31/ May/ 2023

ဆိုင်ကလုန်းမုန်တိုင်း မိုခါ (MOCHA)တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူရှင်များမှ လာရောက် လှူဒါန်း

ရန်ကုန်၊ ၂၀၂၃ခုနှစ်၊ မေလ(၃၁)ရက်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူရှင်များက လှူ‌ဒါန်းလျက်ရှိရာ မေလ(၁၈)ရက်နေ့က Win Nector Co.,Ltd မှ မြန်မာငွေ ၁,၄၅၀,၀၀၀ (တစ်ဆယ့်လေးသိန်းငါးသောင်းကျပ်)တန်ဖိုးရှိ ကြက်ခြေနီဓါတ်ဆားထုပ်များအားလည်းကောင်း၊ မေလ(၃၀)ရက်နေ့က Creative Forward Group Co.,Ltd မှ ငွေကျပ် ၅၀၀,၀၀၀(ငါးသိန်းကျပ်)အားလည်းကောင်း အသီးသီး လာရောက် လှူဒါန်းခဲ့ကြပါသည်။ အဆိုပါလှူဒါန်းမှုများအား အသင်းဥက္ကဌပါမောက္ခဒေါက်တာမျိုးညွန့်နှင့် အရင်းအမြစ်များစုစည်းအသုံးချရေးဌာနမှူး ဒေါ်မေစန္ဒာမျိုးတို့က လက်ခံခဲ့ကြပြီး ကျေးဇူးတင်စကားပြောကြားခဲ့ကာ ဂုဏ်ပြုမှတ်တမ်းလွှာများပေးအပ်ခဲ့ကြပါသည်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်း ကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင် ကျေးဇူးတင်ရှိပါသည်။

Read More

  30/ May/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား ကြက်ခြေနီက သောက်သုံးရေများဆက်လက်ဖြန့်ဝေ

စစ်တွေ၊ ၂၀၂၃ ခုနှစ်၊ မေလ (၃၀)ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါတိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်အတွင်း သောက်သုံးရေများဖြန့်ဝေခြင်းကို ဆက်လက်ဆောင်ရွက်လျက်ရှိပါသည်။
သောက်သုံးရေဖြန့်ဝေပေးရာတွင် စစ်တွေမြို့နယ်၊ လမ်းမတော်တောင်ရပ်ကွက်မှ အိမ်ထောင်စု(၁၂၅)စု အတွက် ရေလီတာ (၂,၅၀၀)၊ ဇော်မတတ်ကျေးရွာမှ အိမ်ထောင်စု(၁၇၅)စုအတွက် ရေလီတာ(၃,၅၀၀)၊ မြစ်နားကျေးရွာမှ အိမ်ထောင်စု(၁၇၅)စုအတွက် ရေလီတာ(၃,၅၀၀)၊ ပြည်နယ်ကြက်ခြေနီသိုလှောင်ရုံ ရှေ့ ရေပေးဝေရာနေရာတွင် ရေလီတာ(၁၄,၃၆၀)ဖြင့် စုစုပေါင်းသောက်ရေလီ(၂၃,၈၆၀)ကို ဖြန့်ဝေပေးခဲ့ ပါသည်။
မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ထောက်ပံ့နိုင်ရေးနှင့် အရေးပေါ်ငွေသားထောက်ပံ့နိုင်ပေးနိုင်ရေးတို့ကိုလည်း ဆက်လက်ထောက်ပံ့ကူညီနိုင်ရန် ချိတ်ဆက်ဆောင်ရွက်လျက်ရှိပါသည်။
[gallery display="grid" targetsize="wcstandard" link="file" columns="2" size="wcstandard" ids="15345,15346,15347,15348,15349,15350"]

