19/ May/ 2023

ဆိုင်ကလုန်းမုန်တိုင်း မိုခါကြောင့် ရခိုင်ပြည်နယ်ရှိ ထိခိုက်ခံစားရသူများအတွက် ကြက်ခြေနီက သောက်သုံးရေရရှိရေးနှင့် ကျန်းမာရေးစောင့်ရှောက်မှုပေးခြင်းလုပ်ငန်းများ ဆက်လက်ကူညီဆောင်ရွက်

စစ်တွေ၊ ၂၀၂၃ ခုနှစ်၊ မေလ (၁၉) ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိ ပြည်သူများအတွက် သောက်သုံးရေရရှိရေးနှင့် ကျန်းမာရေးစောင့်ရှောက်မှုအဖြစ် ရွေ့လျားဆေးခန်းများတွင် ကျန်းမာရေးစစ်ဆေးပေးခြင်းနှင့် ကျန်းမာရေးအသိပညာပေးခြင်းတို့ကို ဝန်ထမ်းများနှင့် ကြက်ခြေနီစေတနာလုပ်အားရှင်များက ဆောင်ရွက်လျက်ရှိပါသည်။
ထိုသို့ဆောင်ရွက်ရာ၌ ၂၀၂၃ ခုနှစ်၊ မေလ (၁၈) ရက်နေ့က စစ်တွေမြို့နယ်တွင် ဖွင့်လှစ်ထားသော ရွေ့လျားဆေးခန်းတွင် သက္ကယ်ပြင်ကျေးရွာမှ လူဦးရေ (၇၈) ဦးကို ကျန်းမာရေးစောင့်ရှောက်မှုပေးခဲ့ပြီး ပြည်သူလူထု (၁၀၆) ဦးအား ဆိုင်ကလုန်းမုန်တိုင်းနောက်ဆက်တွဲဖြစ်တတ်သော ရောဂါများကို ကာကွယ်ရန်အတွက် စနစ်တကျလက်ဆေးခြင်း(သန့်လေးသန့်) နှင့် ဝမ်းပျက်ဝမ်းလျှောရောဂါအကြောင်းတို့ကို ကျန်းမာရေးအသိပညာပေးခဲ့ပါသည်။
ထို့အပြင် သောက်ရေ၊ သုံးရေရရှိရေးအတွက် အဓိဌာန်ဘုန်းတော်ကြီးကျောင်းတွင် ယာယီခိုလှုံလျက်ရှိသော လူဦးရေ (၃၀၀) ကျော်အတွက် သောက်သုံးရေ (၄၅၀၀) လီတာ၊ လမ်းမတော်တောင်ရပ်ကွက်မှ အိမ်ထောင်စုများအတွက် သောက်သုံးရေ (၂၀၀၀) လီတာ၊ ရွှေပြားရပ်ကွက်မှ အိမ်ထောင်စုများအတွက် သောက်သုံးရေ (၂၅၀၀) လီတာတို့ကို ဖြန့်ဝေပေးခဲ့ပါသည်။
အဆိုပါ ကူညီဆောင်ရွက်ရေးလုပ်ငန်းများဆောင်ရွက်ရာတွင် ရခိုင်ပြည်နယ်၊ စစ်တွေမြို့ရှိ စေတနာလုပ်အားရှင်များနှင့် ဝန်ထမ်းများက ပူးပေါင်းကူညီဆောင်ရွက်ခဲ့ပါသည်။ ဆက်လက်၍ သောက်သုံးရေ ပိုမိုရရှိနိုင်ရေးနှင့် အကူအညီလိုအပ်နေသူများကို ပိုမိုကူညီဆောင်ရွက်နိုင်ရေးအတွက် စီစဉ်ဆောင်ရွက်လျက်ရှိပါသည်။
မြန်မာနိုင်ငံကြက်ခြေနီအသင်းသည် လူသားချင်းစာနာထောက်ထားမှုဆိုင်ရာ အဖွဲ့အစည်းတစ်ခု ဖြစ်ပြီး အသင်းသည် အမှီအခိုကင်းစွာဖြင့် ဘက်မလိုက်ပဲ ကြားနေကာ လူသားချင်းစာနာထောက် ထားမှုဆိုင်ရာ အကူအညီများကို ထိခိုက်ခံစားရမှုအရှိဆုံးနှင့် လိုအပ်နေသူများထံ ရောက်ရှိစေရန် အတွက် တတ်စွမ်း သရွေ့ ကြိုးစားဆောင်ရွက်လျက်ရှိပါသည်။

Read More

  19/ May/ 2023

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် The Royal Thai Embassy, The Thai Business Association of Myanmar (TBAM) and AST Express (Thailand) မှ အခြေခံစားသောက် ကုန်များနှင့် အလှူငွေလှူ‌ဒါန်း

