နေပြည်တော်၊ ၂၀၂၆ခုနှစ်၊ မေလ(၈)ရက်။
၂၀၂၆ခုနှစ် ကမ္ဘာ့ကြက်ခြေနီနေ့အထိမ်းအမှတ်အခမ်းအနားကို ယနေ့နံနက်ပိုင်းက နေပြည်တော်ရှိ မြန်မာနိုင်ငံ ကြက်ခြေနီအသင်းဌာနချုပ်၌ ကျင်းပရာ အခမ်းအနားသို့ ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်း၊ ဒုတိယဝန်ကြီး ပါမောက္ခဒေါက်တာအေးထွန်း၊ ကျန်းမာရေးဝန်ကြီးဌာနနှင့် နှီးနွယ်ဝန်ကြီး ဌာနများမှ ညွှန်ကြားရေးမှူးချုပ်များ၊ မြန်မာနိုင်ငံစစ်မှုထမ်းဟောင်းအဖွဲ့မှ တာဝန်ရှိသူများ၊ မြန်မာနိုင်ငံကြက် ခြေနီအသင်း ဥက္ကဌ ပါမောက္ခ ဒေါက်တာမျိုးညွန့်၊ ဒုတိယဥက္ကဌ ဒေါက်တာ ဒေါ်တင်တင်လေးနှင့် အလုပ်အမှုဆောင်များ၊ မိတ်ဖက်အသင်း အဖွဲ့များမှ တာဝန်ရှိသူများ၊ ကြက်ခြေနီဗဟိုကောင်စီဝင်များ၊ စံပြကြက်ခြေနီများ၊ အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများဖက်ဒရေးရှင်း၊ အပြည်ပြည် ဆိုင်ရာ ကြက်ခြေနီ ကော်မတီတို့မှ တာဝန်ရှိသူများ၊ မိတ်ဖက်အမျိုးသားကြက်ခြေနီအသင်းများနှင့် လူမှုရေးအသင်း အဖွဲ့ များမှတာဝန်ရှိသူများတက်ရောက်ကြသည်။
ဦးစွာ ပြည်ထောင်စုဝန်ကြီးက အမှာစကားပြောကြားခဲ့ပြီး မြန်မာနိုင်ငံကြက်ခြေနီအသင်း ဥက္ကဌ ပါမောက္ခဒေါက်တာမျိုးညွန့်က ဂုဏ်ပြုစကား ပြောကြားခဲ့ပါသည်။ ဆက်လက်ပြီး ကမ္ဘာ့ကြက်ခြေနီနေ့အထိမ်းအမှတ် ဗီဒီယိုနှင့် ကနဦးတုံ့ပြန်သူများအတွက် အခြေခံရှာဖွေကယ်ဆယ်ရေး သင်တန်းမှတ်တမ်းဗီဒီယိုတို့ကိုပြသသည်။
ဆက်လက်ပြီး ပြည်ထောင်စုနယ်မြေ နေပြည်တော်မှ ၂၀၂၅ ခုနှစ် စံပြ ကြက်ခြေနီဆုရသူများအား ပြည်ထောင်စုဝန်ကြီး၊ ဒုတိယဝန်ကြီး၊ မြန်မာနိုင်ငံကြက်ခြေနီအသင်း ဥက္ကဌနှင့် ဧည်သည်တော်များက ဆုများကို ပေးအပ်ချီးမြှင့်ခဲ့ပါသည်။ အခမ်းအနားအပြီးတွင် ပြည်ထောင်စုဝန်ကြီး၊ ဒုတိယဝန်ကြီးနှင့် ဧည်သည်တော် များသည်ကမ္ဘာ့ကြက်ခြေနီနေ့အထိမ်းအမှတ်ပြခန်းကိုကြည့်ရှုအားပေးခဲ့ပါသည်။
ယင်းနောက် အခမ်းအနားဒုတိယပိုင်းကို ဆက်လက်ကျင်းပရာ အပြည်ပြည်ဆိုင်ရာကြက်ခြေနီနှင့် လခြမ်းနီ အသင်းများဖက်ဒရေးရှင်းမှ ဌာနေကိုယ်စားလှယ် Ms. Nadia KHOURY နှင့် အပြည်ပြည်ဆိုင်ရာ ကြက်ခြေနီကော်မတီမှ ဌာနေကိုယ်စားလှယ် Mr.Arnaud de BAECQ UE တို့ကဂုဏ်ပြုစကားပြောကြားခဲ့ပါသည်။
ဆက်လက်၍ တာဝန်ရှိသူများက အသက်(၆၅)နှစ်ပြည့် ကြက်ခြေနီတပ်ဖွဲ့ဝင်များနှင့် ၂၀၂၅-၂၀၂၆ ခုနှစ် နိုင်ငံတော်မှ ချီးမြှင့်သော လူမှုထူးချွန်တံဆိပ်ရရှိသူများအား ဂုဏ်ပြုဆုနှင့်ဂုဏ်ထူး ဆောင်တံဆိပ်များကိုပေးအပ် ချီး မြှင့်ခဲ့ပါသည်။
ကမ္ဘာ့ကြက်ခြေနီနေ့အခမ်းအနားကို နေပြည်တော်ရှိ အသင်းဌာနချုပ်သာမက တိုင်းဒေသကြီး/ပြည်နယ်များ တွင် လည်း တပြိုင်နက်ကျင်းပခြင်းဖြစ်ပြီး အဆိုပါအခမ်းအနားတွင် ၂၀၂၅ ခုနှစ် စံပြကြက်ခြေနီဆု ရရှိသူများအား ရင် ထိုးတံဆိပ်နှင့်ဂုဏ်ပြုမှတ်တမ်းလွှာများကိုပေးအပ်ချီးမြှင့်ခဲ့ပါသည်။
ရှေးဦးပြုစုခြင်းနှင့်အတူ ရှာဖွေကယ်ဆယ်ရေးလုပ်ငန်းများကို လုပ်ဆောင်နိုင်ရန် ပြည်ထဲရေးဝန်ကြီးဌာန၊ မီးသတ်ဦးစီးဌာန၊ ဗဟိုမီးသတ်သင်တန်းကျောင်းတွင် ကနဦီးတုံ့ပြန်သူများအတွက် အခြေခံရှာဖွေကယ်ဆယ်ရေး သင်တန်း သို့ကြက်ခြေနီစေတနာလုပ်အားရှင်(၆၈)ဦးတက်ရောက်နိုင်ခဲ့ပါသည်။