Read More

  29/ May/ 2023

ရခိုင်ပြည်နယ်အတွင်း သောက်ရေသန့်နှင့် သုံးရေ ရရှိရန် ကြက်ခြေနီက ကူညီပေးလျက်ရှိ

ဆိုင်ကလုန်းမုန်တိုင်းမိုခါ တိုက်ခတ်ပြီးနောက် သန့်စင်တဲ့ သောက်သုံးရေရရှိဖို့က အရမ်းကိုအရေးကြီးလှပါတယ်။
မြန်မာနိုင်ငံကြက်ခြေနီအသင်းအနေဖြင့် ရခိုင်ပြည်နယ်အတွင်း မုန်တိုင်းကြောင့် ရေအခက်အခဲရှိတဲ့နေရာတွေကို လက်လှမ်းမီသလောက်သွားရောက်ကာ နေ့စဉ်ရေပေးဝေလျက်ရှိသလို၊ ကောင်းမွန်တဲ့ရေအရင်းမြစ်ရရှိအောင် ကူညီပေးနိုင်ဖို့ အတွက်လည်း ကြိုးစားဆောင်ရွက်လျက်ရှိပါတယ်။
[gallery display="grid" targetsize="wcstandard" link="file" columns="2" size="wcstandard" ids="15338,15339,15340,15341,15342"]

Read More

  28/ May/ 2023

ဆိုင်ကလုန်းမုန်တိုင်းမိုခါကြောင့်ရခိုင်ပြည်နယ်ရှိထိခိုက်ခံစားရသူများအားအရေးပေါ်ကယ်ဆယ်ရေး သုံးပစ္စည်းများ ဆက်လက်ထောက်ပံ့

စစ်တွေ၊ ၂၀၂၃ခုနှစ်၊ မေလ(၂၈)ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့်ထိခိုက်ခံစားရသည့် ရခိုင်ပြည်နယ်ရှိ ပြည်သူများအတွက် အရေးပေါ်သုံးကယ်ဆယ်ရေးပစ္စည်းများ ကူညီထောက်ပံ့ပေးဝေလျက်ရှိပါသည်။
စစ်တွေမြို့နယ် ပလ္လင်ပြင်ကျေးရွာရှိ ဒေသခံပြည်သူများအတွက် အသင်းမှထောက်ပံ့သော မိသားစုသုံးပစ္စည်းများ၊ တစ်ကိုယ်ရည်သန့်ရှင်းရေးသုံးပစ္စည်းများ၊တစ်ကိုယ်ရည်အမျိုးသမီးသန့်ရှင်းရေးသုံးပစ္စည်းများ၊မီးဖိုချောင်သုံးပစ္စည်းများ၊တာပေါ်လင်များနှင့်ခြင်ထောင်များကိုပြည်နယ်ကြက်ခြေနီတပ်ဖွဲ့မှူးဦးမြင့်ထွေး၊ ရခိုင်ပြည်နယ်စီမံချက်များ စီမံခန့်ခွဲရေးယူနစ်ညွှန်ကြားရေးမှူးဒေါ်အေးအေးငြိမ်းတို့ဦးဆောင်ပြီး အပြည်ပြည်ဆိုင်ရာကြက်ခြေနီနှင့်လခြမ်းနီအသင်းများဖက်ဒရေးရှင်းမှတာဝန်ရှိသူများ၊ကြက်ခြေနီ ဝန်ထမ်းများနှင့်ဒေသခံကြက်ခြေနီစေတနာလုပ်အားရှင်များသည်မေလ(၂၇)ရက်နေ့နံနက်ပိုင်းက သွားရောက်ထောက်ပံ့ခဲ့ပါသည်။
အရေးပေါ်သုံးကယ်ဆယ်ရေးပစ္စည်းများ‌ ထောက်ပံ့ပေးဝေရာတွင် အိမ်ထောင်စုပေါင်း(၄၈၂)စုအတွက် မိသားစုသုံးပစ္စည်း(၃၀၉)ပုံး၊ တစ်ကိုယ်ရည်သန့်ရှင်းရေးသုံးပစ္စည်း(၄၈၂)အိတ်၊ တစ်ကိုယ်ရည်အမျိုးသမီး သန့်ရှင်း ရေးသုံးပစ္စည်း(၁၇၃)အိတ်၊ မီးဖိုချောင်သုံးပစ္စည်း (၁၇၃)စုံ၊ တာပေါ်လင်(၃၄၆)စနှင့်ခြင်ထောင် (၁၇၃)လုံးတို့ကို ကူညီထောက်ပံ့ပေးခဲ့ပါသည်။
ထို့နောက် အသင်းဝန်ထမ်းများနှင့်ကြက်ခြေနီစေတနာလုပ်အားရှင်များကကြက်ခြေနီ အကြောင်းသိကောင်းစရာ၊သန့်လေးသန့်၊စနစ်တကျလက်ဆေးခြင်းနှင့်ဝမ်းပျက်ဝမ်းလျောရောဂါကာကွယ်ရေးအကြောင်း ကျန်းမာရေးအသိပညာပေးခြင်းများ ပြုလုပ်ခဲ့ပါသည်။
မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့်ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ဆက်လက်ထောက်ပံ့နိုင်ရန်နှင့် အရေးပေါ်ငွေသားထောက်ပံ့နိုင်ရန်အတွက်ချိတ်ဆက်ဆောင်ရွက်လျက်ရှိပါသည်။
[gallery display="grid" targetsize="wcstandard" link="file" columns="2" size="wcstandard" ids="15249,15248,15247,15246,15245,15244,15243,15242,15241,15239"]

