၂၀၂၁ခုနှစ်၊ ဇူလိုင်လ (၂) ရက်
နိုင်ငံအတွင်း ကိုဗစ်-၁၉ ရောဂါကူးစက်မှုက နေ့စဉ်နဲ့အမျှမြင့်တက်လျက်ရှိပါတယ်။ ဒါကြောင့် ကျွန်ုပ်တို့ရဲ့ ကြက်ခြေနီစေတနာလုပ်အားရှင်များက ရောဂါကာကွယ်ရေးနှင့် အသိပညာပေးလုပ်ငန်းများဖြစ်သည့် နှာခေါင်းစည်းဖြန့်ဝေခြင်း၊ အသိပညာပေး ပိုစတာများကပ်ခြင်းနှင့် ရောဂါကာကွယ်ရေး လမ်းညွှန်ချက်များကို အသိပညာပေးလျက်ရှိပါတယ်။
မွန်ပြည်နယ်၊ မုဒုံမြို့နယ်မှ ကြက်ခြေနီစေတနာလုပ်အားရှင်များသည် မြို့နယ်ပြည်သူ့ဆေးရုံရှေ့နှင့် ရပ်ကွက် (၄) ခုတွင် နှာခေါင်းစည်းများပေးဝေခြင်း၊ ပိုစတာများကပ်ပေးခြင်းနှင့် ရောဂါကာကွယ်ရေး လမ်းညွှန်ချက်များကို လက်ကိုင်စကားပြောစက်ဖြင့် အသိပညာပေးခြင်းများကို ဆောင်ရွက်လျက်ရှိပါသည်။ ထို့အပြင် ဆေးကုသမှုခံယူပြီးသော ကိုဗစ်-၁၉ လူနာများအား ကြက်ခြေနီလူနာတင်ယာဉ်ဖြင့် မြို့နယ်ပြည်သူ့ဆေးရုံမှ နေအိမ်များသို့ ကူညီပို့ဆောင်ပေးခြင်းနှင့် မိုးကုတ်ဝိပဿနာကျောင်းရှိ ကိုဗစ်-၁၉ ရောဂါပိုးတွေ့ လူနာများထားရှိမည့် နေရာများတွင် နေရာထိုင်ခင်းများခင်းကျင်းရာတွင်လည်း ကူညီဆောင်ရွက်ပေးလျက်ရှိပါတယ်။
