မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိ ပြည်သူများအတွက် အရေးပေါ်သုံးကယ်ဆယ်ရေးပစ္စည်းများနှင့် သောက်သုံးရေများဖြန့်ဝေပေးခြင်း၊ ပြည်သူလူထု ပဏာမကျန်းမာရေးစောင့်ရှောက်မှုအဖြစ် ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့် ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

မေလ(၂၃)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေမြို့နယ်၊ ကျောင်းကြီးလမ်းရပ်ကွက်မှ ဆေးခန်းလာရောက်ပြသသည့် ပြည်သူ (၈၀) ဦးအား ကျန်းမာရေးစောင့်ရှောက်ပေးခဲ့ပြီး၊ (၈၂)ဦးကို သန့်လေးသန့်၊ စနစ်တကျလက်ဆေးခြင်းနှင့် ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိပညာပေးခြင်းများ ပြုလုပ်ခဲ့ပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ EPC ဝန်ထမ်းအိမ်ယာမှ အိမ်ထောင်စု(၈၅)စု အတွက် ရေလီတာ (၂,၅၀၀)၊ အမြင့်ကျွန်းကျေးရွာမှ အိမ်ထောင်စု(၅၀)စုအတွက် ရေလီတာ(၁,၀၀၀)၊ မင်းဂံအကွက်(၂)စလုံးနောက်တန်းရပ်ကွက်မှ အိမ်ထောင်စု(၂၅၀)စုအတွက် ရေလီတာ(၁,၅၀၀)၊ ပုဏ္ဏားကျွန်းမြို့နယ်(ကုလားချောင်ရွာ)မှ အိမ်ထောင်စု(၅၀)စုအတွက်ရေလီတာ(၁,၀၀၀)၊ ပြည်နယ်ကြက်ခြေနီသိုလှောင်ရုံရှေ့ ရေပေးဝေရာနေရာတွင် ရေလီတာ(၂၄,၄၆၀)ဖြင့် စုစုပေါင်းသောက်ရေလီ(၃၀,၄၆၀)ကို ဖြန့်ဝေပေးခဲ့ပါသည်။

အလားတူ အရေးပေါ်ကယ်ဆယ်ရေးသုံးပစ္စည်းများဖြန့်ဝေရာတွင် ဘူးသီးတောင်မြို့နယ် ကကျက်ဘက်ကံပြင်ကျေးရွာရှိ အိမ်ထောင်စု (၃၃)စုအတွက် မိသားစုသုံးပစ္စည်း (၃၃)စုံ၊ တစ်ကိုယ်ရည် အမျိုးသမီးသန့်ရှင်းရေးသုံးပစ္စည်း (၃၀)အိတ်နှင့် ကကျက်ဘက်ကျေးရွာတွင် မိသားစုသုံးပစ္စည်း (၉)စုံ၊ တစ်ကိုယ်ရည်အမျိုးသမီးသန့်ရှင်းရေးသုံးပစ္စည်း(၉)အိတ်တို့ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိပြည်သူများအတွက် သောက်သုံးရေများဖြန့်ဝေပေးခြင်း၊ ပြည်သူလူထုပဏာမကျန်းမာရေး စောင့်ရှောက်မှုအဖြစ်ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့်ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

မေလ(၂၂)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေမြို့နယ်၊ အနောက်စံပြ(မူစလင်)စခန်းမှ ဆေးခန်းပြသသူ(၉၅) ဦးအား ကျန်းမာရေးစောင့်ရှောက်ပေးခဲ့ပြီး၊ (၆၈)ဦးကို သန့်လေးသန့်၊စနစ်တကျလက်ဆေးခြင်းနှင့်ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိ ပညာပေးခြင်းများ ပြုလုပ်ခဲ့ပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ ကျေးတော cyclone shelter မှ အိမ်ထောင်စု(၁၇၅)စုအတွက် ရေလီတာ(၃,၅၀၀)၊ ရွှေပြည်သာကျေးရွာမှ အိမ်ထောင်စု (၂၀၀)စုအတွက် ရေလီတာ(၆,၀၀၀)၊ အစိုးရနည်းပညာ အထက်တန်းကျောင်းမှ အိမ်ထောင်စု(၁၂၅)စုအတွက် ရေလီတာ (၂,၅၀၀)၊ အုန်းတစ်ပင်ရပ်ကွက်မှ အိမ်ထောင်စု (၁၇၅)စု အတွက် ရေလီတာ (၃,၅၀၀)၊ နှင့် ပြည်နယ်ကြက်ခြေနီသိုလှောင်ရုံရှေ့ ရေပေးဝေရာနေရာတွင် အိမ်ထောင်စု(၁၈၁)စုအတွက် ရေလီတာ(၃၄,၅၀၀)ဖြင့် အိမ်ထောင်စုပေါင်း (၈၅၆)စုအတွက် စုစုပေါင်းရေလီတာ (၅၀,၀၀၀)ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

