဘေးဒဏ်အမျိုးမျိုးကြောင့် ထိခိုက်ခံစား ရသောရပ်ရွာလူထုများ၏ ပြန်လည်ထူထောင်ရေးလုပ်ငန်းများတွင် ကယ်ဆယ်ရေးပစ္စည်းများ ပိုမိုထိရောက်စွာပံ့ပိုးပေးခြင်းဖြင့် လူသားချင်းစာနာ ထောက်ထားမှုအထောက်အပံ့များ ပိုမိုကောင်းမွန်လာစေရန် ဆောင်ရွက်ပေးလျှက်ရှိပါသည်။

မြန်မာနိုင်ငံကြက်ခြေနီအသင်းအနေဖြင့် နိုင်ငံအတွင်းဆောက်လုပ်ရေးလုပ်ငန်းခွင်များတွင် အတွေ့အကြုံရှိသည့် ကန်ထရိုက်တာများအား အသင်းပိုင်ဗဟိုကြက်ခြေနီသိုလှောင်ရုံ (RC) ၃-ထပ်တိုးချဲ့အဆောက်အဦ တည်ဆောက်ရေး လုပ်ငန်းများဆောင်ရွက်ရန်အတွက် “စိတ်ဝင်စားမှုဖော်ပြခြင်းအဆိုပြုလွှာနှင့် နည်းပညာဆိုင်ရာကန်ထရိုက်တာဆန်းစစ် လွှာ” ရယူရန် ဆက်သွယ်နိုင်ကြောင်း အသိပေးအကြောင်းကြားအပ်ပါသည်။ ကြိုတင်ဆန်းစစ်ခြင်းမေးခွန်းများ တောင်းခံ လွှာကို မြန်မာနိုင်ငံကြက်ခြေနီအသင်း၊ ထောက်ပံ့ပို့ဆောင်ရေးနှင့် ၀ယ်ယူဖြည့်တင်းရေးဆိုင်ရာစီမံခန့်ခွဲမှုဌာန၊ အမှတ်-၄၂၊ ကမ်းနားလမ်း၊ ဗိုလ်တစ်ထောင်မြို့နယ်၊ ရန်ကုန်မြို့၊ ဖုန်းနံပါတ်- ၀၉ ၄၂၀၀၉၇၄၀၉ သို့ ၂၀၂၄-ခုနှစ်၊ ဇူလိုင်လ (၂၉)ရက်နေ့ မြန်မာစံတော်ချိန်နံနက်(၁၀:၀၀)နာရီမှစတင်ထုတ်ယူနိုင်ပြီး ကြိုတင်ဆန်းစစ်ခြင်း မေးခွန်းလွှာဖြေဆိုမှုများနှင့် အထောက်အထား စာရွက်စာတမ်းများကို ၂၀၂၄-ခုနှစ်၊ ဩဂုတ်လ၊ (၁၂)ရက်နေ့၊ မြန်မာစံတော်ချိန်ညနေ(၄:၀၀)နာရီ နောက်ဆုံးထား၍ ဖော်ပြပါလိပ်စာသို့ တံဆိပ်ခတ်ထားသည့် စာအိတ်ဖြင့် ပေးပို့ရမည်ဖြစ်ပါသည်။

Read More

  17/ Apr/ 2024

Myanmar New Year's Message by Professor Dr. Myo Nyunt, President of the Myanmar Red Cross Society

