17/ May/ 2022

MRCS Donation

https://youtu.be/0e7duDs8blc  

Read More

  12/ May/ 2022

World Red Cross Day 2022

https://youtu.be/IeY42DOJPJQ

Read More

  04/ May/ 2022

အရေးပေါ်အ‌‌ခြေအနေတွေမှာ ကြက်‌ခြေနီတွေဟာ ပထမဆုံးတုံ့ပြန်ဆောင်ရွက်ပေးသူတွေပါ

ကြင်နာစိတ်ထားကြက်‌ခြေနီများ_လူတိုင်းအပေါ်ကူညီသွား

Read More

  18/ Apr/ 2022

သင်သိပါသလား - နှစ်စဉ် မေလ (၈) ရက်နေ့ကို ကမ္ဘာ့ကြက်ခြေနီအဖြစ်သတ်မှတ်ထားပါတယ်။

သင်သိပါသလား - နှစ်စဉ် မေလ (၈) ရက်နေ့ကို ကမ္ဘာ့ကြက်ခြေနီအဖြစ်သတ်မှတ်ထားပါတယ်။ ယင်းနေ့တွင် မြန်မာနိုင်ငံနည်းတူ ကမ္ဘာ့တစ်ဝန်းရှိ အခြားအမျိုးသားအသင်းများမှာလည်း အထိမ်းအမှတ် အခမ်းအနားများ ကျင်းပကာ ကြက်ခြေနီလူမှုကရုဏာလုပ်ငန်းများအကြောင်းကို တိုးမြှင့်အသိပညာပေးလျက်ရှိပါတယ်။

        ယခုနှစ်ရဲ့ ဆောင်ပုဒ်ကတော့ “#Be human kind #ကြင်နာစိတ်ထား ကြက်ခြေနီများ လူတိုင်းအပေါ် ကူညီသွား” ဖြစ်ပါတယ်။
ယခုဆိုလျှင် ကမ္ဘာကြီးမှာ COVID-19 ကူးစက်ရောဂါတွေ၊ ရာသီဥတုအပြောင်းအလဲမှုတွေ၊ လူသားချင်းစာနာထောက်ထားမှုဆိုင်ရာ အရေးပေါ်အခြေအနေတွေနှင့် ပဋိပက္ခတွေဟာ ပိုမိုပြင်းထန်လာခဲ့ပါတယ်။ ဤရှုပ်ထွေးလှတဲ့အချိန်ကာလတွေမှာ ကြက်ခြေနီအခြေခံမူ (၇) ချက်ထဲက “လူသားချင်းစာနာထောက်ထားမှု” ဆိုတဲ့ အဓိပ္ပါယ်ကို ရပ်ရွာလူထုအတွင်း ပိုမို ကိန်းဝပ်ပြန့်ပွားစေဖို့် လိုအပ်လျက်ရှိနေပါတယ်။
        ဒါကြောင့် ယခုနှစ် ကမ္ဘာ့ကြက်ခြေနီနေ့ဆောင်ပုဒ်ဖြစ်တဲ့ “#ကြင်နာစိတ်ထား ကြက်ခြေနီများ လူတိုင်းအပေါ် ကူညီသွား” အတိုင်း ကျွန်ုပ်တို့သည် အကြင်နာမေတ္တာတရားပြည့်ဝစွာဖြင့် ရပ်ရွာလူထုအတွက် လိုအပ်တဲ့ လူမှုကရုဏာအကူအညီ များကို ဆက်လက်ပေးသွားကြဖို့ တိုက်တွန်းရင်း ဂုဏ်ပြုလိုက်ပါတယ်။
        ဖော်ညွှန်းရန် ပြုလုပ်ရမည့် လက်ပုံစံ သင်္ကေတရဲ့ အဓိပ္ပါယ်ကတော့ “ကျွန်ုပ်တို့အားလုံးသည် လူသားအချင်းချင်းကြင်နာကြောင်း ပြသရန် အတူတကွ ပေါင်းစည်းထားသည်ဆိုသည့်” အဓိပ္ပါယ်ဖြစ်ပါတယ်။
#WorldRedCrossDay #ကမ္ဘာ့ကြက်ခြေနီနေ့ #MRCS #လူသားချင်းစာနာထောက်ထားမှု
#ကြင်နာစိတ်ထားကြက်ခြေနီများလူတိုင်းအပေါ်ကူညီသွား #Behumankind