ရန်ကုန်၊ ၂၀၂၃ခုနှစ်၊ မေလ(၁၉)ရက်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် The Royal Thai Embassy, The Thai Business Association of Myanmar (TBAM) and AST Express (Thailand) မှ အခြေခစားသောက်ကုန်နှင့် အလှူငွေတို့ကို လာရောက်လှူဒါန်းရာ လှူဒါန်းပွဲအခမ်းအနားကို မေလ(၁၉)ရက်နေ့ နံနက်ပိုင်းက အသင်းရန်ကုန်ရုံးခွဲတွင် ကျင်းပခဲ့ပါသည်။
လှူဒါန်းပွဲအခမ်းအနားတွင် အသင်း၏ အချိန်ပြည့်အလုပ်အမှုဆောင် ပါမောက္ခဒေါက်တာဒေါ်မြသူက နှုတ်ခွန်းဆက်စကား ပြောကြားခဲ့ပြီး The Royal Thai Embassy မှ Minister Counsellor Mr. Yordying Supasri နှင့် TBAM မှ President Mr. Nuttaphong တို့က လှူဒါန်းရခြင်းအကြောင်းကို ရှင်းလင်းပြောကြားခဲ့ပါသည်။
ထို့နောက် ဆန်အိတ် (၂၄)ပြည်ဝင် (၂၀) အိတ်၊ ခေါက်ဆွဲခြောက်ထုပ် (၁,၆၀၀)ထုပ်၊ ခေါက်ဆွဲခြောက်ဘူး (၁၀၀)ဘူး၊ Sanitary Pad (၇၁၀)ထုပ်၊ ငါးသေတ္တာ (၅၀၀) ဘူး၊ CP ကြက်အူချောင်း (၂,၀၀၀)ထုပ်၊ CP ကြက်ဥ (၁၀,၀၅၀) လုံး၊ ရေသန့် (၀.၃၃လီတာ)(၃၀၀) ဘူး တို့အပြင် ငွေသား 3,000 USD နှင့် ၂,၀၀၀,၀၀၀ ကျပ်တို့ကို လှူဒါန်းရာ အသင်းအချိန်ပြည့်အလုပ်အမှုဆောင် ပါမောက္ခဒေါက်တာဒေါ်မြသူက ဂုဏ်ပြုမှတ်တမ်းလွှာ ပေးအပ်ကာ ကျေးဇူးတင်စကား ပြောကြားခဲ့ပါသည်။
အဆိုပါ လှူဒါန်းပွဲ အခမ်းအနားသို့ အသင်းအချိန်ပြည့်အလုပ်အမှုဆောင်များဖြစ်ကြ‌သော ပါမောက္ခဒေါက်တာဒေါ်မြသူနှင့် ပါမောက္ခဒေါက်တာဒေါ်ရီရီတင်၊ အထွေထွေအတွင်းရေးမှူး ပါမောက္ခဒေါက်တာထင်ဇော်စိုး၊ ညွှန်ကြားရေးမှူးများ၊ ဌာနမှူးများ၊ The Royal Thai Embassy နှင့် TBAM တို့မှ တာဝန်ရှိသူများ တက်ရောက်ခဲ့ကြပါသည်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များကို ဖြည့်ဆည်းကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာနိုင်ငံကြက်ခြေနီအသင်းအနေဖြင့် အထူးပင်ကျေးဇူးတင်ရှိပါသည်။

Read More

  18/ May/ 2023

ဆိုင်ကလုန်းမုန်တိုင်း မိုခါကြောင့် ပြည်နယ်တိုင်းဒေသကြီးအသီးသီးရှိ ထိခိုက်ခံစားရသူများကို ကြက်ခြေနီက အရေးပေါ်ကယ်ဆယ်ရေးပစ္စည်းများ ဆက်လက်ဖြန့်ဝေ