Read More

  27/ May/ 2023

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်ရှိ ထိခိုက်ခံစားရသူများအား အရေးပေါ်ကယ်ဆယ်ရေး သုံးပစ္စည်းများ ဆက်လက်ထောက်ပံ့

စစ်တွေ၊ ၂၀၂၃ခုနှစ်၊ မေလ(၂၇)ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်၊ စစ်တွေမြို့နယ်ရှိ ပြည်သူများအတွက် အရေးပေါ်သုံးကယ်ဆယ်ရေးပစ္စည်းများကို ကူညီထောက်ပံ့ ပေးဝေလျက်ရှိပါသည်။
မြစ်နားကျေးရွာနှင့်ညိုရောင်ချောင်းကျေးရွာများရှိ ဒေသခံပြည်သူများအတွက် အသင်းမှ ထောက်ပံ့သော မိသားစုသုံးပစ္စည်းများ၊ တစ်ကိုယ်ရည်သန့်ရှင်းရေးသုံးပစ္စည်းများ၊ တစ်ကိုယ်ရည်အမျိုးသမီး သန့်ရှင်းရေး သုံးပစ္စည်းများ၊ မီးဖိုချောင်သုံးပစ္စည်းများ၊ တာပေါ်လင်စနှင့်ခြင်ထောင်များကို ပြည်နယ်ကြက်ခြေနီတပ်ဖွဲ့မှူး ဦးမြင့်ထွေး၊ ရခိုင်ပြည်နယ်စီမံချက်များ စီမံခန့်ခွဲရေးယူနစ် ညွှန်ကြားရေးမှူး ဒေါ်အေးအေးငြိမ်းတို့ ဦးဆောင်ပြီး အပြည်ပြည်ဆိုင်ရာကြက်ခြေနီနှင့်လခြမ်းနီအသင်းများဖက်ဒရေးရှင်းမှ တာဝန်ရှိသူများ၊ ကြက်ခြေနီဝန်ထမ်းများနှင့် ဒေသခံကြက်ခြေနီစေတနာလုပ်အားရှင်များသည် မေလ(၂၆)ရက် နေ့ နံနက်ပိုင်းက အဆိုပါကျေးရွာများသို့ သွားရောက်ထောက်ပံ့ပေးခဲ့ပါသည်။
ထိုသို့ ပစ္စည်းများ‌ ထောက်ပံ့ ပေးဝေရာတွင် မြစ်နားကျေးရွာမှ အိမ်ထောင်စု(၁၀၇)စု အတွက် မိသားစုသုံးပစ္စည်း(၃၃)ပုံး၊ တစ်ကိုယ်ရည်သန့်ရှင်းရေးသုံးပစ္စည်း (၁၀၇)အိတ်၊ တစ်ကိုယ်ရည် အမျိုးသမီးသန့်ရှင်းရေးသုံးပစ္စည်း(၁၀၇)အိတ်၊ မီးဖိုချောင်သုံးပစ္စည်း(၇၄)စုံ၊ တာပေါ်လင်(၁၄၈)စ၊ ခြင်ထောင်(၇၄)လုံးတို့ကို ထောက်ပံ့ပေးခဲ့ပြီး၊ ညိုရောင်ချောင်းကျေးရွာမှအိမ်ထောင်စု (၁၃၀)စု အတွက် မိသားစုသုံးပစ္စည်း(၅၄)ပုံး၊တစ်ကိုယ်ရည်သန့်ရှင်းရေးသုံးပစ္စည်း(၁၃၀)အိတ်၊ အမျိုးသမီး တစ်ကိုယ်ရည်သန့်ရှင်းရေးသုံးပစ္စည်း(၁၃၀)အိတ်၊ မီးဖိုချောင်သုံးပစ္စည်း(၇၆)စုံ၊ တာပေါ်လင်(၁၅၂)စ၊ ခြင်
ထောင် (၇၆)လုံးတို့ကို သွားရောက် ကူညီထောက်ပံ့ပေးခဲ့ပါသည်။
မြန်မာနိုင်ငံကြက်ခြေနီအသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ဆက်လက်ထောက်ပံ့နိုင်ရန်နှင့် အရေးပေါ်ငွေသားထောက်ပံ့နိုင်ရန်အတွက် ချိတ်ဆက် ဆောင်ရွက်လျက်ရှိပါသည်။
[gallery ids="15226,15227,15228,15229,15230,15231,15232,15233,15234"]

Read More

  26/ May/ 2023

ပေါက်တောတွင် မုန်တိုင်းကြောင့်ရေအခဲအခက်ရှိသည့်နေရာများအား ကြက်ခြေနီက ကူညီ

ရခိုင်ပြည်နယ်၊ ပေါက်တောမြို့နယ်၊ ငပြီကျွန်းကျေးရွာသို့ မြန်မာနိုင်ငံကြက်ခြေနီအသင်းက စစ်တွေမြို့နယ်မှ တဆင့်ရေလီတာ (၆၀၀၀)ခန့်ကို မေလ(၂၅)ရက်နေ့ နံနက်ပိုင်းက သွားရောက်ပေးဝေခဲ့တာပဲဖြစ်ပါတယ်။ မြန်မာနိုင်ငံကြက်ခြေနီအသင်းဟာ ရခိုင်ပြည်နယ်အတွင်း မုန်တိုင်းကြောင့်ရေအခက်အခဲရှိတဲ့နေရာတွေကို လက်လှမ်းမီသလောက်သွားရောက်ကာ နေ့စဉ်ရေပေးဝေလျက်ရှိသလို၊ သန့်ရှင်းတဲ့ရေအရင်းမြစ်ရရှိအောင် ကူညီပေးနိုင်ဖို့အတွက်လည်း ကြိုးစားဆောင်ရွက်လျက်ရှိပါတယ်။ [gallery display="grid" targetsize="wcstandard" link="file" columns="2" size="wcstandard" ids="15211,15212,15213,15214"]

Read More

  26/ May/ 2023

မုန်တိုင်းကြောင့် ချစ်ခင်ရသူမိသားစုများနှင့် တကွဲတပြားဖြစ်သွားသူများအတွက်လည်း စိုးရိမ်ပူပန်လျက်ရှိသူများ ဆက်သွယ်ရန်

