၂၀၂၂ခုနှစ်၊ မေလ(၄)ရက်နေ့ တွင် မွန်ပြည်နယ်၊ မုဒုံမြို့နယ်၊ ကွမ်တာကျေးရွာရှိ ရော်ဘာစက်ရုံ မီးလောင်မှုအတွင်း မီးခိုးများကြောင့် အသက်ရှူခက်ခဲခဲ့သည့် ကယ်ဆယ်ရေးသမားများနှင့် စက်ရုံဝန်ထမ်းများအား ရှေးဦးပြုစုပေးခဲ့ပြီး ဆေးရုံသို့ ကြက်ခြေနီစေတနာလုပ်အားရှင်များက ပို့ဆောင်ကူညီပေးခဲ့ပါသည်။
မေလ(၃)ရက်နေ့ကလည်း မုဒုံမြို့နယ်၊ မီးပွိုင့်အနီး ယာဉ်မတော်မဆမှုကြောင့် ထိခိုက်ဒဏ်ရာရရှိခဲ့သော အမျိုးသမီး(၂)ဦးအား ရှေးဦးပြုစုပေးကာ ကြက်ခြေနီလူနာတင်ယာဉ်ဖြင့် ဆေးရုံသို့ပို့ဆောင်ပေးပြီး နေအိမ်သို့ ထပ်မံပို့ဆောင်ပေးခဲ့ပါသည်။
ထို့ပြင်ပေါင်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ၂၀၂၂ခုနှစ်၊ မေလ (၈)ရက်နေ့တွင် ကျရောက်မည့် ကမ္ဘာ့ကြက်ခြေနီနေ့အား ကြိုဆိုဂုဏ်ပြုသောအားဖြင့် ပေါင်မြို့နယ် သာသနာ့ဗိမာန်တော်ကြီးနှင့် ပတ်ဝန်းကျင် သန့်ရှင်းရေးလုပ်ငန်းများကို မေလ (၃)ရက်နေ့က မိတ်ဖက်လူမှုရေးအဖွဲ့များနှင့်အတူ ပူးပေါင်းဆောင်ရွက်ခဲ့ကြပါသည်။
