ရေကြည်၊ ၂၀၂၂ခုနှစ်၊ စက်တင်ဘာလ(၁)ရက်။ ဧရာဝတီတိုင်းဒေသကြီး ရေကြည်မြို့နယ်ကြက်ခြေနီအသင်းခွဲမှ ဖွင့်လှစ်သော ရှေးဦးပြုစုခြင်း(အခြေခံ)သင်တန်းကို ရေကြည်မြို့ အခြေခံပညာအထက်တန်းကျောင်းတွင် ဩဂုတ်လ(၃၀)ရက်နေ့မှ စက်တင်ဘာလ(၁)ရက်နေ့အထိ (၃)ရက်ကြာ ဖွင့်လှစ်ခဲ့ရာ ကျောင်းသား၊ သူ (၃၀)ဦးတို့ အား ကြက်ခြေနီစေတနာလုပ်အားရှင်များက စာတွေ့၊ လက်တွေ့ သင်ကြား ပို့ချခဲ့ပါသည်။

မန်တုံ၊ ဩဂုတ်လ (၂၉) ရက်။ ရှမ်းပြည်နယ် (မြောက်ပိုင်း)၊ မန်တုံမြို့နယ်၊ မော်လုံကျေးရွာတွင် မိုးသည်းထန်စွာရွာသွန်းကာ မြေပြို၍ နေအိမ်ပျက်စီးသွားသော အိမ်ထောင်စုတစ်စုအား မြို့နယ်မှ ကြက်ခြေနီစေတနာလုပ်အားရှင်များက ဘေးလွတ်ရာသို့ ရွှေ့ပြောင်းပေးကာ အိမ်ဆောက်အထောက်အကူပြုပစ္စည်း (၁)စုံ၊ မိသားစုသုံးပစ္စည်း (၁)စုံ၊ တစ်ကိုယ်ရည်သန့်ရှင်းရေးသုံးပစ္စည်း (၁)စုံ၊ မီးဖိုချောင်သုံးပစ္စည်း (၁)စုံ၊ Jellycan (၁)ပုံးတို့ကို ၂၀၂၂ ခုနှစ်၊ ဩဂုတ်လ (၂၂) ရက်နေ့က ထောက်ပံ့ပေးခဲ့ပါသည်။  

ဖားကန့်၊ ဩဂုတ်လ(၂၂)ရက်။ ကချင်ပြည်နယ်၊ ဖားကန့်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ဖားကန့်မြို့နယ် ဆယ်ဇင်းကျေးရွာမှ နေရပ်စွန့်ခွာမိသားစုများအား ဩဂုတ်လ(၁၀)ရက်နေ့နှင့် ဩဂုတ်လ(၁၁)ရက်နေ့တို့တွင် ယာယီခိုလှုံရာစခန်းများသို့ ပို့ဆောင်နေရာချပေးခဲ့ပြီး ဩဂုတ်လ(၁၂)ရက်နေ့တွင် စာရင်းကောက်ယူခြင်း၊ ရှေးဦးပြုစုပေးခြင်း၊ စိတ်ပိုင်းဆိုင်ရာအားပေးခြင်း တို့ကို ကူညီဆောင်ရွက်ခဲ့ကြပါသည်။ ထို့နောက် အရေးပေါ် အသုံးအဆောင်နှင့် အရေးပေါ်ကယ်ဆယ်ရေးပစ္စည်းများအား ထောက်ပံ့ပေးအပ်ရန် စီစဉ်ဆောင်ရွက်လျက်ရှိကြပါသည်။

သာပေါင်း၊ ဩဂုတ်(၂၂)ရက်။

သတင်း- သာပေါင်းမြို့နယ်ကြက်ခြေနီအသင်းခွဲ

#ကြင်နာစိတ်ထားကြက်ခြေနီများလူတိုင်းအပေါ်ကူညီသွား

ယနေ့ ဩဂုတ်လ(၁၉)ရက်နေ့ သည် ကမ္ဘာ့လူသားချင်းစာနာထောက်ထားမှုနေ့ ဖြစ်ပါသည်။ ယနေ့တွင် ကမ္ဘာတစ်ဝန်းလုံးမှ လူသားချင်းစာနာထောက်ထားမှုဆိုင်ရာလုပ်ငန်းများတွင် ပါဝင်ဆောင်ရွက်လျက်ရှိသော ကြက်ခြေနီစေတနာလုပ်အားရှင်များနှင့် အကူအညီပေးအပ်နေသူအားလုံးကို ကျေးဇူးတင် ဂုဏ်ပြုလိုက်ရပါသည်။ https://www.youtube.com/watch?v=gucxDx1uCPU

ယနေ့ ဩဂုတ်လ(၁၉)ရက်နေ့မှာကျရောက်မယ့် ကမ္ဘာ့လူသားချင်းစာနာထောက်ထားမှုနေ့ကို ဂုဏ်ပြုကြိုဆိုရင်း နိုင်ငံတဝန်းလူမှုကရုဏာလုပ်ငန်းများကို တက်ကြွစွာဆောင်ရွက်နေကြတဲ့ ကြက်ခြေနီစေတနာလုပ်အားရှင်တွေကို ဂုဏ်ပြုတင်ဆက်လိုက်ရပါတယ်။ https://www.youtube.com/watch?v=wN6saud5Ea0