၁၃၈၆ ခုနှစ် မြန်မာနှစ်သစ် အခါသမယတွင် မြန်မာနိုင်ငံတစ်ဝှမ်းက ကြက်ခြေနီအသင်းဝင်များ၊ တပ်ဖွဲ့ဝင်များ၊ စေတနာလုပ်အားရှင်များနှင့် လေးစားအပ်ပါသော မြန်မာပြည်သူပြည်သားများ အားလုံး စိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံပါစေကြောင်း နှုတ်ခွန်းဆက်ရင်း ပျော်ရွှင်စရာ နှစ်သစ်အတွက် ဆုမွန်ကောင်းတောင်းအပ်ပါတယ်။ ယခုလိုနှစ်သစ်ကို စတင်လိုက်သည်နှင့် ပြည်သူပြည်သားများ အားလုံး ဘေးအန္တရာယ် လျော့ပါး သက်သာစေရန် ကျွန်ုပ်တို့၏ ကျွမ်းကျင်မှု၊ စာနာစိတ်ကို အရင်းခံကာ ကြက်ခြေနီရဲ့ လူသားချင်း စာနာထောက်ထားမှု လုပ်ဆောင်ချက်များကို စွမ်းနိုင်သမျှတတ်အားသရွေ့ လုပ်ဆောင်သွားမည် ဖြစ်ကြောင်း ကတိကဝတ်ပြုအပ်ပါတယ်။ ကြက်ခြေနီရဲ့ လူသားချင်းစာနာထောက်ထားမှု လုပ်ငန်းတွေမှာ နေ့နေ့ ညည မအားမလပ် ပါဝင်ဆောင်ရွက်နေကြတဲ့ ကျွန်ုပ်တို့၏ ကြက်ခြေနီစေတနာလုပ်အားရှင်များနှင့် ဝန်ထမ်းများကိုလည်း မယိမ်းယိုင်သော မေတ္တာ ကရုဏာတရားနှင့် ကြက်ခြေနီရဲ့ မွန်မြတ်သော အခြေခံမူများကို ခိုင်မြဲစွာ လိုက်နာပြီး အများအတွက်သာမက မိမိတို့ ကိုယ်တိုင်လည်း ဘေးအန္တရာယ်ကင်းစွာဖြင့် ပြည်သူလူထု၏ လိုအပ်ချက်များကို ဖြည့်ဆည်းပေးဖို့ ကြိုးပမ်းအားထုတ်ပေးကြပါလို့ တွန်းအားပေး တိုက်တွန်းအပ် ပါတယ်။ ဒီလို မင်္ဂလာ ရှိလှတဲ့ နှစ်သစ်ရဲ့ ပထမဦးဆုံးနေ့မှာ လူသားများအားလုံး ဘေးအန္တရာယ် အပေါင်းမှကင်းဝေးကာ ကျန်းမာခြင်း၊ ချမ်းသာခြင်းနှင့် ငြိမ်းချမ်းခြင်းများ ရရှိကြပါစေကြောင်း ဆုမွန်ကောင်းတောင်းမေတ္တာပို့သလိုက်ပါတယ်။ ပါမောက္ခဒေါက်တာမျိုးညွန့် ဥက္ကဌ မြန်မာနိုင်ငံကြက်ခြေနီအသင်း

Read More

  26/ Mar/ 2024

Myanmar Red Cross Society have provided humanitarian assistance to most needed communities in Mindut Township

တကယ်လိုအပ်တဲ့နေရာကရပ်ရွာလူထုထံ ထိရောက်တဲ့ လူသားချင်းစာနာထောက်ထားမှု အကူအညီတွေပေးနိုင်ဖို့အတွက် ကျွန်ုပ်တို့မြန်မာနိုင်ငံကြက်ခြေနီအသင်းက ကြက်ခြေနီအခြေခံမူတွေနဲ့အညီအစဥ်အမြဲ ကြိုးစား ဆောင်ရွက်လျက်ရှိပါတယ်။
 