ရန်ကုန်၊ ၂၀၂၃ ခုနှစ်၊ မေလ (၁၈) ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ပြည်နယ်နှင့် တိုင်းဒေသကြီးအသီးသီးမှ ပြည်သူများအတွက် အရေးပေါ်ကယ်ဆယ်ရေးပစ္စည်းများ ဖြစ်သည့် တစ်ကိုယ်ရည်သန့်ရှင်းရေးသုံးပစ္စည်း (တစ်လစာ/တစ်ပတ်စာ)၊ မိသားစုသုံးပစ္စည်း၊ အမျိုးသမီး တစ်ကိုယ်ရည် သန့်ရှင်းရေးသုံးပစ္စည်း၊ မီးဖိုချောင်သုံးပစ္စည်း နှင့် အိမ်ဆောက်အထောက် အကူပြု ပစ္စည်းနှင့် တာပေါ်လင်တို့ကို ထောက်ပံ့ပေးအပ်ခဲ့ပါသည်။
မေလ (၁၃) ရက်နေ့က ဧရာဝတီတိုင်းဒေသကြီး၊ ကျောင်းကုန်းမြို့နယ်ရှိ ပြည်သူများအတွက် တစ်ကိုယ်ရည်သန့်ရှင်းရေးသုံးပစ္စည်း (တစ်လစာ) (၈) ပုံး၊ တစ်ကိုယ်ရည် သန့်ရှင်းရေးသုံးပစ္စည်း (တစ်ပတ်စာ) (၁၀) အိတ် နှင့် တာပေါ်လင် (၂၈) ချပ်တို့ကို ထောက်ပံ့ပေး အပ်ခဲ့ပါသည်။
ထို့အပြင် မေလ (၁၄) ရက်နေ့နှင့် (၁၆) ရက်နေ့က ရန်ကုန်တိုင်းဒေသကြီးရှိ မရမ်းကုန်း၊ သင်္ဃန်းကျွန်း၊ တိုက်ကြီး၊ ကျောက်တန်းနှင့် ဒဂုံမြို့သစ် (ဆိပ်ကမ်း)မြို့နယ်များရှိ ပြည်သူများအတွက် တစ်ကိုယ်ရည် သန့်ရှင်းရေးသုံးပစ္စည်း (တစ်လစာ) (၆၉) ပုံး၊ မိသားစုသုံးပစ္စည်း (၆၉) ပုံး၊ အမျိုးသမီး တစ်ကိုယ်ရည် သန့်ရှင်းရေးသုံးပစ္စည်း (၆၉) အိတ် နှင့် အိမ်ဆောက် အထောက် အကူပြုပစ္စည်း (၂၁) စုံတို့ကိုလည်းကောင်း၊ အလားတူ မေလ (၁၄) ရက်နေ့က တနင်္သာရီတိုင်းဒေသကြီး၊ ရေဖြူမြို့နယ်၊ ဓမင်းဆိပ်ကျေးရွာရှိ ပြည်သူများအတွက် တစ်ကိုယ်ရည် သန့်ရှင်းရေးသုံးပစ္စည်း (တစ်ပတ်စာ) (၁) အိတ် နှင့် တာပေါ်လင် (၂) ချပ် ကိုလည်းကောင်း ထောက်ပံ့ပေးအပ်ခဲ့ပါသည်။
အလားတူ မေလ (၁၇) ရက်နေ့က ပဲခူးတိုင်းဒေသကြီး၊ ပြည်မြို့၊ ရွှေတောင်မြို့နှင့် ရွာသစ်ကြီးကျေးရွာရှိ ပြည်သူများအတွက် တစ်ကိုယ်ရည်သန့်ရှင်းရေးသုံးပစ္စည်း (တစ်လစာ) (၄) ပုံး၊ တစ်ကိုယ်ရည် သန့်ရှင်းရေးသုံးပစ္စည်း (တစ်ပတ်စာ) (၂၁) အိတ်၊ မိသားစုသုံးပစ္စည်း (၁) ပုံး၊ မီးဖိုချောင်သုံးပစ္စည်း (၁၃) စုံ နှင့် တာပေါ်လင် (၃၇) ချပ် တို့ကို ထောက်ပံ့ပေးအပ်ခဲ့ပါသည်။
အလားတူ အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် သန့်ရှင်းရေးသုံးပစ္စည်းများ၊ အခြားလိုအပ်သည့်ပစ္စည်းများကို ဆက်လက် ထောက်ပံ့ကူညီနိုင်ရန်လည်း ချိတ်ဆက်ဆောင်ရွက်လျက် ရှိပါသည်။
မြန်မာနိုင်ငံကြက်ခြေနီအသင်းသည် လူသားချင်းစာနာထောက်ထားမှုဆိုင်ရာ အဖွဲ့အစည်းတစ်ခု ဖြစ်ပြီး အသင်းသည် အမှီအခိုကင်းစွာဖြင့် ဘက်မလိုက်ပဲ ကြားနေကာ လူသားချင်းစာနာထောက် ထားမှုဆိုင်ရာ အကူအညီများကို ထိခိုက်ခံစားရမှုအရှိဆုံးနှင့် လိုအပ်နေသူများထံ ရောက်ရှိစေရန် အတွက် တတ်စွမ်း သရွေ့ ကြိုးစားဆောင်ရွက်လျက်ရှိပါသည်။

Read More

  18/ May/ 2023

ဆိုင်ကလုန်းမုန်တိုင်း မိုခါကြောင့် ရခိုင်ပြည်နယ်ရှိ ထိခိုက်ခံစားရသူများကို ကြက်ခြေနီက အရေးပေါ်ကယ်ဆယ်ရေးသုံးပစ္စည်းများ၊ သောက်သုံးရေနှင့် ပဏာမ ကျန်းမာရေးစောင့်ရှောက်မှုပေး