မြန်မာနိုင်ငံကြက်ခြေနီအသင်း၊ အပြည်ပြည်ဆိုင်ရာ ကြက်ခြေနီကော်မတီနှင့် အပြည်ပြည်ဆိုင်ရာ ကြက်ခြေနီနှင့်လခြမ်းနီအသင်းများ ဖက်ဒရေးရှင်းတို့က ဆိုင်ကလုန်း မိုခါမုန်တိုင်းဒဏ်သင့်ခဲ့သည့် ပြည်သူများနှင့် တစ်သားတည်း အတူရှိကြောင်းဖော်ပြလိုပါသည်။
ချက်ခြင်းလက်ငင်းနှင့် ကာလအတိုင်းအတာတစ်ခုထိရှိနေမည့် လိုအပ်ချက်များကို ကျွန်ုပ်တို့တတ်စွမ်းသမျှ အကောင်းဆုံးကိုင်တွယ်ဖြေရှင်းသွားနိုင်ရန် အတူတကွလုပ်ဆောင်သွားပါမည်။
မုန်တိုင်းကြောင့် ချစ်ခင်ရသူမိသားစုများနှင့် တကွဲတပြားဖြစ်သွားသူများအတွက်လည်း စိုးရိမ်ပူပန်လျက်ရှိပါသည်။
မိသားစုဝင်များ ပျောက်ဆုံးနေခဲ့ပါက
မြန်မာနိုင်ငံကြက်ခြေနီအသင်း hotline +95 9957 557 000 သို့မဟုတ် အိုင်စီအာရ်စီ hotline +95 9891 754 512 သို့ဆက်သွယ်နိုင်ပါသည်။

