| RMS

မွန်ပြည်နယ်ကြက်ခြေနီစေတနာလုပ်အားရှင်များ၏ ကူညီဆောင်ရွက်မှုများ

  22/ Sep/ 2021

၂၀၂၁ ခုနှစ်၊ စက်တင်ဘာလ (၁၇) ရက်နေ့နှင့် စက်တင်ဘာလ (၁၈) ရက်နေ့တို့တွင် ရေးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်(၂)ဦးသည် ရေးမြို့နယ်ပြည်သူ့‌ဆေးရုံတွင် အရေးပေါ်သွေးလိုအပ်‌နေသည့် လူနာများအတွက် (O)သွေး(၁)လုံးနှင့် (B)သွေး(၁)လုံးတို့ကို လှူဒါန်းခဲ့ကြပါသည်။
ထို့အတူ စက်တင်ဘာလ(၁၇)ရက်နေ့နှင့် စက်တင်ဘာလ(၂၁)ရက်နေ့တို့တွင် ချောင်းဆုံမြို့နယ်၊ မုဒွန်းနှင့် ကမာမိုကျေးရွာများ၌ အခမဲ့ဆေးကုသရာတွင်လည်း ဆေးကုသရေးအဖွဲ့ နှင့်အတူ ကြက်ခြေနီစေတနာလုပ်အားရှင်များက ကူညီခဲ့ကြပါသည်။
ကျိုက်ခမီမြို့ဆေးရုံတွင် ဆေးကုသမှုခံယူနေသော အမျိုးသား(၁)ဦးကို သံဖြူဇရပ်မြို့နယ်ဆေးရုံကြီးသို့ လည်းကောင်း၊ သံဖြူဇရပ်မြို့နယ်ရှိ ကျေးရွာများမှ COVID-19 အတည်ပြုလူနာများကို မြို့နယ်ရှိကုသရေးစင်တာများသို့လည်းကောင်း ကြက်ခြေနီစေတနာလုပ်အားရှင်များက ကြက်ခြေနီလူနာတင်ယာဉ်ဖြင့် စက်တင်ဘာလ (၂၀) ရက်နေ့တွင် ကူညီပို့ဆောင်ပေးခဲ့ပါသည်။
ထို့အပြင် စက်တင်ဘာလ (၂၀)နှင့် (၂၁)ရက်နေ့တို့တွင် ဘီးလင်းမြို့နယ်ရှိ ကျေးရွာများ၌ COVID-19 ရောဂါစစ်ဆေးရာတွင်လည်း ကြက်ခြေနီစေတနာလုပ်အားရှင်များက ပါဝင်ကူညီဆောင်ရွက်ခဲ့ကြပါသည်။
ထို့အတူ ပေါင်မြို့နယ်ရှိ COVID-19ရောဂါအထူးကြပ်မတ်ကုသဆောင်တွင် လူနာများလိုအပ်ကို အကူအညီ‌ပေးခြင်းနှင့် ကုသဆောင်သန့်ရှင်း‌ရေးလုပ်ပေးခြင်းတို့ကို ကြက်ခြေနီစေတနာလုပ်အားရှင်များက ကူညီဆောင်ရွက်ပေးလျှက်ရှိပါသည်။