စစ်တွေ၊ ၂၀၂၃ ခုနှစ်၊ မေလ (၁၈)ရက်။
မြန်မာနိုင်ငံကြက်ခြေနီအသင်းသည် ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ထိခိုက်ခံစားရသည့် ရခိုင်ပြည်နယ်ရှိ ပြည်သူများအတွက် အရေးပေါ် ကယ်ဆယ်ရေးပစ္စည်းများ ဖြစ်သည့် တစ်ကိုယ်ရည်သန့်ရှင်းရေးသုံးပစ္စည်း (တစ်ပတ်စာ)နှင့် အမျိုးသမီး တစ်ကိုယ်ရည်သန့်ရှင်းရေးသုံးပစ္စည်းတို့ကို ထောက်ပံ့ ပေးအပ်ခြင်း၊ သောက်သုံးရေ များဖြန့်ဝေပေးခြင်း၊ ပြည်သူလူထု ပဏာမ ကျန်းမာရေးစောင့်ရှောက်မှု အဖြစ် ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်းများနှင့် ကျန်းမာရေး အသိပညာ ပေးခြင်းများကို ဝန်ထမ်းများနှင့် ကြက်ခြေနီစေတနာလုပ်အားရှင်များက မေလ (၁၇) ရက်နေ့က ပြုလုပ်ခဲ့ပါသည်။
အဆိုပါအရေးပေါ်ကယ်ဆယ်ရေးသုံးပစ္စည်းများကို မောင်တော်မြို့နယ်၊ ကျောက်ပန်ဒူရွာရှိ အိမ်ထောင်စု (၁၈၃) စုကို တစ်ကိုယ်ရည်သန့်ရှင်းရေးသုံးပစ္စည်း (တစ်ပတ်စာ) (၁၈၃) အိတ်အားလည်းကောင်း၊ အင်းဒင်ရွာတွင် အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း (၆၀) အိတ်အားလည်းကောင်း၊ ရသေ့တောင်မြို့နယ်၊ ဒုံးပိုက်ကျေးရွာတွင် အမျိုးသမီးတစ်ကိုယ်ရည်သန့်ရှင်းရေးသုံးပစ္စည်း (၄၀) အိတ်အားလည်းကောင်း ဖြန့်ဝေပေးခဲ့ပါသည်။
အလားတူ စစ်တွေမြို့ရှိ အဓိဌာန်ဘုန်းတော်ကြီးကျောင်းနှင့် စိတ္တသုခကမ္မဌာန်း (ဉာဏစက္ခု) ကျောင်းတွင် ယာယီခိုလှုံလျက်ရှိသော ပြည်သူလူထုအတွက် သောက်သုံးရေ လီတာ (၁၀,၀၀၀) အား ဖြန့်‌ဝေခဲ့ပါသည်။
ထို့အပြင် အဓိဌာန်ဘုန်းတော်ကြီး ကျောင်းနှင့် စိတ္တသုခကမ္မဌာန်း (ဉာဏစက္ခု) ကျောင်းတို့ရှိ ယာယီခိုလှုံရေးစခန်းများတွင် ရောက်ရှိနေသည့် ပြည်သူလူထု (၁၃၆) ဦးအား ပဏာမ ကျန်းမာရေးစောင့်ရှောက်မှုအဖြစ် ရွေ့လျားဆေးခန်းဖြင့် ကျန်းမာရေးစစ်ဆေးပေးခြင်းနှင့် သန့်လေးသန့်အကြောင်း၊ စနစ်တကျလက်ဆေးခြင်းအကြောင်း စသည့် ကျန်းမာရေးအသိပညာ ပေးခြင်းများကို ပြုလုပ်ခဲ့ပါသည်။
အလားတူ အကူအညီလိုအပ်နေသည့် ယာယီခိုလှုံရာစခန်းများနှင့် ကျေးရွာများမှ ပြည်သူများ‌အတွက် စားနပ်ရိက္ခာများ၊ ရေနှင့် တစ်ကိုယ်ရည်သန့်ရှင်းရေးသုံးပစ္စည်းများ၊ အခြားလိုအပ်သည့်ပစ္စည်းများကို ဆက်လက် ထောက်ပံ့ကူညီနိုင်ရန်လည်း ချိတ်ဆက်ဆောင်ရွက်လျက် ရှိပါသည်။
မြန်မာနိုင်ငံကြက်ခြေနီအသင်းသည် လူသားချင်းစာနာထောက်ထားမှုဆိုင်ရာ အဖွဲ့အစည်းတစ်ခု ဖြစ်ပြီး အသင်းသည် အမှီအခိုကင်းစွာဖြင့် ဘက်မလိုက်ပဲ ကြားနေကာ လူသားချင်းစာနာထောက် ထားမှုဆိုင်ရာ အကူအညီများကို ထိခိုက်ခံစားရမှုအရှိဆုံးနှင့် လိုအပ်နေသူများထံ ရောက်ရှိစေရန် အတွက် တတ်စွမ်း သရွေ့ ကြိုးစားဆောင်ရွက်လျက်ရှိပါသည်။