Read More

  26/ May/ 2023

မြန်မာနိုင်ငံကြက်ခြေနီအသင်းမိုခါမုန်တိုင်းတုံ့ပြန်ဆောင်ရွက်မှုများ

မြန်မာနိုင်ငံကြက်ခြေနီအသင်းသည် မေလ (၁၄) ရက်နေ့က ဝင်ရောက်တိုက်ခတ်ခဲ့တဲ့ ဆိုင်ကလုံးမုန်တိုင်း မိုခါ (Mocha) ကြောင့် ထိခိုက်ခံစားခဲ့ရတဲ့ ရပ်ရွာလူထုအတွက် ဆင်းရဲဒုက္ခ လျော့နည်းသက်သာစေဖို့ မုန်တိုင်းအန္တရာယ်ကြိုတင်အသိပညာပေးခြင်း၊ ဘေးကင်းရာကို ရွေ့ပြောင်းပေးခြင်း၊ ထိခိုက်ခံစားရသူများကို ကူညီကယ်ဆယ်ခြင်း၊ ရှေးဦးပြုစုပေးခြင်းနှင့် ပဏာမ ကျန်းမာရေးစောင့်ရှောက်မှု‌ပေးခြင်း၊ စိတ်ပိုင်းလူမှုပိုင်းဆိုင်ရာအားပေးကူညီခြင်း၊ အစားအစာများ၊ သောက်သုံးရေ၊ အခြေခံလိုအပ်သော အသုံးအဆောင်ပစ္စည်းများနှင့် အရေးပေါ်ကယ်ဆယ်ရေးပစ္စည်းများ ဖြန့်ဝေခြင်းကို တတ်စွမ်းသရွေ့ကူညီဆောင်ရွက်ပေးခဲ့ပါတယ်။
အဆိုပါကူညီမှုအနေဖြင့် ကြက်ခြေနီစေတနာလုပ်အားရှင် (၉၆၂) ဦးက ထိခိုက်ခံစားရတဲ့ အိမ်ထောင်စု (၁၄,၅၇၃) စု (လူဦးရေ စုစုပေါင်း ၇၅,၅၇၃) ဦးအား လိုအပ်တဲ့အကူညီများကို ထောက်ပံ့ပေးနိုင်ခဲ့ပါတယ်။
လူသားချင်းစာနာထောက်ထားမှုအကူအညီများအဖြစ် -
👉သုံးရေ - ၁၉,၀၀၀ လီတာ။
👉သောက်ရေ - ၂၉၁,၀၀၀ လီတာ။
👉အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း - ၁၁၄၄ စုံ မိသားစုသုံးပစ္စည်း - ၅၉၇ စုံ။
👉တစ်ကိုယ်ရည်သန့်ရှင်းရေးသုံးပစ္စည်းပုံး - ၁၈၅ ပုံး။
👉တစ်ကိုယ်ရေသန့်ရှင်းရေးပစ္စည်းပါဆယ်ထုပ် - ၉၅၁ ထုပ်။
👉မီးဖိုချောင်သုံးပစ္စည်း - ၄၃၂ စုံ။
👉အိမ်ဆောက်အထောက်အကူပြုပစ္စည်း - ၅၇ စုံ။
👉တာပေါ်လင် - ၇၂၇ ခု။
👉စောင် - ၂၀ ထည်။
👉ခြင်ထောင် - ၃၃၂ လုံး။
👉ကလေးဝတ်အင်္ကျီထုပ် ပေးဝေခဲ့သောအိမ်ထောင်စု - ၁၁၂ စု။
👉ကြက်ဥများပေးဝေခဲ့သော အိမ်ထောင်စု - ၂၅၃ စု။
👉ကျန်းမာရေးအသိပညာပေးခဲ့သောရပ်ရွာလူထု - ၁၃၇၃ ဦး။
👉ရွေ့လျားကျန်းမာရေးဆေးခန်းတွင်ကျန်းမာရေးစောင့်ရှောက်မှုပေးခဲ့သောရပ်ရွာလူထု - ၉၂၅ ဦး။
အသင်းအနေဖြင့် အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အမိုးအကာများ ဆက်လက်ထောက်ပံ့နိုင်ရန်နှင့် အရေးပေါ်ငွေသားထောက်ပံ့နိုင်ရန်အတွက် ချိတ်ဆက် ဆောင်ရွက်လျက်ရှိပါတယ်။

Read More

  26/ May/ 2023

ဆင်ဖြူကျွန်းမြို့ ရေဘေးသင့်စခန်းမှအိမ်ထောင်စုများအား ထောက်ပံ့ပစ္စည်းများပေးအပ်ကူညီ

ဆင်ဖြူကျွန်း၊ မေလ (၂၆) ရက်။
မကွေးတိုင်းဒေသကြီး၊ စလင်းမြို့နယ်၊ ဆင်ဖြူကျွန်းမြို့ရှိ ရေဘေးသင့်စခန်းမှ အိမ်ထောင်စုများအား မြို့နယ်မှ ကြက်‌ခြေနီစေတနာလုပ်အားရှင်များက အသင်းမှထောက်ပံ့သော မိသားစုသုံးပစ္စည်းများ၊ တစ်ကိုယ်ရည်သန့်ရှင်းရေးသုံးပစ္စည်းများ၊ မီးဖိုချောင်သုံးပစ္စည်းများနှင့် ရေသန့်ပုံးများကို ၂၀၂၃ ခုနှစ်၊ မေလ (၂၄) ရက်နေ့က ထောက်ပံ့ပေးအပ်ခဲ့ကြသည်။ ထို့အပြင် အလှူရှင်များလှူဒါန်းသော ဆန်၊ ဆီနှင့် ကြက်ဥတို့ကိုလည်း မြို့နယ်မှ ပရဟိတအသင်းများနှင့်အတူ ကူညီပေးဝေခဲ့သည်။
[gallery display="grid" targetsize="wcstandard" size="wcstandard" columns="1" link="file" ids="15223,15222,15220"]

Read More