မြန်မာနိုင်ငံကြက်ခြေနီအသင်းသည် မြန်မာနိုင်ငံဒေသအနှံ့တွင် လူမှုကရုဏာလုပ်ငန်းများကို အချိန်နှင့် တပြေးညီ ကူညီထောက်ပံ့နေသော အဖွဲ့အစည်းတစ်ခုဖြစ်ပြီး ဘေးဒဏ်အမျိုးမျိုးကြောင့် ထိခိုက်ခံစား ရသောရပ်ရွာလူထုများ၏ ပြန်လည်ထူထောင်ရေးလုပ်ငန်းများတွင် ကယ်ဆယ်ရေးပစ္စည်းများ ပိုမိုထိရောက်စွာပံ့ပိုးပေးခြင်းဖြင့် လူသားချင်းစာနာ ထောက်ထားမှုအထောက်အပံ့များ ပိုမိုကောင်းမွန်လာစေရန် ဆောင်ရွက်ပေးလျှက်ရှိပါသည်။ မြန်မာနိုင်ငံကြက်ခြေနီအသင်းအနေဖြင့် နိုင်ငံအတွင်းဆောက်လုပ်ရေးလုပ်ငန်းခွင်များတွင် အတွေ့အကြုံရှိသည့် ကန်ထရိုက်တာများအား မကွေးတိုင်းကြက်ခြေနီသိုလှောင်ရုံ ဆောက်လုပ်ရေးလုပ်ငန်းများအတွက် “စိတ်ဝင်စားမှု ဖော်ပြခြင်းအဆိုပြုလွှာ” (EOI) မေးခွန်းလွှာ ရယူရန် ဆက်သွယ်နိုင်ကြောင်း အသိပေး အကြောင်းကြားအပ်ပါသည်။ (EOI) ကြိုတင်ဆန်းစစ်ခြင်းမေးခွန်းများတောင်းခံလွှာကို မြန်မာနိုင်ငံကြက်ခြေနီအသင်း၊ ထောက်ပံ့ပို့ဆောင်ရေးနှင့် ၀ယ်ယူဖြည့်တင်းရေးဆိုင်ရာစီမံခန့်ခွဲမှုဌာန၊ အမှတ်-၄၂၊ ကမ်းနားလမ်း၊ ဗိုလ်တစ်ထောင်မြို့နယ်၊ ရန်ကုန်မြို့၊ ဖုန်းနံပါတ်- ၀၉ ၈၉၅၃၈၅၇၇၀၊ ၀၉ ၄၂၀၀၉၇၄၀၉ နှင့် မကွေးတိုင်းဒေသကြီးကြက်ခြေနီကြီးကြပ်မှုကော်မတီရုံး၊ ပြည်တော်သာလမ်း၊ မကွေးမြို့နယ်၊ မကွေးတိုင်းဒေသကြီး၊ ဖုန်းနံပါတ်- ၀၉ ၄၀၁၅၇၂၁၅၆ သို့ ၂၀၂၃ ခုနှစ်၊ နိုဝင်ဘာလ၊ (၆)ရက်နေ့ မြန်မာ စံတော်ချိန်နံနက် (၉:၃၀) နာရီမှစတင်ထုတ်ယူနိုင်ပြီး၊ ကြိုတင်ဆန်းစစ်ခြင်း မေးခွန်းလွှာဖြေဆိုမှုများနှင့် အထောက်အထား စာရွက်စာတမ်းများကို ၂၀၂၃ ခုနှစ်၊ နိုဝင်ဘာလ၊ (၂၀)ရက်နေ့၊ မြန်မာစံတော်ချိန်နေ့လည် (၁၂:၀၀)နာရီ နောက်ဆုံးထား၍ အထက်ဖော်ပြပါလိပ်စာများသို့ တံဆိပ်ခတ်ထားသည့် စာအိတ်ဖြင့် ပေးပို့ရမည်ဖြစ်ပါသည်။

https://www.youtube.com/watch?v=mzQ3855aRs8  

https://www.youtube.com/watch?v=C6lm4-G1J7Y  

ကြက်ခြေနီစေတနာလုပ်အားရှင်များဟာဆိုရင် ရပ်ရွာလူထုအား အန္တရာယ်ကင်းရှင်းရေးအတွက် လိုအပ်သော အသိပညာပေးခြင်းနှင့် လက်တွေ့သရုပ်ပြခြင်း များကို ဆောင်ရွက်လျက်ရှိပါတယ်။ ထိုသို့ဆောင်ရွက်လျက်ရှိရာ ကြက်ခြေနီစေတနာလုပ်အားရှင်များဟာ ၂၀၂၂ခုနှစ်၊ မေလ(၁၅)ရက်နေ့က ကရင်ပြည်နယ်၊ ဘားအံမြို့ ပေါ့ထော်ကျေးရွာ သို့ ရောက်ရှိခဲ့ကြပြီး ကြက်ခြေနီလှုပ်ရှားမှုအကြောင်း အသိပညာပေးဆွေးနွေးပြောကြားခြင်း၊ ခန္ဓာဗေဒအကြောင်းအား ရှင်းလင်းပြောကြားခြင်းများကို ဆောင်ရွက်ခဲ့ကြပါတယ်။ အဲ့ဒီနောက် ကျေးရွာအတွင်း မိုးရာသီမှာ အဖြစ်များပြီး လိုအပ်လျက်ရှိတဲ့ မြွေကိုက်ဒဏ်ရာပြုစုနည်း၊ အခြေခံအသက်ကယ်အထောက်အကူ ပြုစုနည်းများကို ရှင်းလင်းသရုပ်ပြခြင်းတို့ကို ဘားအံမြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက သွားရောက်ဆွေးနွေး ကူညီဆောင်ရွက်ခဲ့ပါတယ်။

https://youtu.be/0e7duDs8blc