| RMS

ကြက်ခြေနီစေတနာလုပ်အားရှင်များအနေဖြင့် လူမှုကရုဏာလုပ်ငန်းများအား ရှေ့ဆက်ဆောင်ရွက်လျက်ရှိ

  26/ Feb/ 2022

COVID 19 ရောဂါကူးစက်မှုများကို လျော့ချနိုင်စေရန် ရည်ရွယ်ချက်နဲ့ ပြည်ထောင်စုနယ်မြေ၊ နေပြည်တော်ရှိ ကြက်ခြေနီစေတနာလုပ်အားရှင်တွေက မြို့နယ်အသီးသီးမှာ ရောဂါကာကွယ်ရေးအသိပညာပေးခြင်း၊ လိုက်နာဆောင်ရွက်ရမည့်အချက်အလက်တွေ နှိုးဆော်ပေးခြင်း၊ နှာခေါင်းစည်းနဲ့ လက်သန့်ဆေးရည်တွေ အခမဲ့ဖြန့်ဝေပေးခြင်း တို့ကို တိုးမြှင့်ဆောင်ရွက်လျက်ရှိကြပြီး ရောဂါပိုးတွေ့လူနာတွေကို သက်ဆိုင်ရာဆေးရုံတွေနဲ့ ကုသရေးစင်တာတွေ ဆီကို ပို့ဆောင်ကူညီပေးနေကြပါတယ်။

မတော်တဆမှုကြောင့် ထိခိုက်ဒဏ်ရာရရှိသူတွေကို ရှေးဦးပြုစုပေးခြင်းနဲ့ ဆေးရုံဆေးခန်းပို့ဆောင်ရန်လိုအပ်နေတဲ့ လူနာတွေကိုလည်း လူနာတင်ယာဉ်နဲ့ ကူညီပို့ဆောင်ပေးတာတွေကို ဆောင်ရွက်လျက်ရှိနေကြပါတယ်။

   
ကြက်ခြေနီတွေဟာ မည်သည့်အခြေအနေမျိုးမှာမဆို ရပ်ရွာလူထုအကူအညီလိုအပ်လာရင် အတတ်နိုင်ဆုံးဖြည့်ဆည်းပေးဖို့အတွက် အဆင်သင့်ရှိနေကြမှာဖြစ်ပြီး အခြေခံမူ(၇)ချက်နဲ့အညီ လူမှုကရုဏာအကူအညီတွေကို ဆောင်ရွက်ပေးနေကြဦးမှာ ဖြစ်ပါတယ်။