ရခိုင်၊ ၂၀၂၃ ခုနှစ်၊ ဇွန်လ(၁၃)ရက်။
မြန်မာနိုင်ငံကြက်ခြေနီအသင်းသည် ရခိုင်ပြည်နယ်ရှိ သောက်သုံးရေလိုအပ်သောနေရာများသို့ သောက်သုံးရေများ ဆက်လက်ဖြန့်ဝေ ဆောင်ရွက်လျက်ရှိပါသည်။
သောက်သုံးရေဖြန့်ဝေပေးရာတွင် ဇွန်လ(၁၃)ရက်နေ့က စစ်တွေမြို့နယ် အမြင့်ကျွန်ကျေးရွာတွင် ရေလီတာ(၃,၅၀၀)၊ ရွှေပြည်သာရပ်ကွက်တွင် ရေလီတာ(၅,၇၀၀)နှင့်ပြည်နယ်ကြက်ခြေနီသိုလှောင်ရုံရှေ့ ရေပေးဝေရာတွင် ရေလီတာ(၃,၅၀၀)ဖြင့် စုစုပေါင်းသောက်သုံးရေ လီတာ(၁၂,၇၀၀)ကို ဖြန့်ဝေပေးခဲ့ပါသည်။
အလားတူ ကျောက်တော်မြို့နယ်၊ ချမ်းမြေ့နဒီပန်းခြံရှေ့၊ မြန်မာနိုင်ငံကြက်ခြေနီအသင်း ရေပေးဝေရာ နေရာတွင်ရေလီတာ(၇၆၀)ကို ဖြန့်ဝေပေးနိုင်ခဲ့ပါသည်။
မြန်မာနိုင်ငံကြက်ခြေနီအသင်းအနေဖြင့် ရခိုင်ပြည်နယ်အတွင်း ရေလိုအပ်သည့်နေရာများသို့ လက်လှမ်းမီသရွေ့
သွားရောက်ကာ နေ့စဉ်ရေပေးဝေလျက်ရှိသလို၊ ကောင်းမွန်တဲ့ရေအရင်းမြစ်ရရှိအောင် ကူညီပေးနိုင်ဖို့ အတွက်လည်း ကြိုးစားဆောင်ရွက်လျက်ရှိပါတယ်။
