| RMS

ရေကြီးရေလျှံမှုကြောင့် စားသောက်ရေးအခက်အခဲဖြစ်နေသူများကို ကျောက်မဲကြက်ခြေနီက အလှူရှင်များနှင့်အတူ ကူညီထောက်ပံ့

  21/ Sep/ 2021

ရှမ်းပြည်နယ် (မြောက်ပိုင်း)၊ ကျောက်မဲမြို့နယ်တွင် ၂၀၂၁ ခုနှစ်၊ စက်တင်ဘာလ (၂၀) ရက်နေ့က မိုးအဆက်မပြတ်ရွာသွန်းမှုနှင့် တောင်ကျရေစီးဆင်းမှုတို့ကြောင့် နမ့်စောင်းငေါင်းချောင်းရေလျှံပြီး မြို့နယ်အတွင်း ရေများဝင်လာခဲ့ပါသည်။

အဆိုပါဖြစ်စဉ်ကြောင့် ရပ်ကွက် (၅) ခုမှ စားသောက်ရေး အဆင်မပြေသော လူဦးရေ (၁၀၀၀)ခန့်အား မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက အလှူရှင်များ၊ တာဝန်ရှိသူများနှင့် ပူးပေါင်းကာ အစားအစာများနှင့် ရေသန့်များ ဖြန့်ဝေပေးခဲ့ပါသည်။

ထို့အပြင် ရေကြီးမှုတွင် ပိတ်မိနေသော သက်ကြီးရွယ်အိုများအား ကူညီကယ်ဆယ်ပေးပြီး ဆေးကုသမှုခံယူရန်အတွက် ကျောက်မဲမြို့ပြည်သူ့ဆေးရုံသို့ ပို့ဆောင်ပေးခဲ့ပါသည်။