| RMS

သွေးလွန်တုပ်ကွေးရောဂါကာကွယ်ရေး နေရာအနှံ့ ကြက်ခြေနီဆောင်ရွက်

  09/ Jun/ 2022

ကြက်ခြေနီစေတနာလုပ်အားရှင်များသည် သွေးလွန်တုပ်ကွေးရောဂါကာကွယ်ရေးအတွက် သက်ဆိုင်ရာမြို့နယ်များအလိုက် အသိပညာပေးခြင်း နှင့် ကာကွယ်ရေးလုပ်ငန်းတွေကို ကူညီဆောင်ရွက်လျက်ရှိပါသည်။
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့ကြက်ခြေနီအသင်းခွဲငယ် မှ ကြက်ခြေနီစေတနာလုပ်အားရှင်များသည် သွေးလွန်တုပ်ကွေးရောဂါ ကာကွယ်ရေးအတွက် မြို့ပေါ်ရပ်ကွက်များရှိ နေအိမ်များတွင် ဖုံး/သွန်/လဲ/စစ် လုပ်ငန်းများ ဆောင်ရွက်ခြင်း၊ အဘိတ်ဆေးခပ်ခြင်းများ၊ အဘိတ်ဆေးထုပ်များပေးဝေခြင်း နှင့် သွေးလွန်တုပ်ကွေးရောဂါ ကြိုတင်ကာကွယ်ရေးဆိုင်ရာ အသိပညာပေးခြင်းများကို ဇွန်လ(၁)ရက်နေ့ နှင့် (၅)ရက်နေ့က ပြုလုပ်ဆောင်ရွက်ခဲ့ကြပါသည်။
ထို့အပြင် ဇွန်လ(၆)ရက်နေ့က လှိုင်းဘွဲ့မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ရွှေဂွန်းကျေးရွာ၊ အောက်တောရပ် ရပ်ကွက်တွင် ဖုံး/သွန်/လဲ/စစ် ပြုလုပ်ခြင်းနှင့် အဘိတ်ဆေးခပ်ခြင်းများကို ပြုလုပ်ဆောင်ရွက်ခဲ့ကြပါသည်။