ရန်ကုန်၊ ၂၀၂၂ခုနှစ်၊ မတ်လ(၁၈)ရက်။
မြန်မာနိုင်ငံကြက်ခြေနီအသင်း မိသားစုပြန်လည်ဆက်သွယ်ပေးရေးဌာနမှ ဖွင့်လှစ်သော စေတနာလုပ်အားရှင်များအတွက် စွမ်းရည်မြှင့်တင်ခြင်းသင်တန်းဖွင့်ပွဲကို ၂၀၂၂ခုနှစ်၊ မတ်လ(၁၈)ရက်နေ့ နံနက်ပိုင်းက online ဖြင့် ပြုလုပ်ခဲ့ပါသည်။
သင်တန်းဖွင့်ပွဲတွင် အသင်းအချိန်ပြည့် အလုပ်အမှုဆောင် ပါမောက္ခဒေါက်တာဒေါ်မြသူက အမှာစကား
ပြောကြားခဲ့ပြီး ဒုတိယအထွေထွေအတွင်းရေးမှူး ဒေါက်တာဒေါ်ညိုညိုဝင့်နှင့် ဘေးအန္တရာယ်ဆိုင်ရာစီမံခန့်ခွဲမှုဌာန ဒုတိယညွှန်ကြားရေးမှူး ဒေါ်မိုးသီတာဝင်းတို့က နှုတ်ခွန်းဆက်စကားများ ပြောကြားခဲ့ပါသည်။
သင်တန်းဖွင့်ပွဲသို့ အချိန်ပြည့်အလုပ်အမှုဆောင်ဒေါက်တာတင်ညွန့်၊ မိသားစုပြန်လည်ဆက်သွယ်ပေးရေး
ဌာနမှ တာဝန်ရှိသူများနှင့် သင်တန်းသား/သူများ တက်ရောက်ခဲ့ကြပါသည်။
အဆိုပါသင်တန်းသို့ တိုင်းဒေသကြီး/ပြည်နယ်များမှ ကြက်ခြေနီစေတနာလုပ်အားရှင်(၁၄၂)ဦး တက်ရောက်ကြမည်ဖြစ်ပြီး သင်တန်းကို မတ်လ(၁၈)ရက်နေ့မှစတင်ကာ (၆)ရက်ကြာပြုလုပ်သွားမည် ဖြစ်ပါသည်။
