| RMS

တာချီလိတ်တွင် COVID 19 ရောဂါကာကွယ်ရေးလုပ်ငန်းများအား ကြက်ခြေနီက ဆက်လက်ဆောင်ရွက်လျက်ရှိ

  24/ Feb/ 2022

ယခုကာလအတွင်း
ကိုဗစ်ရောဂါကူးစက်မှုမြင့်တက်လာသည်နှင့်အမျှ ကူးစက်မှုလျော့ကျစေရေးအတွက် အသိပညာပေးခြင်းတို့ကို ကြက်ခြေနီစေတနာလုပ်အားရှင်များက နေရာအနှံ့အပြားတွင် တိုးမြှင့်ဆောင်ရွက်လာကြပါသည်။

၂၀၂၂ခုနှစ် ဖေဖော်ဝါရီလ ၂၃ရက်နေ့က ရှမ်းပြည်နယ်အရှေ့ပိုင်း တာချီလိတ်မြို့နယ်ရှိ ဈေးများနှင့် လူအများသွားလာတတ်သောနေရာများတွင် ကြက်ခြေနီများက ပါးစပ်နှင့်နှာခေါင်းစည်းဝတ်ဆင်ရန်နှိုးဆော်ခြင်း၊ နှာခေါင်းစည်းများအခမဲ့ဖြန့်ဝေပေးခြင်း၊ မကြာခဏလက်ဆေးရန်နှိုးဆော်ခြင်းနှင့် ရောဂါကူးစက်မှုမဖြစ်ပွားစေရေးအတွက် လိုက်နာဆောင်ရွက်ရမည့်အချက်များအား အသိပညာပေးခြင်းတို့ကိုလည်းကောင်း၊ မြို့နယ်ကျန်းမာရေးဦးစီးဌာနတွင် ခရီးသွားရန်ကိုဗစ်ရောဂါပိုးလာရောက်စစ်ဆေးသူများမှ ရောဂါပိုးတွေ့ရှိလူနာများကို ကိုဗစ်ကုသရေးစင်တာများသို့ ပို့ဆောင်ကူညီပေးခြင်းတို့ကိုလည်းကောင်း ကူညီဆောင်ရွက်ပေးခဲ့ကြပါသည်။