ချင်းပြည်နယ်၊ မင်းတပ်မြို့နယ်၊ ဘောင်ထဲကျေးရွာ၊ ဘော(၃)ရွာ၊ မြို့ဦးဘုန်းတော်ကြီးကျောင်း၊ မက်သဒစ် ဘုရားကျောင်း၊ စိချဲ့ဘုရားကျောင်း၊ ရွှေနှလုံးတော်ဘုရားကျောင်းတို့တွင် ရောက်ရှိနေသော အကြောင်းအမျိုးမျိုးကြောင့် ထိခိုက်ခံစားရသည့် အိမ်ထောင်စု (၁၁၅)စုအတွက် လိုအပ်နေတဲ့အသုံးအဆောင်ပစ္စည်းတွေကို ပြီးခဲ့တဲ့ မတ်လ(၂၁)ရက်နေ့က အဆိုပါအိမ်ထောင်စု များထံ လက်ဝယ်အရောက် အသင်းဌာနချုပ်မှ တာဝန်ရှိသူများနဲ့ ဒေသခံကြက်ခြေနီစေတနာလုပ်အားရှင်များက ဆက်လက်ထောက်ပံ့ ကူညီပေးခဲ့ပါတယ်။
 
ထောက်ပံ့ကူညီရာမှာ အမျိုးသမီးတစ်ကိုယ်ရည်သုံးပစ္စည်း (၁၁၁)အိတ်၊ အမျိုးသားတစ်ကိုယ်ရည်သုံးပစ္စည်း (၁၁၀)အိတ်၊ ကလေးမီးဖွားသန့်စင်သုံးပစ္စည်း (၁၀)အိတ်၊ ကလေးများအတွက်စိတ်ပိုင်းဆိုင်ရာ ပံ့ပိုးခြင်း အိတ်(၅၆) အိတ်၊ မွေးကင်းစကလေးသုံးပစ္စည်း(၄၀) အိတ်၊ ကလေးဝတ်အင်္ကျီထုပ်(၆၀)ထုပ်၊ ခြင်ထောင်(၁၁၅)၊ စောင်(၁၁၅) ထည်၊ တာပေါ်လင်(၈၃)စ၊ ဆီ(၁လီတာဘူး)(၂၃၀)ဘူး၊ ဆား(၁၁၅)ထုပ်၊ ငါးခြောက်အထုပ်ငယ်(၁၁၅)ထုပ်၊ ပဲ(၁၅၅)ထုပ် တို့ကိုထောက်ပံ့ကူညီခဲ့တာဖြစ်ပါတယ်။
 
မြန်မာနိုင်ငံကြက်ခြေနီအသင်းအနေဖြင့် မင်းတပ်မြို့နယ်အတွင်း မတ်လ(၂၀)ရက်နေ့မှ (၂၁)ရက်နေ့အထိ အိမ်ထောင်စုပေါင်း(၂၈၃)စုမှ လူဦးရေ(၁၂၆၆)ဦးအတွက် ထောက်ပံ့ကူညီနိုင်ခဲ့ပါတယ်။ ဒီလိုကူညီခဲ့တာက လိုအပ်ချက်တွေအတွက် အပြည့်အဝမဟုတ်သည့်တိုင် သူတို့အတွက်များစွာ အထောက်အကူဖြစ်စေခဲ့ပါတယ်။
ဒါ့အပြင်အကူအညီလိုအပ်တဲ့နေရာတွေအထိအကူအညီတွေ ဆက်လက်ပေးနိုင်ဖို့ကိုလည်း စီစဥ်ဆောင်ရွက်လျက်ရှိပါတယ်။
 

Read More

  24/ Mar/ 2024

Myanmar Red Cross Society have provided humanitarian assistance to most needed communities in Mindut Township

တကယ်လိုအပ်တဲ့နေရာကရပ်ရွာလူထုထံ ထိရောက်တဲ့ လူသားချင်းစာနာထောက်ထားမှု အကူအညီတွေပေးနိုင်ဖို့အတွက် ကျွန်ုပ်တို့ မြန်မာနိုင်ငံကြက်ခြေနီအသင်းက ကြက်ခြေနီအခြေခံမူတွေနဲ့အညီ အစဥ်အမြဲကြိုးစားဆောင်ရွက်လျက်ရှိပါတယ်။
 
