မိုးကုတ်၊ ၂၀၂၂ခုနှစ်၊ ဩဂုတ်လ(၉)ရက်။
မန္တလေးတိုင်းဒေသကြီး မိုးကုတ်မြို့နယ်တွင် ဩဂုတ်လ(၁)ရက်နေ့ကမိုးသည်းထန်စွာ ရွာသွန်းမှုကြောင့် မြေပြိုကျမှုကြောင့် မိုးကုတ်မြို့နယ် မြို့မရပ်ကွက်၊ တောင်ကချင်ရပ်တွင် နေအိမ်(၁)လုံး ထိခိုက် ပျက်စီးခဲ့ပါသည်။
နေအိမ်ပျက်စီးမှုကြောင့် ထိခိုက်ခံစားရသည့် အိမ်ထောင်စု(၁)စုအတွက် မြန်မာနိုင်ငံကြက်ခြေနီအသင်းမှ ထောက်ပံ့သော မိသားစုသုံးပစ္စည်း (၁)စုံ၊ တစ်ကိုယ်ရည် သန့်ရှင်းရေးသုံးပစ္စည်း (၁)စုံ၊ အိမ်ဆောက် အထောက်အကူပြု ပစ္စည်း (၁)စုံနှင့် ရေပုံး(၁)ပုံးတို့ကို မိုးကုတ်မြို့နယ်ကြက်ခြေနီအသင်းခွဲဥက္ကဌဒေါက်တာအောင်မြင့်နှင့် အမှုဆောင်များ၊ မြို့နယ်ကြက်ခြေနီတပ်ဖွဲ့မှူး ဒေါ်မြင့်မြင့်ဦးနှင့် ကြက်ခြေနီစေတနာလုပ်အားရှင်များက ဩဂုတ်လ(၉)ရက်နေ့တွင် သွားရောက် ထောက်ပံ့ ပေးအပ်ခဲ့ပါသည်။
