တနင်္သာရီတိုင်းဒေသကြီး၊ ထားဝယ်မြို့ ၂၀၂၁ခုနှစ်၊ မေလ(၁၂)ရက်နေ့ နံနက်အစောပိုင်းက ထားဝယ်မြို့ အိုးလုပ်ရပ်မှ ကိုယ်အပူချိန်တက်နေသော ကလေးတစ်ဦးအား ထားဝယ်မြို့နယ်ကြက်ခြေနီစေတနာလုပ်အားရှင်များက နေအိမ်မှ ဆေးရုံသို့ ကြက်ခြေနီလူနာတင်ယာဥ် ဖြင့် ကူညီပို့ဆောင်ပေးခဲ့ကြပါတယ်။ ထို့အတူ မေလ(၁၃)ရက်နေ့ ညပိုင်းကလည်း ရှမ္မလည်ဆွဲရပ်မှ ဆေးကုသမူခံယူရန် လိုအပ်တဲ့ကလေးတစ်ဦးနှင့် ပုံကျွန်းရပ်မှ အတက်ရောဂါဖြစ်နေသည့် လူနာတစ်ဦးတို့အား ဆေးရုံသို့ ကူညီပို့ဆောင်ပေးခဲ့ကြပါတယ်။

၂၀၂၁ ခုနှစ်၊ မေလ ၁၂ရက်နေ့က ကရင်ပြည်နယ်၊ မြဝတီမြို့ အမှတ် (၂) ချစ်ကြည်ရေးတံတားမှတဆင့် ဆေးကုသမှုခံယူပြီး ပြန်လည်ဝင်ရောက်လာသော နေရပ်ပြန်ပြည်သူ (၁) ဦးအား ကြက်ခြေနီစေတနာလုပ်အားရှင် (၂) ဦးက ကြက်ခြေနီအသင်းခွဲပိုင်ယာဉ်ဖြင့် ရွှေမြဝတီအသွားအလာကန့်သတ်စောင့်ကြည့်ရေးစခန်းသို့ ကူညီပို့ဆောင်ခဲ့ကြပါသည်။  

၂၀၂၁ခုနှစ်၊ မေလ(၁၂)ရက်နေ့ နံနက်ပိုင်းက ရန်ကုန်တိုင်းဒေသကြီး အင်းစိန်မြို့နယ် ဖော့ကန်ရပ်ကွက်မှ အရိုးကျိုးသည့် အဖွားအို တစ်ဦးအား ဆေးရုံသို့ သွားရန်အကူအညီ တောင်းလာသဖြင့် မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များ သွားရောက်ခဲ့ပြီး အသင်းခွဲမှ ကြက်ခြေနီလူနာတင်ယာဥ်ဖြင့် ဆေးရုံသို့ ပို့ဆောင်ကူညီ ပေးခဲ့ပါတယ်။  

၂၀၂၁ခုနှစ်၊ မေလ(၁၁)ရက်နေ့ နံနက်အစောပိုင်းတွင် ရန်ကုန်တိုင်းဒေသကြီး ကြည်မြင်တိုင်မြို့နယ် တဖက်ကမ်း အလပ်ချောင်းကျေးရွာမှ မွေးလူနာတစ်ဦးအား ကြည်မြင်တိုင်မြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ဆေးရုံသို့ ပို့ဆောင်ကူညီခဲ့ကြပါတယ်။

ရခိုင်ပြည်နယ် ကျောက်တော်မြို့ ကဝိရတနာယာယီ‌ေနရပ်စွန့်ခွာစခန်းတွင် အရေးပေါ်သောက်ရေ၊ သုံးရေလိုအပ်မှုအတွက် အပြည်ပြည်ဆိုင်ရာကြက်ခြေနီကော်မတီ အကူအညီဖြင့် ကျောက်တော်မြို့နယ်ကြက်ခြေနီအသင်းခွဲက တစ်ရက်ရေလီတာ(၉ဝဝဝ)နူန်းဖြင့် ၂၀၂၁ခုနှစ်၊ မေလ(၁)ရက်နေ့ မှ (၁၆)ရက်နေ့ထိ ပေးဝေလှူဒါန်းသွားမှာဖြစ်ပါတယ်။