Read More

  17/ May/ 2023

ဆိုင်ကလုန်းမုန်တိုင်းမိုခါ (MOCHA) ဝင်ရောက်တိုက်ခတ်ခံရသည့် ရခိုင်ပြည်နယ်အတွက် မြန်မာနိုင်ငံကြက်ခြေနီအသင်းက အရေးပေါ်ကယ်ဆယ်ရေးသုံးပစ္စည်းများ ဆက်လက်ပို့ဆောင်

၂၀၂၃ ခုနှစ်၊ မေလ (၁၇) ရက်။
ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ရခိုင်ပြည်နယ်ရှိ နေအိမ်များ၊ အဆောက်အဦများပျက်စီးဆုံးရှုံးပြီး လူအများ ဘေးအန္တရာယ်နှင့် ရင်ဆိုင်ကြုံတွေ့နေရပါသည်။
မြန်မာနိုင်ငံကြက်ခြေနီအသင်းက အဆိုပါဘေးအန္တရာယ်ခံစားနေရသော ရပ်ရွာလူထုအား အစားအစာမဟုတ်သောပစ္စည်းများ၊ ရေသန့်နှင့် ဆေးဝါးများ ကူညီထောက်ပံ့ပေးနိုင်ရန်အတွက် မေလ (၁၅) ရက်နေ့က ကုန်ကား (၂) စီးနှင့် မေလ (၁၆) ရက်နေ့က ကုန်ကား (၁) စီးဖြင့် ထောက်ပံ့ပစ္စည်းများ တင်ဆောင်ကာ စစ်တွေမြို့သို့ စတင်ထွက်ခွာခဲ့ပါသည်။
အဆိုပါ ကုန်တင်ကားများတွင် အရေးပေါ်ကယ်ဆယ်ရေးသုံး ပစ္စည်းများဖြစ်သည့် တစ်ကိုယ်ရည်သန့်ရှင်းရေးသုံးပစ္စည်းများ၊ ခြင်ထောင်၊ စောင်၊ တာပေါ်လင်စ၊ လက်သန့်ဆေးရည်၊ မိသားစုသုံးပစ္စည်းများ၊ မီးဖိုချောင်သုံးပစ္စည်းများ၊ ကလေးမွေးဖွားသန့်စင်သုံးပစ္စည်းများ၊ နှာခေါင်းစည်းများ၊ ရေသန့်စက်နှင့် ရေသန့်ဆေးများ၊ ဆေးပစ္စည်းများနှင့် ဓာတ်ဆားများကို ကနဦးပို့ဆောင်လျက်ရှိပါသည်။
လတ်တလောတွင် စားသောက်ကုန်များထောက်ပံ့ပေးနိုင်ရန်၊ ရွေ့လျားဆေးပေးခန်းများ ဖွင့်လှစ်ရန်နှင့် မြို့နယ်များတွင် ထိခိုက်မှုများကို စာရင်းများကောက်ယူ၍ လိုအပ်ချက်များကို တတ်စွမ်းသ၍ အမြန်ဆုံးကူညီပေးနိုင်ရန် ချိတ်ဆက်ညှိနှိုင်း စီစဉ်ဆောင်ရွက်လျက်ရှိပါသည်။

Read More

  17/ May/ 2023

ဆိုင်ကလုန်းမုန်တိုင်းမိုခါ (MOCHA) ဝင်ရောက်တိုက်ခတ်ခံရသည့် ရခိုင်ပြည်နယ်အတွက် မြန်မာနိုင်ငံကြက်ခြေနီအသင်းက အရေးပေါ်ကယ်ဆယ်ရေးသုံးပစ္စည်းများ ဆက်လက်ပို့ဆောင်

၂၀၂၃ ခုနှစ်၊ မေလ (၁၇) ရက်။
 
ဆိုင်ကလုန်းမုန်တိုင်းမိုခါ တိုက်ခတ်မှုကြောင့် ရခိုင်ပြည်နယ်ရှိ နေအိမ်များ၊ အဆောက်အဦများပျက်စီးဆုံးရှုံးပြီး လူအများ ဘေးအန္တရာယ်နှင့် ရင်ဆိုင်ကြုံတွေ့နေရပါသည်။
 
မြန်မာနိုင်ငံကြက်ခြေနီအသင်းက အဆိုပါဘေးအန္တရာယ်ခံစားနေရသော ရပ်ရွာလူထုအား အစားအစာမဟုတ်သောပစ္စည်းများ၊ ရေသန့်နှင့် ဆေးဝါးများ ကူညီထောက်ပံ့ပေးနိုင်ရန်အတွက် မေလ (၁၅) ရက်နေ့က ကုန်ကား (၂) စီးနှင့် မေလ (၁၆) ရက်နေ့က ကုန်ကား (၁) စီးဖြင့် ထောက်ပံ့ပစ္စည်းများ တင်ဆောင်ကာ စစ်တွေမြို့သို့ စတင်ထွက်ခွာခဲ့ပါသည်။
 