ချင်းပြည်နယ်၊ မင်းတပ်မြို့နယ်၊ ပန်းအော့ကျေးရွာ၊ ဖွီကျေးရွာ၊ တောင်ပုလုဘုန်းတော်ကြီးကျောင်းနှင့် Baptist Church တို့မှာရောက်ရှိနေကြတဲ့ အကြောင်းအမျိုးမျိုးကြောင့်ထိခိုက်ခံစားရသည့်အိမ်ထောင်စု (၁၆၈)စုအတွက် လိုအပ်နေတဲ့ အသုံးအဆောင်ပစ္စည်းတွေကို ပြီးခဲ့တဲ့ မတ်လ(၂၀)ရက်နေ့က အဆိုပါအိမ်ထောင်စုများ လက်ဝယ်အရောက် အသင်းဌာနချုပ်မှ တာဝန်ရှိသူများနဲ့ ဒေသခံကြက်ခြေနီစေတနာလုပ်အားရှင်များက သွားရောက်ထောက်ပံ့ကူညီပေးခဲ့ပါတယ်။
 
ထောက်ပံ့ကူညီရာမှာ အမျိုးသမီးတစ်ကိုယ်ရည်သုံးပစ္စည်း (၁၃၉)အိတ်၊ အမျိုးသားတစ်ကိုယ်ရည်သုံးပစ္စည်း (၁၃၈)အိတ်၊ ကလေးမီးဖွားသန့်စင်သုံးပစ္စည်း (၅)အိတ်၊ ကလေးများအတွက်စိတ်ပိုင်းဆိုင်ရာပံ့ပိုးခြင်းအိတ်(၆၄)အိတ်၊ မွေးကင်းစကလေးသုံးပစ္စည်း(၅၂) အိတ်၊ ကလေးဝတ်အင်္ကျီထုပ်(၆၆)ထုပ်၊ ခြင်ထောင် (၁၆၈)၊ စောင်(၁၆၈)ထည်၊ တာပေါ်လင်(၁၀၇)စ၊ ဆီ(၁လီတာဘူး)၃၃၆ဘူး၊ ဆား(၁၆၈)ထုပ်၊ ငါးခြောက်အထုပ်ငယ်(၁၆၈)ထုပ်၊ ပဲ(၁၆၈)ထုပ် တို့ကိုထောက်ပံ့ကူညီခဲ့တာဖြစ်ပါတယ်။
ဒီလိုကူညီခဲ့တာက သူတို့လိုအပ်ချက်အတွက် အပြည့်အဝမဟုတ်သည့်တိုင်သူတို့အတွက်များစွာ အထောက်အကူ ဖြစ်စေခဲ့ပါတယ်။
ယခုလိုမျိုး လိုအပ်တဲ့နေရာတွေအထိသွားရောက်ပြီး ထိရောက်တဲ့ အကူအညီ​တွေ ဆက်လက်ပေးနိုင်ဖို့အတွက် လည်း စီစဥ်ဆောင်ရွက်လျက်ရှိပါတယ်။

 

Read More

  16/ Feb/ 2024

Professor Dr. Myo Nyunt, the President of the Myanmar Red Cross Society (MRCS), engaged in discussions regarding the humanitarian activities of the Red Cross in Myitkyina, Kachin State, 16th February 2024