ရန်ကုန်၊ ၂၀၂၃ခုနှစ်၊ မေလ (၂၃) ရက်။

ဆိုင်ကလုန်းမုန်တိုင်းမိုခါ(MOCHA)တိုက်ခတ်မှုကြောင့်ထိခိုက်ခံစားရသော ရခိုင်ပြည်နယ်နှင့် အခြား မုန်တိုင်းဒဏ်ခံစားရသည့် ပြည်သူများအတွက် မြန်မာနိုင်ငံကြက်ခြေနီအသင်းက ထောက်ပံ့ပစ္စည်းများနှင့် အလှူရှင်များ လှူဒါန်းထားသည့် ပစ္စည်းများကို ထောက်ပံ့နိုင်ရန် အစီအစဉ်တကျ ပို့ဆောင်လျက်ရှိပါသည်။

မေလ(၂၃)ရက်နေ့တွင် နေပြည်တော်နှင့် ရန်ကုန် ရှိ ကြက်ခြေနီသိုလှောင်ရုံများမှ ထောက်ပံ့ရေးပစ္စည်းများကို မုန်တိုင်းသင့် ဒေသများသို့ ပို့ဆောင်ရန် စီစဉ်ဆောင်ရွက်လျက်ရှိရာ သန်လျင်မြို့နယ်ရှိ မြန်မာနိုင်ငံကြက်ခြေနီအသင်း သိုလှောင်ရုံသို့ အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်ရီရီတင်သည် ထောက်ပံ့ပို့ဆောင်ရေးနှင့် ဝယ်ယူဖြည့်တင်းရေးဆိုင်ရာ စီမံခန့်ခွဲမှုဌာန ညွှန်ကြားရေးမှူး၊ ဒုတိယညွှန်ကြားရေးမှူး တို့နှင့်အတူ သွားရောက်ကာ ထောက်ပံ့ရေးပစ္စည်းများနှင့် အလှူရှင်များပေးပို့ လှူဒါန်းထားသော ပစ္စည်းများ ပို့ဆောင်ရန် ဆောင်ရွက်နေမှု အခြေအနေတို့ကို သွားရောက် ကြည့်ရှုပြီး လိုအပ်သည့် လမ်းညွှန်မှုများ ပေးခဲ့ပါသည်။

အဆိုပါ ထောက်ပံ့ပစ္စည်းများမှာ တစ်ကိုယ်ရည်သန့်ရှင်းရေးသုံးပစ္စည်းများ၊ ခြင်ထောင်၊ စောင်၊ တာပေါ်လင်စ၊ မိသားစုသုံးပစ္စည်းများ၊ မီးဖိုချောင်သုံးပစ္စည်းများ၊ အိမ်ဆောက်အထောက်အကူပြုပစ္စည်းများ၊ ရေပုံး၊ ကျန်းမာရေးသုံးပစ္စည်းများနှင့် အလှူရှင်များ လှူဒါန်းထားသည့် ရေသန့် နှင့် အစားအစာ စသည့် ပစ္စည်းများဖြစ်ပြီး ထိခိုက်ခံစားရသူများ လက်ဝယ်အရောက် ထောက်ပံ့ ပေးဝေနိုင်ရန် စီစဉ်ဆောင်ရွက်လျက်ရှိပါသည်။

ရန်ကုန်၊ ၂၀၂၃ခုနှစ်၊ မေလ(၂၃)ရက်။

ဆိုင်ကလုန်းမုန်တိုင်း မိုခါ(MOCHA)တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် Kyaw Za Min Trading Co.,Ltd မှ ဘီစကစ်နှင့် ကွတ်ကီး များ လာရောက်လှူဒါန်းရာ လှူဒါန်းပွဲအခမ်းအနားကို မေလ(၂၃)ရက်နေ့ နေ့လည်ပိုင်းက ရန်ကုန်မြို့ အမှတ်(၄၂)ကမ်းနားလမ်းရှိ အသင်းရန်ကုန်ရုံးခွဲတွင် ကျင်းပခဲ့ပါသည်။

