မအူပင်၊ မေလ (၃)ရက်။
၂၀၂၂ခုနှစ်၊ မေလ(၃)ရက်နေ့က ဧရာဝတီတိုင်းဒေသကြီး၊ မအူပင်မြို့နယ်ရှိ အမှတ် (၁)ရပ်ကွက်၊ (၁၀)ရပ်ကွက်နှင့် (၁၂)ရပ်ကွက်တို့တွင် လေပြင်းတိုက်ခတ်မှုကြောင့် နေအိမ်များ ပြိုကျပျက်စီးခြင်းများဖြစ်ခဲ့သဖြင့် မအူပင်မြို့နယ်ကြက်ခြေနီအသင်းခွဲမှ စေတနာလုပ်အားရှင်များသွားရောက်ကာ ထိခိုက်ခံစားရသောအိမ်ထောင်စုများအား ပြောင်းရွှေ့ပေးခြင်း၊ သစ်ပင်၊သစ်ကိုင်းများ ရှင်းလင်းပေးခြင်းတို့ကို ကူညီဆောင်ရွက်ခဲ့ကြပြီး စိတ်ပိုင်းဆိုင်ရာအားပေးနှစ်သိမ့်မှုများပြုလုပ်ပေးခဲ့ကြပါသည်။
ကြက်ခြေနီစေတနာစေတနာလုပ်အားရှင်များသည် ရပ်ရွာလူထု ဆင်းရဲဒုက္ခနည်းပါးသက်သာစေရန် ကူညီဆောင်ရွက်ပေးလျက်ရှိနေကြပြီး ဘေးအန္တရာယ်ဆိုင်ရာအရေးပေါ်အခြေအနေများတွင် ရှေ့ဆုံးမှ ကူညီပေးနေကြသူများဖြစ်ပါသည်။