မြစ်ကြီးနား၊ ၂၀၂၄ခုနှစ်၊ ဖေဖော်ဝါရီလ(၁၆)ရက်။
မြန်မာနိုင်ငံကြက်ခြေနီအသင်းဥက္ကဌပါမောက္ခဒေါက်တာမျိုးညွန့်သည် ဖေဖော်ဝါရီလ(၁၆)ရက်နေ့ နံနက်ပိုင်းကမြစ်ကြီးနားမြို့ရှိ ကချင်ပြည်နယ် ကြက်ခြေနီကြီးကြပ်မှုကော်မတီရုံးတွင် ပြည်နယ်/ခရိုင် ကြက်ခြေနီကြီးကြပ်မှုကော်မတီဝင်များ၊ မြို့နယ်ကြက်ခြေနီအသင်းခွဲအမှု ဆောင်များ၊ မြို့နယ်ကြက်ခြေနီတပ်ဖွဲ့မှူးများနှင့် ကြက်ခြေနီစေတနာလုပ်အားရှင်များအား တွေ့ဆုံခဲ့ပြီး ပြည်နယ်အတွင်း လူမှုကရုဏာလုပ်ငန်းများ ဆောင်ရွက်နေမှုများနှင့်ပတ်သက်ပြီး ဆွေးနွေးခဲ့ပါသည်။
ထိုသို့တွေ့ဆုံရာတွင် ကချင်ပြည်နယ်ကြက်ခြေနီကြီးကြပ်မှုကော်မတီဥက္ကဌ ဦးဘရန်ဒီးက ပြည်နယ်အတွင်းဆောင်ရွက်လျက်ရှိသည့် ကြက်ခြေနီလူမှုကရုဏာလုပ်ငန်းများကို ရှင်းလင်းတင်ပြခဲ့ပြီး အသင်းအချိန်ပြည့်အလုပ်အမှု ဆောင်ပါမောက္ခဒေါက်တာတင်မောင်လှိုင်နှင့်ဒုတိယအထွေထွေအတွင်းရေးမှူးဒေါက်တာဒေါ်ညိုညိုဝင့်တို့က ဖြည့်စွက်ဆွေးနွေးခဲ့ရာ အသင်းဥက္ကဌ ပါမောက္ခဒေါက်တာမျိုးညွန့်က လုပ်ငန်းလိုအပ်ချက်များကို လမ်းညွှန်ခဲ့ပါသည်။
အဆိုပါ တွေ့ဆုံပွဲသို့ အသင်းဥက္ကဌနှင့်အတူ အချိန်ပြည့်အလုပ်အမှုဆောင်၊ ဒုတိယအထွေထွေအတွင်းရေးမှူးတို့တက်ရောက်ခဲ့ပြီး၊ ကချင်ပြည်နယ်ကြက်ခြေနီကြီးကြပ်မှုကော်မတီဥက္ကဌနှင့်ကော်မတီဝင်များ၊ မြစ်ကြီးနား ၊ မိုးညှင်းခရိုင်များမှ ခရိုင်ကြက်ခြေနီကြီး ကြပ်မှုကော်မတီဥက္ကဌများ၊ ဒုတိယဥက္ကဌများနှင့်ကော်မတီဝင်များ၊ မိုးညှင်း၊ မိုးကောင်း၊ ဖားကန့် ၊ ချီဖွေမြို့နယ်များမှ မြို့နယ်ကြက်ခြေနီအသင်းခွဲဥက္ကဌများ၊ ဒုတိယဥက္ကဌများနှင့်အမှုဆောင်များ၊ မြို့နယ်ကြက်ခြေနီတပ်ဖွဲ့မှူးများနှင့် တာဝန်ရှိသူများ၊ ပြည်နယ်မှ ကြက်​ခြေနီလူငယ်ခေါင်းဆောင်များ တက်ရောက်ခဲ့ပါသည်။
ထို့နောက် မြစ်ကြီးနားမြို့နယ်ကြက်ခြေနီအသင်းခွဲသို့ ပြည်နယ်ကြက်ခြေနီကြီးကြပ်မှုကော်မတီပိုင် ကြက်ခြေနီလူနာတင်ယာဉ် လွှဲပြောင်းပေးအပ်ပွဲကို ကျင်းပရာ ပြည်နယ်ကြက်ခြေနီကြီးကြပ်မှု ကော်မတီဥက္ကဌက မြို့နယ်ကြက်ခြေနီအသင်းခွဲဥက္ကဌနှင့် မြို့နယ်ကြက်ခြေနီ တပ်ဖွဲ့မှူးထံသို့ ကြက်ခြေနီလူနာတင်ယာဥ်ကို လွှဲပြောင်းပေးအပ်ခဲ့ပါသည်။

Read More