| RMS

ကြင်နာစိတ်ထားကြက်ခြေနီများလူတိုင်းအပေါ်ကူညီသွား

  09/ May/ 2022

ပူပြင်းခြောက်သွေ့တဲ့ရာသီရောက်လာတာနဲ့အတူ မီးဘေးအန္တရာယ်ကြောင့် ထိခိုက်ခံစားရမှုတွေ အဖြစ်များလာတာကို တွေ့ရပါတယ်။ ၂၀၂၂ခုနှစ်၊ မေလ(၉)ရက်နေ့က ရခိုင်ပြည်နယ်၊ ကျောက်တော်မြို့ရဲ့ မဟာမုနိ နေရပ်စွန့်ခွာစခန်းမှာ မီးလောင်မှုကြောင့်‌ ထိခိုက်နစ်နာဆုံးရှုံးမှုတွေ များစွာဖြစ်ခဲ့တဲ့ အိမ်ထောင်စု (၂၆၂)စု ဆီသို့ ကျွန်ုပ်တို့ ကြက်ခြေနီစေတနာလုပ်အားရှင်များဟာ သွားရောက်ခဲ့ကြပြီး စိတ်ပိုင်းဆိုင်ရာအားပေးနှစ်သိမ့်ခြင်း၊ ရုပ်ပိုင်းဆိုင်ရာအားပေးကူညီခြင်းများကို ကူညီဆောင်ရွက်ပေးခဲ့ပါတယ်။

အဲ့ဒီနောက်မှာ မီးလောင်မှုကြောင့် ထိခိုက်နစ်နာခံစားခဲ့ရတဲ့ အိမ်ထောင်စု (၂၆၂)စု ရှိ လူဦးရေ (၁၀၇၃)ဦးအတွက် မြန်မာနိုင်ငံကြက်ခြေနီအသင်းမှ ထောက်ပံ့ပေးအပ်တဲ့ မိသားစုသုံးပစ္စည်း (Family Kit) ၂၆၂ စုံ ကို ကျောက်တော်မြို့နယ်ကြက်ခြေနီစေတနာလုပ်အားရှင်များက ထောက်ပံ့ပေးအပ်ခဲ့ကြပါတယ်။

ကျွန်ုပ်တို့ ကြက်ခြေနီစေတနာလုပ်အားရှင်များဟာ ဘေးအန္တရာယ်အမျိုးမျိုးနှင့် အကြောင်းအမျိုးမျိုးကြောင့် ထိခိုက်နစ်နာခံစားရသည့် မိသားစုဝင်များကို ရုပ်ပိုင်းဆိုင်ရာ၊စိတ်ပိုင်းဆိုင်ရာအားပေးကူညီခြင်းနှင့် လိုအပ်သည့်ကူညီထောက်ပံ့မှုများကို အချိန်နှင့်တပြေးညီ ကူညီဆောင်ရွက်နိုင်ဖို့ အစဉ်တစိုက်ကြိုးစားဆောင်ရွက်လျက်ရှိပါတယ်။