အခမ်းအနားတွင် အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်ရီရီတင်ကနှုတ်ခွန်းဆက်စကား ပြောကြားခဲ့ပြီး Kyaw Za Min Trading Co.,Ltd မှ ဒေါက်တာထက်ထက်ညွန့်က လှူဒါန်းရခြင်းအကြောင်းကို ရှင်းလင်းပြောကြားကာ ကျပ် ၁,၉၄၈,၂၀ဝိ/တန်ဖိုးရှိ ဘီစကစ်နှင့် ကွတ်ကီး များကို လှူဒါန်းရာ အချိန်ပြည့်အလုပ်အမှုဆောင်က ဂုဏ်ပြုမှတ်တမ်းလွှာ ပေးအပ်ပြီး ကျေးဇူးတင်စကား ပြောကြားခဲ့ပါသည်။

ဆိုင်ကလုန်းမုန်တိုင်း မိုခါ(MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိပြည်သူများအတွက် သောက်သုံးရေများဖြန့်ဝေပေးခြင်း၊ ပြည်သူလူထုပဏာမကျန်းမာရေး စောင့်ရှောက်မှုအဖြစ်ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်း၊ ကျန်းမာရေးအသိပညာပေးခြင်းတို့ကို ဝန်ထမ်းများနှင့်ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။

မေလ(၂၀)ရက်နေ့က ရွေ့လျားဆေးပေးခန်းဖြင့် ပဏာမကျန်းမာရေးစောင့်ရှောက်မှုအဖြစ် စစ်တွေမြို့နယ်၊ ဆေးသမားကြီးကျေးရွာမှ ကျေးရွာသူ/ကျေးရွာသား (၃၃) ဦးအား ကျန်းမာရေးစောင့်ရှောက်ပေးခဲ့ပြီး၊ (၂၄)ဦးကို သန့်လေးသန့်၊စနစ်တကျလက်ဆေးခြင်းနှင့်ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိ ပညာပေးခြင်းများ ပြုလုပ်ခဲ့ပါသည်။

သောက်သုံးရေဖြန့်ဝေပေးရာတွင် စစ်တွေမြို့နယ်၊ ရေချမ်းပြင်ကျေးရွာမှ အိမ်ထောင်စု(၁၀၀)စုအတွက် ရေလီတာ(၂,၀၀၀)၊ မောင်နီပြင်ကျေးရွာမှ အိမ်ထောင်စု (၁၂၅)စုအတွက် ရေလီတာ(၂,၅၀၀)၊ မကျည်းမြိုင်ကျေးရွာမှ အိမ်ထောင်စု(၂၂၅)စုအတွက် ရေလီတာ (၄,၅၀၀)၊ ဆင်ကူးလမ်းရပ်ကွက်မှ အိမ်ထောင်စု(၂၂၅)စု အတွက် ရေလီတာ ၄,၅၀၀၊ ဘိုးဘွားရိပ်သာမှ အိမ်ထောင်စု(၄၀)စုအတွက် ရေလီတာ(၅၀၀)၊ တရားသီးစု ကျေးရွာမှ အိမ်ထောင်စု(၁၂၅)စုအတွက် ရေလီတာ(၂,၅၀၀)နှင့် ပြည်နယ်ကြက်ခြေနီသိုလှောင်ရုံရှေ့ ရေပေးဝေရာနေရာတွင် အိမ်ထောင်စု(၁၇၉)စုအတွက် ရေလီတာ(၁၈,၀၀၀)ဖြင့် အိမ်ထောင်စုပေါင်း (၁,၀၁၉)စုအတွက် စုစုပေါင်းရေလီတာ(၃၄,၅၀၀)ကို ဖြန့်ဝေပေးခဲ့ပါသည်။

မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူရှင်များက လှူ‌ဒါန်းလျက်ရှိရာ Zeya and Associates Families and Friends က အလှူငွေ ကျပ် ၃,၀၀၀,၀၀၀ိ/ ၊ ဦးစံအောင် + ဒေါ်လှငွေ မိသားစုက အလှူငွေ ကျပ် ၁၅၀,၀၀၀ိ/၊ ဒေါက်တာချစ်သန်း + ဒေါ်လှလှဌေး မိသားစုက အလှူငွေ ကျပ် ၁၀၀,၀၀၀ိ/၊ ဦးမြင့်သန်း + ဒေါ်စန်းစန်းရွှေ မိသားစုက အလှူငွေ ကျပ် ၅၀,၀၀၀ိ/ ၊ ဦးကျော်ခိုင် + ဒေါ်ချောစန္ဒာ မိသားစုက အလှူငွေ ကျပ် ၅၀,၀၀၀ိ/ ၊ ဦးတေဇာလင်း၊ ဒေါ်အိအိခိုင်၊ ဒေါ်သင်းသင်းအောင် ဘဏ္ဍာရေးဌာန မြန်မာနိုင်ငံကြက်ခြေနီအသင်းက အလှူငွေ ကျပ် ၁၀၀,၀၀၀ိ/ တို့ကို ရန်ကုန်မြို့ အမှတ်(၄၂) ကမ်းနားလမ်းရှိ အသင်းရန်ကုန်ရုံးခွဲသို့ မေလ (၁၉) ရက်နေ့တွင် လာရောက် လှူဒါန်းခဲ့ပါသည်။

ဆိုင်ကလုန်းမုန်တိုင်း မိုခါ (MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

မုန်တိုင်းဒဏ်သင့်ပြည်သူများအတွက် အရေးပေါ်လိုအပ်မည့် အစားအသောက်၊ ဆေးဝါးနှင့် အသုံးအဆောင် ပစ္စည်းများကို KBZPay Market ပေါ်ရှိ MOCHA Cyclone Relief Care Packages များနှင့် မုန်တိုင်းဒဏ်သင့် ပြည်သူများ လိုအပ်နိုင်မည့် အခြားသော ကုန်ပစ္စည်းများကို ကိုယ်တိုင်ရွေးချယ် ဝယ်ယူလှူဒါန်းနိုင်ပြီး အဆိုပါ လှူဒါန်းပစ္စည်းများကို မုန်တိုင်းသင့်ပြည်သူများထံ KBZPay Market နှင့် Myanmar Red Cross Society (MRCS) တို့ ပူးပေါင်းစီစဥ် ပို့ဆောင်ပေးမည် ဖြစ်ပါသည်။

လှူဒါန်းပစ္စည်းများ ပို့ဆောင်ရမည့် လိပ်စာနေရာ၌ မိမိတို့ လိပ်စာအစား တိုင်းဒေသကြီးနေရာတွင် ရန်ကုန်တိုင်း၊ လိပ်စာနေရာတွင် Red Cross ဟု ထည့်သွင်းရေးသားရန် လိုပါသည်။ Red Cross သို့ လိပ်မူထားသော ကုန်ပစ္စည်းအမှာစာများကို မုန်တိုင်းဒဏ်သင့်ပြည်သူများထံ အမြန်ဆုံးရောက်ရှိနိုင်ရေးအတွက် ဦးစားပေး ပို့ဆောင်သွားမည် ဖြစ်ပြီး၊ ပုံမှန် အမှာစာများအတွက် ကုန်ပစ္စည်းလက်ကျန်ရှိမှု‌ပေါ်မူတည်ပြီး ဆက်သွယ်ဆောင်ရွက်သွားပါမည်။

MOCHA Relief Care Packages နှင့် မုန်တိုင်းဒဏ်သင့်ပြည်သူများ လိုအပ်နိုင်မည့် အခြားကုန်ပစ္စည်းများကို အောက်ဖော်ပြပါ Link တွင် ဝင်ရောက်ကြည့်ရှုပြီး မိုခါ မုန်တိုင်းဒဏ်သင့် ပြည်သူများအတွက် အတူတကွ ဖေးကူလို့ ထူမကြပါစို့။

အသေးစိတ်ကြည့်ရှုရန် >> https://bit.ly/3ogq3bj

လှူဒါန်းရန် ဆောင်ရွက်ပုံ အဆင့်ဆင့်ကို ကြည့်ရှုရန် => https://bit.ly/3We3C3l

ရန်ကုန်၊ ၂၀၂၃ခုနှစ်၊ မေလ(၂၂)ရက်။

ဆိုင်ကလုန်းမုန်တိုင်း မိုခါ(MOCHA)တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် မိသားစုတစ်ကိုယ်ရည်သန့်ရှင်းရေးသုံးပစ္စည်းများနှင့် ခေါက်ဆွဲခြောက်များ လှူဒါန်းပွဲအခမ်းအနားကို မေလ(၂၂)ရက်နေ့ နေ့လည်ပိုင်းက အသင်းရန်ကုန်ရုံးခွဲတွင် ကျင်းပခဲ့ပါသည်။

