| RMS

မရပ်မနားရှေ့ဆက်သွားကြက်ခြေနီရဲ့စုပေါင်းအား

  13/ Jun/ 2021

၂၀၂၁ခုနှစ် ဖေဖော်ဝါရီလမှ စတင်ဖြစ်ပွားခဲ့သော ပဋိပက္ခအခြေအနေများကြောင့် မြန်မာနိုင်ငံရှိ ပြည်နယ်၊ တိုင်းအသီးသီးတွင် လူသားချင်းစာနာမှုဆိုင်ရာ လိုအပ်ချက်များ တဖြည်းဖြည်းမြင့်တက်လာခဲ့ပါတယ်။ ဆေးရုံများနှင့် ပြည်သူ့ကျန်းမာရေးဝန်ဆောင်မှုလုပ်ငန်းများတွင်လည်း ထိခိုက်မှုများရှိခဲ့ပါတယ်။

မြန်မာနိုင်ငံကြက်ခြေနီအသင်းမှ ကြက်ခြေနီ စေတနာလုပ်အားရှင်ပေါင်း (၂၀၀၀)ခန့်ဟာ မိခင်များနှင့် မွေးကင်းစကလေးများအတွက် ကျန်းမာရေးစောင့်ရှောက်မှုလုပ်ငန်းများအပြင် အခြားအရေးပေါ်လူနာများအတွက် လိုအပ်သည့်စောင့်ရှောက်မှုများရရှိစေရန် လူနာတင်ယာဉ် (၄၀၀)ခန့်၊ အရေးပေါ်ရှေးဦးပြုစုရေးစခန်းပေါင်း (၃၁၂)ခုဖြင့် လူမှုကရုဏာအကူအညီများပေးခဲ့ကြရာ ယခုကာလအတွင်း အရေးပေါ်မွေးလူနာပို့ဆောင်မှု(၈၆)ကြိမ်အပါအဝင် လူရာပေါင်းများစွာအား ဆေးရုံ၊ ဆေးခန်းများသို့ အချိန်မီညွှန်းပို့ပေးနိုင်ခဲ့ပြီး အပြင်းစားထိခိုက်ဒဏ်ရာများနှင့် အသေးစားထိခိုက်ဒဏ်ရာများအား အရေးပေါ်ရှေးဦးပြုစုပေးခြင်းတို့ကို ဆောင်ရွက်ပေးနိုင်ခဲ့ကြပါတယ်။