Read More

  18/ Apr/ 2022

သင်္ဃန်းကျွန်းမြို့နယ်တွင် ကြက်ခြေနီက ရှေးဦးပြုစုခြင်း(အခြေခံ)သင်တန်းများ ပို့ချလျက်ရှိ

သင်္ဃန်းကျွန်း၊ ဧပြီ (၁၈)ရက် ။
        ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်တွင် တိုင်းဒေသကြီးကြက်ခြေနီကြီးကြပ်မှုကော်မတီညွှန်ကြားမှုဖြင့် မြို့နယ်ကြက်ခြေနီအသင်းခွဲက ဦးဆောင်၍ ရှေးဦးပြုစုခြင်း(အခြေခံ)သင်တန်းများကို ဧပြီလအတွင်း ပို့ချပေးလျက်ရှိပါသည်။ သင်တန်းအမှတ်စဉ် (၁/၂၀၂၂) ကို သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ ဘုရင့်နောင်လမ်းသွယ်(၁)ရှိ မြို့နယ်ကြက်ခြေနီအသင်းခွဲရုံးတွင်ပြုလုပ်ခဲ့ပြီး သင်တန်းအမှတ်စဉ် ၂/၂၀၂၂ နှစ်ကျိပ်ရှစ်ဆူဓမ္မာရုံတွင် ပြုလုပ်ခဲ့ကြပါသည်။
        သင်တန်းတွင် ကြက်ခြေနီလှုပ်ရှားမှုနှင့် အခြေခံမူများ၊ ရှေးဦးပြုစုခြင်းသဘောတရားနှင့်တာဝန်များ၊ လူနာဆန်းစစ်ခြင်းနှင့် ဦးစားပေးလူနာရွေးချယ်ခြင်း၊ စိတ်ပိုင်းဆိုင်ရာရှေးဦးပြုစုခြင်း၊ ဒဏ်ရာနှင့်သွေးယိုစီးခြင်း၊ အရိုးကျိုးခြင်း/အဆစ်လွှဲခြင်း/ကြွက်သားများထိခိုက်ခြင်း၊ သွေးဆုတ်သွေးလန့်/သတိလစ်ခြင်း/မေ့မောခြင်း၊ အပူလောင်ခြင်း၊ အဆိပ်မိခြင်း၊ သတ္တဝါများတုတ်ခြင်း/ကိုက်ခြင်း၊ အခြေခံအသက်အထောက်အကူပြုနည်း၊ ဆို့နင်ခြင်း၊ လူနာကိုင်တွယ်နည်းနှင့်သယ်ဆောင်နည်းများ၊ ပတ်တီးစည်းနည်းများ စသည့် ဘာသာရပ်များကို ပို့ချပေးခဲ့ကြပါသည်။
        ဧပြီလအတွင်းပြုလုပ်ခဲ့သော အဆိုပါ ရှေးဦးပြုစုခြင်း(အခြေခံ)သင်တန်းများတွင် သင်တန်းသား/သူ (၄၀)ဦးကို ပို့ချပေးနိုင်ခဲ့ပါသည်။ ဆက်လက်ပြီး ထိခိုက်ဒဏ်ရာရှေးဦးပြုစုခြင်း (Trauma First Aid)သင်တန်းများကိုလည်း ပို့ချပေးသွားမည်ဖြစ်ပါသည်။