အဆိုပါ ကုန်တင်ကားများတွင် အရေးပေါ်ကယ်ဆယ်ရေးသုံး ပစ္စည်းများဖြစ်သည့် တစ်ကိုယ်ရည်သန့်ရှင်းရေးသုံးပစ္စည်းများ၊ ခြင်ထောင်၊ စောင်၊ တာပေါ်လင်စ၊ လက်သန့်ဆေးရည်၊ မိသားစုသုံးပစ္စည်းများ၊ မီးဖိုချောင်သုံးပစ္စည်းများ၊ ကလေးမွေးဖွားသန့်စင်သုံးပစ္စည်းများ၊ နှာခေါင်းစည်းများ၊ ရေသန့်စက်နှင့် ရေသန့်ဆေးများ၊ ဆေးပစ္စည်းများနှင့် ဓာတ်ဆားများကို ကနဦးပို့ဆောင်လျက်ရှိပါသည်။
 
လတ်တလောတွင် စားသောက်ကုန်များထောက်ပံ့ပေးနိုင်ရန်၊ ရွေ့လျားဆေးပေးခန်းများ ဖွင့်လှစ်ရန်နှင့် မြို့နယ်များတွင် ထိခိုက်မှုများကို စာရင်းများကောက်ယူ၍ လိုအပ်ချက်များကို တတ်စွမ်းသ၍ အမြန်ဆုံးကူညီပေးနိုင်ရန် ချိတ်ဆက်ညှိနှိုင်း စီစဉ်ဆောင်ရွက်လျက်ရှိပါသည်။

Read More

  16/ May/ 2023

ဆင်ဖြူကျွန်းတွင် ဆိုင်ကလုန်းမုန်တိုင်းမိုခါကြောင့် ထိခိုက်ခံစားရသောအိမ်ထောင်စုများအား ကြက်ခြေနီက ထောက်ပံ့ကူညီ

ဆိုင်ကလုန်းမုန်တိုင်းမိုခါကြောင့် ရခိုင်ပြည်နယ်နှင့် မကွေးတိုင်းဒေသကြီး မြို့နယ်အချို့တွင် ထိခိုက်ခံစားရမှုများရှိခဲ့ပါသည်။ မကွေးတိုင်းတွင် စလင်းချောင်းရေကြီးရေလျှံမှုဖြစ်ပွားကာ ဆင်ဖြူကျွန်းမြို့နှင့် အနီးတဝိုက်ရှိကျေးရွာများ ထိခိုက်ပျက်စီးမှုများဖြစ်ခဲ့ရပါသည်။
လတ်တလောတွင် မကွေးတိုင်းဒေသကြီး၊ ဆင်ဖြူကျွန်းမြို့ရှိ ရပ်ကွက်(၃)ခုတွင် ထိခိုက်ခံစားရသောအိမ်ထောင်စုများမှ အကူအညီအရေးပေါ်လိုအပ်သော အိမ်ထောင်စု(၈၇)စုအား အရေးပေါ်ကယ်ဆယ်ရေးသုံးပစ္စည်းများဖြစ်သည့် တစ်ကိုယ်ရည်သန့်ရှင်းရေးသုံးပစ္စည်း(တစ်လစာ)၊ မိသားစုသုံးပစ္စည်း၊ အိမ်ဆောက်အထောက်အကူပြုပစ္စည်း၊ ရေပုံးတို့ကို မေလ (၁၆) ရက်နေ့က သွားရောက် ထောက်ပံ့ကူညီမှုများပြုလုပ်ခဲ့ကြသည်။
ဆက်လက်ပြီး ထိခိုက်ခံစားရသောအိမ်ထောင်စုများအား အထိရောက်ဆုံးသောအကူအညီများပေးအပ်နိုင်ရန်ကြိုးစားဆာင်ရွက်လျက်ရှိပါသည်။
မြန်မာနိုင်ငံကြက်ခြေနီအသင်းသည် သဘာဝဘေးအန္တရာယ်များဖြစ်သည့် ရေကြီးခြင်း၊ မီးလောင်ခြင်း၊ မြေပြိုခြင်း၊ မုန်တိုင်းကျရောက်ခြင်း၊ ကမ္ဘာ့ကပ်ရောဂါ ကိုဗစ်-၁၉ ရောဂါ ကာကွယ်ခြင်းများ၊ ပဋိပက္ခများ၊ တိုက်ပွဲများနှင့် အကြောင်းအမျိုးမျိုးကြောင့် နေရပ်စွန့်ခွာခဲ့ရသူများနှင့် ထိခိုက်ခံစားရသူများအား ခွဲခြားခြင်းမရှိ လူသားချင်း စာနာ ထောက်ထားသည့် စိတ်ဓါတ်ဖြင့် ကြက်ခြေနီအခြေခံမူ(၇)ချက်နှင့်အညီ ကူညီ ထောက်ပံ့ ပေးလျှက်ရှိပါသည်။

