| RMS

မောင်တော ရေဘေးကယ်ဆယ်ရေးသဏ္ဍာန်တူ ဇာတ်တိုက်လေ့ကျင့်ခြင်းများ ပြုလုပ်ရာတွင် ကြက်ခြေနီ ပါဝင်

  16/ May/ 2022

မောင်တော၊ ၂၀၂၂ ခုနှစ်၊ မေလ (၁၆) ရက်။
ရေဘေးကယ်ဆယ်ရေးသဏ္ဍာန်တူ ဇာတ်တိုက်လေ့ကျင့်ခြင်းကို ၂၀၂၂ ခုနှစ်၊ မေလ (၁၅) ရက်နေ့က ရခိုင်ပြည်နယ်၊ မောင်တောမြို့ရှိ ပန်းတောပြင်ချောင်းအတွင်း၌ ကျင်းပပြုလုပ်ခဲ့သည်။
အဆိုပါသဏ္ဍာန်တူဇတ်တိုက်လေ့ကျင့်ရခြင်းမှာ မြို့နယ်အတွင်း မိုးသည်းထန်စွာ အဆက်မပြတ်ရွာသွန်းမှုကြောင့် ကျေးရွာများတွင် ရေကြီးလွမ်းမိုးပါက ပြည်သူများအား ရေဘေးကင်းလွတ်သည့် နေရာသို့ အသက်ကယ်လှေ၊ စက်လှေဖြင့် ကူညီရွှေ့ပြောင်းခြင်း၊ ကြိုး တန်းဖြင့် ချောင်းတစ်ဖက်သို့ ဖြတ်ကူးကူညီခြင်း၊ ရေဘေးသင့်ပြည်သူများအား ယာယီခိုလှုံမည့် နေရာအား ပို့ဆောင်ခြင်း၊ လှေဖြင့် ဘေးလွှတ်ရာသို့ပြောင်းရွှေ့ရာတွင် လှိုင်းရိုက်ခတ်မှုဖြင့် လှေနစ်မှောက်သူများအား ရှာဖွေကူညီကယ်ဆယ်ခြင်း၊ ဒဏ်ရာရရှိသူများအား ရှေးဦးပြုစုပေးခြင်း၊ ဒဏ်ရာရရှိသူများထဲမှ စိုးရိမ်ရသူများအား ပြည်သူ့ ဆေးရုံသို့ ပို့ဆောင်ပေးခြင်း၊ ကျွဲ၊ နွားတိရိစ္ဆာန်များအား ရေဘေးကင်းလွှတ်ရာသို့ ပြောင်းရွှေ့ခြင်း၊ ယာယီခိုလှုံရန် ရောက်ရှိလာသူ ရေဘေးသင့်ပြည်သူများအား စာရင်းကောက်ယူခြင်း၊ လတ်တလောလိုအပ်ချက်များအား ဖြည့်စည်းပေးနိုင်ရေးဆောင်ရွက်ပေးခြင်း စသည်တို့ကို လက်တွေ့ဇာတ်တိုက်လေ့ကျင့် ဆောင်ရွက်ခဲ့ကြပါသည်။
ထိုသို့ ရေဘေးကယ်ဆယ်ရေး သဏ္ဍာန်တူ ဇတ်တိုက်လေ့ကျင့်ခြင်းကို ကြက်ခြေနီစေတနာလုပ်အားရှင်များနှင့်အတူ သက်ဆိုင်ရာတာဝန်ရှိသူ စုစုပေါင်း (၄၀၀) ဦးခန့်က စုပေါင်းဇတ်တိုက်လေ့ကျင့်ကြခြင်းဖြစ်ပါသည်။