အခမ်းအနားတွင် အသင်းဥက္ကဌ ပါမောက္ခ ဒေါက်တာမျိုးညွန့်က နှုတ်ခွန်းဆက်စကား ပြောကြားခဲ့ပါသည်။

ထို့နောက် Singapore Association of Myanmar မှ President ဖြစ်သူ Mr. Freddy Oh က လှူဒါန်းရခြင်းအကြောင်းကို ရှင်းလင်း ပြောကြားခဲ့ပြီး ကျပ် ၁၀,၀၀၀,၀၀၀ိ/ တန်ဖိုးရှိ မိသားစုတစ်ကိုယ်ရည်သန့်ရှင်းရေးသုံးပစ္စည်းများ (တစ်လစာ) (၂၀၀)စုံ ကို လှူဒါန်းရာ အသင်းဥက္ကဌက ဂုဏ်ပြုမှတ်တမ်းလွှာ ပေးအပ်ပြီး ကျေးဇူးတင်စကား ပြောကြားခဲ့ပါသည်။

ထို့အတူ Yathar Cho Industry Ltd မှ ကျပ် ၅,၇၉၀,၀၀ဝိ/တန်ဖိုးရှိ Yum Yum ခေါက်ဆွဲခြောက်ထုပ်(၁၈,၀၀၀)ထုပ်ကို Marketing Manager ဦးအောင်မြတ်သူ က လာရောက်လှူဒါန်းရာ အသင်းဥက္ကဌက ဂုဏ်ပြုမှတ်တမ်းလွှာ ပေးအပ်ပြီး ကျေးဇူးတင်စကား ပြောကြားခဲ့ပါသည်။

အဆိုပါ အခမ်းအနားသို့ အသင်းအချိန်ပြည့်အလုပ်အမှုဆောင်များ ဖြစ်ကြသော ပါမောက္ခဒေါက်တာဒေါ်မြသူနှင့် ပါမောက္ခ ဒေါက်တာဒေါ်ရီရီတင်၊ အရင်းအမြစ်များ စုစည်းအသုံးချရေးဌာန ဌာနမှူး ဒေါ်မေစန္ဒာမျိုးနှင့် တာဝန်ရှိသူများ၊ Singapore Association of Myanmar မှ တာဝန်ရှိသူများ၊ Yathar Cho Industry Ltdမှ ဦးအောင်မြတ်သူ တို့ တက်ရောက်ခဲ့ကြပါသည်။

ဆိုင်ကလုန်းမုန်တိုင်း မိုခါ တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

မြန်မာနိုင်ငံကြက်ခြေနီအသင်း ဥက္ကဌ ပါမောက္ခဒေါက်တာမျိုးညွန့်သည် မေလ (၂၀) ရက်နေ့ နေ့လည်ပိုင်းတွင် စစ်တွေမြို့ရှိ ရခိုင်ပြည်နယ်အစိုးရအဖွဲ့ အစည်းအ‌ဝေးခန်းမ၌ နိုင်ငံတော် စီမံအုပ်ချုပ်ရေး‌ကောင်စီ အဖွဲ့ဝင် ဒုတိယဝန်ကြီးချုပ်နှင့် ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်း၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်တို့အား ဂါရဝပြု တွေ့ဆုံခဲ့ပါသည်။

ထို့သို့တွေ့ဆုံရာတွင် ရခိုင်ပြည်နယ်ဝန်ကြီးချုပ် ဦးထိန်လင်း၊ ပြည်နယ်လူမှုရေးရာဝန်ကြီး၊ ပြည်နယ် အစိုးရအဖွဲ့ အတွင်းရေးမှူးနှင့် မြန်မာနိုင်ငံကြက်ခြေနီအသင်းမှ တာဝန်ရှိသူများ တက်ရောက်ခဲ့ကြပြီး ရခိုင်ပြည်နယ်အတွင်း မြန်မာနိုင်ငံကြက်ခြေနီအသင်းမှ ဆိုင်ကလုန်းမုန်တိုင်းမိုခါ အရေးပေါ်တုံ့ပြန်ရေး လုပ်ငန်းများ ဆောင်‌ရွက်နေမှုအခြေအနေများကို တင်ပြကာ ပိုမိုထိရောက်စွာ ဆောင်ရွက်နိုင်ရန်အတွက် တွေ့ဆုံဆွေးနွေးခဲ့ပါသည်။