| RMS

လူတိုင်းအတွက်အမြဲကူညီ နေရာတိုင်းမှာကြက်ခြေနီ

  30/ Jan/ 2022

ရှမ်းပြည်နယ်တောင်ပိုင်းက နေရပ်စွန့်ခွာစခန်းတွေကိုရောက်ရှိလာတဲ့ နေရပ်စွန့်ခွာပြည်သူတွေကို မြန်မာနိုင်ငံကြက်ခြေနီအသင်းက တာဝန်ရှိသူတွေနဲ့အတူ ကြက်ခြေနီစေတနာလုပ်အားရှင်တွေဟာ ကူညီဖေးမထောက်ပံ့ပေးနေတာပါ။

ဇန်နဝါရီလ (၂၈)ရက်နေ့က ရှမ်းပြည်နယ်တောင်ပိုင်း တောင်ကြီးနဲ့ဆီဆိုင် မြို့နယ်တွေက နေရပ်စွန့်ခွာစခန်းတွေမှာရှိတဲ့အိမ်ထောင်စုတွေအတွက် ထပ်မံသွားရောက်ထောက်ပံ့ပေးဖို့ သွားရောက်ခဲ့ကြပါတယ်။

ထောက်ပံ့ရာမှာ အိမ်ထောင်စု (၅၄၆ စု) အတွက် တစ်ကိုယ်ရည်သန့်ရှင်းရေးသုံးပစ္စည်းများ(အရေးပေါ်) (၃၈၄)စုံ၊ အမျိုးသမီးတစ်ကိုယ်ရည် သန့်ရှင်းရေး သုံးပစ္စည်း ( ၂၃၃)စုံ၊ နှာခေါင်းစည်း( ၃၂၉ )ဗူး၊ လက်သန့်စင်ဆေးရည် (၈၀၃ ) ဗူး၊ စောင် (၆၀၉)ထည်၊ ခြင်ထောင် (၅၇၈ )လုံး၊ ရေချိုးဆပ်ပြာ (၂၆၂)ခု၊ တာပေါ်လင်(၈၈)ခု၊ တစ်ကိုယ်ရေသန့်ရှင်းရေးအစုံ(၁၂၆)စုံ၊ ဆိုလာ မီးအိမ်(၁၄၀)၊ ဂျယ်ရီကန်(၁၃၉)ခု၊ ကြိုး (၄၃)ခွေ၊ ယာယီအိမ်သာပစ္စည်း(၂) ခု၊ သန့်ရှင်းရေးကိရိယာအစုံ(၂)စုံကိုပေးအပ်ခဲ့ကြပြီး စိတ်ပိုင်းဆိုင်ရာအားပေးကူညီမှုများကိုလည်း ပြုလုပ်ပေးခဲ့ကြပါတယ်။