| RMS

ရှမ်းပြည်နယ်(တောင်ပိုင်း) ကြက်ခြေနီစေတနာလုပ်အားရှင်များ၏ ကိုဗစ်-၁၉ ရောဂါကာကွယ်ရေးနှင့် တုန့်ပြန်ရေး ကူညီဆောင်ရွက်နေမှုများ

  30/ Jul/ 2021

၂၀၂၁ ခုနှစ်၊ ဇူလိုင်လ (၃၀) ရက်

ယခုကာလတွင် ကိုဗစ်-၁၉ ရောဂါ ကူးစက်မှုများမြင့်တက်လျှက်ရာ ရှမ်းပြည်နယ် (တောင်ပိုင်း)၊ ညောင်ရွှေမြို့နယ်ရှိ ဈေးများနှင့် လူစည်ကားရာနေရာများတွင် ရောဂါကာကွယ်ရေးအသိပညာပေးနှိုးဆော်ခြင်း၊ လက်ကမ်းစာစောင်များပေးဝေခြင်း၊ ပိုစတာများကပ်ခြင်းတို့ကို ကြက်ခြေနီ‌စေတနာလုပ်အားရှင်များကကူညီဆောင်ရွက်လျှက်ရှိပါသည်။

“ ပိုလျှင်လှူ လိုလျှင်ယူ “ ဟူသော နှာခေါင်းစည်းစနစ်တကျဝတ်ဆင်ခြင်း လှုပ်ရှားမှုများပြုလုပ်၍ နှာခေါင်းစည်းများ ပေးဝေလျှက်ရှိသည့်အပြင် ရောဂါသံသယဖြင့် မိမိအိမ်တွင်သာ နေရသူများအတွက်လည်း လိုအပ်သည့်ဆေးဝါးများကို အိမ်တိုင်ရာရောက် ပို့ဆောင်ပေးကြပါသည်။

ကလောမြို့တွင် မြို့အဝင်ဂိတ်များ၌ ခရီးသည်များအား ကိုယ်အပူချိန်တိုင်းတာခြင်း၊ ခရီးသွားရာဇဝင်မေးမြန်းခြင်း၊ ရောဂါစစ်ဆေးရာတွင် ကူညီခြင်းတို့ကို ဆောင်ရွက်လျှက်ရှိပါသည်။

ထို့အပြင် ရောဂါပိုးတွေ့လူနာများအား ကုသရေးစင်တာများသို့ ကူညီပို့ဆောင်ပေးခြင်း၊ ဆေးကုသမှုခံယူပြီးသူများအား နေအိမ်များသို့ ပို့ဆောင်ပေးခြင်းတို့ကို ကြက်ခြေနီလူနာတင်ယာဉ်ဖြင့် ကူညီပို့‌ဆောင်ပေးလျှက်ရှိပါသည်။

တောင်ကြီးမြို့၊ ရေအေးကွင်းရပ်ကွက်ရှိ ရောဂါစစ်ဆေးသည့်နေရာ၌ စစ်ဆေးခံမည့်သူများအား ကျန်းမာရေးစောင့်ရှောက်မှုပေးခြင်းတို့ကို ကူညီဆောင်ရွက်ပေးနေကြပါသည်။

ရောဂါကူးစက်မှုထိန်းချုပ်နိုင်ရန်အတွက်လည်း လူနာနေအိမ်များ၊ လမ်းများနှင့် ကုသရေးစင်တာများ၌ ပိုးသတ်ဆေးဖြန်းခြင်းတို့ကို ဆောင်ရွက်ပေးပြီး အရေးပေါ်လိုအပ်သော အောက်စီဂျင်အိုးများရရှိရန် တတ်စွမ်းသမျှ ချိတ်ဆက်ရှာ‌ဖွေ ကူညီပို့ဆောင်ပေးလျှက်ရှိပါသည်။

ရပ်စောက်မြို့နယ်တွင်လည်း မြို့နယ်ပြည်သူ့ဆေးရုံ၌ ဆေးကုသမှုခံယူနေသော ကိုဗစ်-၁၉ လူနာများအတွက် အစားအစာများကို မြို့နယ်ကြက်ခြေနီအသင်းခွဲက လှူဒါန်းပေးခဲ့ပါသည်။

ရောဂါကာကွယ်ရေးလုပ်ငန်းများဆောင်ရွက်ရာတွင် ကြက်ခြေနီစေတနာလုပ်အားရှင်များသည် ရောဂါကာကွယ်ရေးလမ်းညွှန်ချက်များကို မိမိမှစ၍ လိုက်နာသည့်အ‌နေဖြင့် ယခုကာလအတွင်း သီးခြားနေထိုင်ကာ ပါဝင်ကူညီဆောင်ရွက်ပေးလျှက်ရှိပါသည်။

ယခုကဲ့သို့ ရောဂါကာကွယ်‌ရေးလုပ်ငန်းများတွင် တတ်စွမ်းသမျှ ပါဝင်ကူညီပေးနေကြတဲ့ ရှမ်းပြည်နယ် (တောင်ပိုင်း)မှ ကြက်ခြေနီတနာလုပ်အားရှင်များကို အားပေးဂုဏ်ပြုအပ်ပါသည်။