ဒီလိုကူညီရာမှာ တနင်္သာရီတိုင်းဒေသကြီးထားဝယ်မြို့မှာတော့ ဇမ္ဗူသီရိအရေးပေါ်လူနာတင်ယာဥ်အဖွဲ့၊ Dawei ဆေးဖြန်းTeam တို့နဲ့ ပူးပေါင်းပြီး မဲရုံ‌ေတွမှာ ဆေးဖြန်းခြင်းကို ဆောင်ရွက်ခဲ့ကြတာ ဖြစ်ပါတယ်။ နိုဝင်ဘာ ၇ ရက်နေ့က ဆောင်ရွက်ခဲ့တာဖြစ်ပြီး ထားဝယ်မြို့နယ်ကြက်ခြေနီတပ်ဖွဲ့မှူး ဦဆောင်တဲ့ ကြက်ခြေနီစေတနာလုပ်အားရှင်များပါဝင်ခဲ့ပါတယ်။ ဒီသတင်းကို တိုင်းဒေသကြီး အထောက်အကူပြုအရာရှိ ဦးမြင့်နိုင်က ပေးပို့ခဲ့တာ ဖြစ်ပါတယ်။  

🤝🤝 ကျွန်တော်တို့ရဲ့ကြက်ခြေနီစေတနာလုပ်အားရှင်များဟာ ကိုဗစ်-၁၉ ရောဂါကာကွယ်ရေးလုပ်ငန်းတွေကို နေရာအနှံ့မှာ ကူညီဆောင်ရွက်နေကြပါတယ်။ 🤝🤝 💥💥 ကျိုက်မရောမြို့နယ်ရှိ ဖျားနာဆေးကုသခန်းမှာလည်း ဒုတိယမြို့နယ်ကြက်ခြေနီတပ်ဖွဲ့မှူး ဦးမျိုးမင်းဦးနှင့် ကြက်ခြေနီစေတနာလုပ်အားရှင်တွေဟာ ဆေးကုသမှုခံယူသူများကို နေရာချထားခြင်းတွေ၊ စာရင်းမှတ်ပေးခြင်းတွေ၊ ကျန်းမာရေးစောင့်ရှောက်မှုပေးတာတွေကို ပြည်သူ့ကျန်းမာရေးဦးစီးဌာနမှ တာဝန်ရှိသူတွေနဲ့ ယနေ့အထိပူးပေါင်းဆောင်ရွက်ခဲ့ပါတယ်။ 💥💥

ကရင်ပြည်နယ် ဘားအံမြို့နယ်မှာ မြို့နယ်ကြက်‌ေခြနီတပ်ဖွဲ့မှူး ဦးဇေယျာမိုးမြင့်နဲ့ကြက်ခြေနီစေတနာလုပ်အားရှင် ၇ ဦးတို့က အ.မ.ကမူလွန် (၃)မဲရုံ၊ တကောင်ဘိုကျေးရွာမဲရုံတို့မှာ COVID-19ရောဂါကာကွယ်ရေး အတွက် ဆေးဖြန်းခြင်း၊ နှာခေါင်းစည်း ၅ဘူး၊ လက်သန့်ဆေးရည် ၁ ဘူးတို့ကို သွားရောက် လှူဒါန်းခဲ့တယ်လို့ သိရပါတယ်။ ဒါ့အပြင် မြို့နယ်ကြက်ခြေနီတပ်စုမှူး ​ဒေါ်​နော်​ဖော့လားဟိ နဲ့ ကြက်ခြေနီစေတနာလုပ်အားရှင် ၄ ဦး တို့ကလည်း ဒုံသမိတံတားပိတ်ဆို့တားဆီးရေးအဖွဲ့နဲ့ ပူးပေါင်းပြီး COVID-19 Test စစ်ဆေးတာ၊ ကုန်ကားသမား‌ေတွကို နှာခေါင်းစည်း အခမဲ့ ပေးဝေ၊ ရေမလိုလက်သန့်ဆေးရည်များဖြန်း‌ေပးတာ‌ေတွကိုဆောင်ရွက်ခဲ့ကြပါတယ်။

