၂၀၂၁ခုနှစ်၊ ဧပြီလ(၂၁)ရက်နေ့ နေ့လည်ပိုင်းက မွန်ပြည်နယ် မော်လမြိုင်မြို့မောင်ငံလမ်းဆုံတွင် လုပ်ငန်းခွင်၌ မတော်တဆပြုတ်ကျပြီး ဒဏ်ရာရသူ အမျိုးသားတစ်ဦးကို အား ကြက်ခြေနီစေတနာလုပ်အားရှင်(၂)ဦးက ရှေးဦးပြုစု‌ေပးပြီး မော်လမြိုင်ဆေးရုံသို့ ပြည်နယ်ကြက်ခြေနီကြီးကြပ်မှု‌ေကာ်မတီမှ လူနာတင်ယာဥ်ဖြင့် ဆေးရုံသို့ကူညီပို့ဆောင်ပေးခဲ့သည်။  

ပြည်ထောင်စုနယ်မြေ နေပြည်တော် ပျဥ်းမနားမြို့နယ်ကြက်​ခြေနီတပ်ဖွဲ့မှူး ဦးသန်းနိုင်နှင့် ကြက်ခြေနီစေတနာလုပ်အားရှင်(၇)ဦးတို့သည် ပျဥ်မနားမြို့မြန်မာ့စီးပွားရေးဘဏ်ခွဲတွင် ပင်စင်လစာ လာရောက်ထုတ်ယူကြ​သော အဘိုး၊အဖွားများနှင့် ပြည်သူများအား ကျန်းမာရေးစောင့်​ရှောက်မှု​ပေးခြင်း၊ လက်သန့်ဆေးရည်နှင့်နှာ‌ခေါင်းစည်းများ ပေး​ဝေခြင်း တို့ကို ၂၀၂၁ခုနှစ်၊ ဧပြီလ(၂၁) ရက်နေ့မှ ဧပြီ(၂၃)ရက်နေ့အထိ ကူညီဆောင်ရွက်‌ပေးလျက်ရှိ‌သည်။  

၂၀၂၁ခုနှစ်၊ ဧပြီလ(၁၈)ရက်နေ့တွင် မွန်ပြည်နယ် မုဒုံမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်(၂)ဦးသည် ဓာတ်မှန်ရိုက်ရန်လိုအပ်သော လူနာအား မော်လမြိုင်ဆေးရုံသို့ အသင်းခွဲပိုင်လူနာတင်ယာဥ်ဖြင့် အသွားအပြန် ကူညီပို့ဆောင်ပေးခဲ့‌ကြသည်။  

၂၀၂၁ခုနှစ်၊ ဧပြီလ(၁၈)ရက်နေ့ နံနက်ပိုင်းကရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်ကြက်ခြေနီတပ်ဖွဲ့မှူး ဦးသန်းအောင်မိုးနှင့် ကြက်ခြေနီစေတနာလုပ်အားရှင်(၃)ဦးတို့သည် ဒဂုံမြို့သစ်(မြောက်ပိုင်း)မြို့နယ်အတွင်းမှ သတိလစ်မေ့မြောနေသော အမျိုးသားလူနာတစ်ဦးကို မြို့နယ်ကြက်ခြေနီအသင်းခွဲမှ လူနာတင်ယာဥ်ဖြင့် ဆေးရုံသို့ ကူညီပို့ဆောင်ပေးခဲ့ကြသည်။