Read More

  16/ May/ 2023

အလွန်အားကောင်းသော ဆိုင်ကလုန်းမုန်တိုင်းမိုခါ (MOCHA) တိုက်ခတ်မှုကြောင့် ထိခိုက်ခံစားရသော ပြည်သူများအတွက် အလှုငွေများ လှူဒါန်းနိုင်ပါကြောင်း အသိပေး နှိုးဆော်ခြင်း

မြန်မာနိုင်ငံအတွင်း တိုက်ခတ်သည့် အလွန်အားကောင်း သော ဆိုင်ကလုန်းမုန်တိုင်း မိုခါ (MOCHA) ကြောင့် ထိခိုက်ခံစားရသော ပြည်သူလူထုအတွက် လိုအပ်သော အကူအညီများကို ကြိုးပမ်းညှိနှိုင်း ဆောင်ရွက်‌‌ပေးလျှက်ရှိရာ အရေးပေါ် လိုအပ်သည့် သောက်သုံးရေနှင့် အခြား အခြေခံလိုအပ်ချက်များအတွက် အများပြည်သူတို့အနေဖြင့် မိမိတို့ သဒ္ဒါတရား တတ်စွမ်းသ၍ ငွေသား (သို့မဟုတ်) online မှတဆင့် အောက်ဖော်ပြပါ နေရာများမှ ပါဝင်လှုဒါန်းနိုင်ပါကြောင်း နှိုးဆော်အသိပေးအပ်ပါသည်။
မြန်မာနိုင်ငံကြက်ခြေနီအသင်းသည် သဘာဝဘေးအန္တရာယ်များဖြစ်သည့် ရေကြီးခြင်း၊ မီးလောင်ခြင်း၊ မြေပြိုခြင်း၊ မုန်တိုင်းကျရောက်ခြင်း၊ ကမ္ဘာ့ကပ်ရောဂါ ကိုဗစ်-၁၉ ရောဂါ ကာကွယ်ခြင်းများ၊ ပဋိပက္ခများ၊ တိုက်ပွဲများနှင့် အကြောင်းအမျိုးမျိုးကြောင့် နေရပ်စွန့်ခွာခဲ့ရသူများနှင့် ထိခိုက်ခံစားရသူများအား ခွဲခြားခြင်းမရှိ လူသားချင်း စာနာ ထောက်ထားသည့် စိတ်ဓါတ်ဖြင့် ကြက်ခြေနီအခြေခံမူ(၇)ချက်နှင့်အညီ ကူညီ ထောက်ပံ့ ပေးလျှက်ရှိပါသည်။
အောက်ဖော်ပြပါ အွန်လိုင်းလင့်ခ်မှတစ်ဆင့် ထည့်ဝင်လှုဒါန်းနိုင်ပါသည်။
https://bit.ly/455L5Kw
လူကိုယ်တိုင်လာရောက် လှုဒါန်းမှုအတွက် ဆက်သွယ်ဆောင်ရွက်မည်ဆိုပါက-
• ဒေါ်မေစန္ဒာမျိုး (ဌာနမှူး၊ အရင်းအမြစ်စုစည်းအသုံးချရေးဌာန) ဖုန်းနံပါတ် - ဝ၉၄၂၁၁၆၉၅၈၉
လိပ်စာ - အမှတ် ၄၂ ၊ ကမ်းနားလမ်း၊ မြန်မာနိုင်ငံကြက်ခြေနီအသင်း၊ ဗိုလ်တထောင်မြို့နယ်၊ ရန်ကုန်မြို့ သို့ ရုံးချိန်အတွင်းဆက်သွယ်မေးမြန်းလှုဒါန်းနိုင်ပါသည်။
ပါဝင်လှုဒါန်းကူညီမှုအတွက် အထူးကျေးဇူးတင်ရှိပါသည်။
[gallery display="grid" link="file" ids="14829,14827,14826,14825,14824,14823,14822,14821,14820"]
   

Read More

  16/ May/ 2023

ဆိုင်ကလုန်းမုန်တိုင်း မိုခါ (MOCHA) တိုက်ခတ်အပြီး မြန်မာနိုင်ငံကြက်ခြေနီအသင်းမှ တုံ့ပြန် ဆောင်ရွက်ရေးလုပ်ငန်းများအတွက် အလှူငွေပေးအပ်ပွဲကျင်းပ