Read More

  07/ Apr/ 2022

နေပြည်တော်တွင် ရှေးဦးပြုစုခြင်း(အခြေခံ)သင်တန်းဆင်းပွဲ ကျင်းပ

နေပြည်တော်၊ မတ်လ (၁၁)ရက်။
၂၀၂၂ခုနှစ်၊ မတ်လ (၁၁)ရက်နေ့က ပြည်ထောင်စုနယ်မြေ၊ နေပြည်တော်၊ ဥတ္တရခရိုင်၊ ဇေယျာသီရိမြို့နယ် ခေါမရွာတွင် ရှေးဦးပြုစုခြင်း(အခြေခံ)သင်တန်းဆင်းပွဲအခမ်းအနားကို လူမှုကရုဏာရှင်ပရဟိတအသင်းရုံးတွင် ကျင်းပပြုလုပ်ခဲ့ကြပါသည်။
အခမ်းအနားသို့ နေပြည်တော်ကြက်ခြေနီကြီးကြပ်မှုကော်မတီဥက္ကဌ ဦးအောင်ချို၊ ဒုတိယဥက္ကဌ ဒေါ်ဖြူဖြူမြင့်နှင့် တိုင်းကြက်ခြေနီကြီးကြပ်မှုကော်မတီမှတာဝန်ရှိသူများ၊ ဥတ္တရခရိုင်ကြက်ခြေနီကြီးကြပ်မှုကော်မတီဥက္ကဌ ဒေါ်ယမင်းအေးနှင့် ခရိုင်ကြက်ခြေနီကြီးကြပ်မှုကော်မတီမှတာဝန်ရှိသူများ၊ ဇေယျာသီရိမြို့နယ်ကြက်ခြေနီတပ်ဖွဲ့မှူး ဦးဌေးလှိုင်နှင့် မြို့နယ်ကြက်ခြေနီအသင်းခွဲမှ တာဝန်ရှိသူများ၊ ဖိတ်ကြားထားသောဧည့်သည်တော်များ၊ သင်တန်းနည်းပြများနှင့် သင်တန်းသား/သူများတက်ရောက်ခဲ့ကြပါသည်။
အခမ်းအနားတွင် နေပြည်တော်ကြက်ခြေနီကြီးကြပ်မှုကော်မတီဥက္ကဌ ဦးအောင်ချိုက အဖွင့်အမှာစကားပြောကြားခဲ့ပြီး ထူးချွန်စွာအောင်မြင်ခဲ့ကြသော သင်တန်းသား/သူများအား သင်တန်းဆင်းလက်မှတ်များပေးအပ်ချီးမြှင့်ခဲ့ကာ အခမ်းအနားကို ရုပ်သိမ်းခဲ့ကြပါသည်။
အဆိုပါ သင်တန်းကို မတ်လ(၈)ရက်နေ့မှ (၁၀)ရက်နေ့အထိ (၃)ရက်တာ ဖွင့်လှစ်ခဲ့ပြီး သင်တန်းသား/သူ (၃၀)ဦးတက်ရောက်ခဲ့ကြပါသည်။

Read More

  06/ Apr/ 2022

ယာဉ်မတော်တဆမှုကြောင့် ထိခိုက်ဒဏ်ရာရသူများအား ကြက်ခြေနီများကရှေးဦးပြုစုပေး

မူဆယ်၊ ၂၀၂၂ခုနှစ်၊ ဧပြီလ(၆)ရက်။
ထိခိုက်ဒဏ်ရာရရှိတဲ့အခြေအနေတွေမှာ ရှေးဦးပြုစုခြင်းပညာရပ်ကို တတ်မြောက်ထားတဲ့အခါ မိမိကိုယ်တိုင်သာမက၊ မိသားစုဝင်တွေ၊ ပတ်ဝန်းကျင်ကသူတွေကိုပါ အရေးပေါ်ကူညီပေးနိုင်မှာဖြစ်ပါတယ်၊ ကျွန်ုပ်တို့ရဲ့ ကြက်ခြေနီစေတနာလုပ်အားရှင်တွေဟာ ရှေးဦးပြုစုခြင်းပညာရပ်တွေကို လေ့လာသင်ယူခဲ့ကြပြီး ကျွမ်းကျင်မှုရှိစေရေးအတွက် မကြာခဏ လေ့ကျင့်မှုတွေပြုလုပ်ထားကြပါတယ်။ ဒါကြောင့်ပဲ ရှေးဦးပြုစုခြင်းဆိုလျှင် ကြက်ခြေနီကို ဦးစွာသတိရကြပါတယ်။
၂၀၂၂ခုနှစ် ဧပြီလ(၃)ရက်နေ့က ရှမ်းပြည်နယ်မြောက်ပိုင်း၊ မူဆယ်မြို့နယ် ဆင်ဖြူဈေးအနီးမှာ ယာဉ်မတော်တဆမှု ဖြစ်ပွားခဲ့ပြီး ထိခိုက်ဒဏ်ရာရရှိသူ အမျိုးသားတစ်ဦးကိုလည်းကောင်း၊ ဧပြီလ(၁)ရက်နေ့က ကျင်စန်းကျော့လမ်းတွင် ဆိုင်ကယ်တိမ်းမှောက်မှုကြောင့် ထိခိုက်ဒဏ်ရာရရှိသူတစ်ဦးကိုလည်းကောင်း အရေးပေါ်ရှေးဦးပြုစုပေးခဲ့ကြပြီး လူနာတင်ယာဉ်ဖြင့် ဆေးရုံသို့ ကူညီပို့ဆောင်ပေးခဲ့ကြပါတယ်။

Read More