ရန်ကုန်၊ ၂၀၂၃ခုနှစ်၊ မေလ (၁၆)ရက်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်မှု ဖြစ်ပွားခဲ့သည့် ဒေသများတွင် တုံ့ပြန်ကူညီရေးလုပ်ငန်းများ ဆောင်ရွက်ရာတွင် ထည့်သွင်း အသုံးပြုနိုင်ရန်အတွက် Moattama Gas Transportation Co.,Ltd (ရတနာစီမံကိန်း)မှ မြန်မာနိုင်ငံကြက်ခြေနီအသင်းသို့ အလှူငွေ လာရောက်လှူဒါန်းသည့် အတွက် အလှူငွေပေးအပ်ပွဲ အခမ်းအနားကို မေလ(၁၆)ရက်နေ့ နံနက်ပိုင်းက အသင်းရန်ကုန်ရုံးခွဲတွင် ကျင်းပခဲ့ပါသည်။
အခမ်းအနားတွင် မြန်မာနိုင်ငံကြက်ခြေနီအသင်းဥက္ကဌ ပါမောက္ခဒေါက်တာမျိုးညွန့်က နှုတ်ခွန်းဆက် စကား
ပြောကြားခဲ့ပါသည်။ ထို့နောက် Moattama Gas Transportation Co.,Ltd (ရတနာစီမံကိန်း)မှ Asset Manager ဦးစိုးသောင်းမြင့်က လှူဒါန်းရခြင်းအကြောင်းကို ရှင်းလင်း ပြောကြားကာ အလှူငွေ USD 30,000 လှူဒါန်းသည့် သဘောတူစာချုပ်ကို အပြန်အလှန် လက်မှတ်ရေးထိုး လဲလှယ်ခဲ့ပြီး အသင်းဥက္ကဌ က ဂုဏ်ပြုမှတ်တမ်းလွှာ ပေးအပ်ကာ ကျေးဇူးတင်စကား ပြောကြားခဲ့ပါသည်။
အဆိုပါ အခမ်းအနားသို့ အသင်းဥက္ကဌနှင့်အတူ ဒုတိယဥက္ကဌ ဒေါက်တာဒေါ်တင်တင်လေး၊ အချိန်ပြည့်အလုပ်
အမှုဆောင်များဖြစ်ကြသော ပါမောက္ခဒေါက်တာဒေါ်မြသူနှင့် ပါမောက္ခဒေါက်တာဒေါ်ရီရီတင်၊ အထွေ
ထွေအတွင်းရေးမှူး ပါမောက္ခဒေါက်တာထင်ဇော်စိုး၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ဌာနမှူးများ၊ အလှူရှင်များ ဖြစ်ကြသည့် Moattama Gas Transportation Co.,Ltd (ရတနာစီမံကိန်း)မှ Interface Leader ဦးအောင်နိုင်နှင့် CSR Managerဒေါ်နုနုဝင်းတို့ တက်ရောက်ခဲ့ကြပါသည်။
Moattama Gas Transportation Co.,Ltd (ရတနာစီမံကိန်း)သည် မြန်မာနိုင်ငံကြက်ခြေနီအသင်းမှ ဆောင်ရွက်နေသည့် လူမှုကရုဏာလုပ်ငန်းများအတွက် ၂၀၁၆ ခုနှစ်တွင်USD 20,000၊ ၂၀၁၉ ခုနှစ်တွင် USD 20,000၊ ၂၀၂၀ ခုနှစ်တွင် USD 20,000နှင့် ကိုဗစ် ၁၉ ရောဂါ တုံ့ပြန်ရေးအတွက် USD 50,000 စုစုပေါင်း USD 110,000 ကို လှူဒါန်းခဲ့ပြီး ယခုတဖန် ဆိုင်ကလုန်းမုန်တိုင်း မိုခါ တိုက်ခတ်မှု ဖြစ်ပွားခဲ့သည့် ဒေသများ၌ မြန်မာနိုင်ငံကြက်ခြေနီအသင်း၏ လူမှုကရုဏာလုပ်ငန်းများ ဆောင်ရွက်ရာတွင် အသုံးပြုရန်အတွက် USD 30,000 ကို ထပ်မံလှူဒါန်းခြင်းဖြစ်ပါသည်။
ဆိုင်ကလုန်းမုန်တိုင်း မိုခါ (MOCHA) တိုက်ခတ်ခံခဲ့ရသည့် ဒေသများရှိ ပြည်သူများအတွက် လိုအပ်ချက်များ
ကို ဖြည့်ဆည်းကူညီပေးနိုင်ရန် တစ်ဖက်တစ်လမ်းမှ ပါဝင်ပံ့ပိုး ကူညီပေးကြသော အလှူရှင်များအား မြန်မာ
နိုင်ငံကြက်ခြေနီအသင်းအနေဖြင့် အထူးပင်ကျေးဇူးတင်ရှိပါသည်။

Read More