၂၀၂၀ပြည့်နှစ် ပါတီစုံဒီမိုကရေစီရွေးကောက်ပွဲတွင် ပြည်ထောင်စုနယ်မြေ၊ နေပြည်တော် အတွင်းရှိမဲရုံများမှာ လာရောက်ဆန္ဒမဲပေးကြမည့် မဲဆန္ဒရှင်ပြည်သူများ ကျန်းမာရေးနဲ့ညီညွတ်စွာ မဲပေးနိုင်ရေး ဆောင်ရွက်လျက်ရှိပါတယ်။ ဒီလို‌ေဆာင်ရွက်ရာမှာ ကြက်ခြေနီစေတနာလုပ်အားရှင်တွေက ကျရာနေရာက ပါဝင်ကူညီကြတယ်လို့လည်း သိရပါတယ်။ လယ်ဝေးမြို့နယ် ၊ လယ်တာကြီးကျေးရွာမှာရှိတဲ့ မဲရုံ‌၊ ဥတ္တရသီရိမြို့နယ်မှာရှိတဲ့ မဲရုံတွေကိုသန့်ရှင်းရေးလုပ်တာနဲ့ ဆေးဖြန်းတာတွေကို မြို့နယ်တွေမှာရှိတဲ့ ကြက်ခြေနီစေတနာလုပ်အားရှင်တွေက နိုဝင်ဘာလ ၆ ရက်နေ့မှာ ပြုလုပ်ခဲ့ကြတယ်လို့ ဦးရဲဝင်းထွန်း သတင်းပေးပို့မှုအရသိရပါတယ်။

💜💜 ဆင်းရဲချမ်းသာမခွဲခြားဘဲ လူသားအားလုံးကို နေရာပေါင်းစုံမှာ ကူညီနေကြတဲ့ ကျွန်ုပ်တို့ရဲ့ကြက်ခြေနီတွေဟာ အချင်းချင်းလည်း စည်းလုံးညီညွတ်စွာပူးပေါင်းဆောင်ရွက်ကြပါတယ်။ ✂️💊🩺 ဒီနေ့မှာ‌တော့ အောင်ပန်းမြို့နယ်မှ ကြက်ခြေနီစေတနာလုပ်အားရှင် ဦးသိန်းစိုးနှင့် လုပ်ဖော်ကိုင်ဖက်တွေက ကလောမြို့နယ်၊ အင်းမှီးဘုန်းတော်ကြီးကျောင်းမှာ ၂၀၂၀ ပြည့်နှစ် ပြည်ထောင်စုရွေးကောက်ပွဲတွင် မဲရုံတာဝန်ကျသူများကို ရှေးဦးပြုစုခြင်းဘာသာရပ်အား လက်တွေ့သရုပ်ပြသင်ကြားပေးခဲ့ပါတယ်။

ကရင်ပြည်နယ်၊ မြဝတီမြို့၊ အမှတ် ၂ ချစ်ကြည်ရေးတံတား Cargo Gate မှတစ်ဆင့် ကုန်တင်ကားများဖြင့် လိုက်ပါဝင်ရောက်လာသော ခရီးသည်များအား COVID-19 ရောဂါ ကာကွယ်ရေးအတွက် ကိုယ်အပူချိန်တိုင်းတာပေးခြင်း၊ စားရင်းများမှတ်သားခြင်း၊ သတင်းပေးပို့ခြင်းနှင့် ထိုနေရာတွင် ပိုးသတ်ဆေးဖြန်းခြင်းတို့ကို မြဝတီမြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှူး ဦးအောင်သွင်ဦး ဦးဆောင်သော ကြက်ခြေနီစေတနာလုပ်အားရှင်များက နေ့စဥ်ဆောင်ရွက်လျက်ရှိပါသည်။

၂၀၂၀ ပြည့်နှစ်၊ နိုဝင်ဘာလ ၄ ရက်နေ့က စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ နှစ်(၇၀၀)အားကစားကွင်းရှိ အသွားအလာကန့်သတ်စောင့်ကြည့်ရေးစခန်းမှ COVID-19 ရောဂါပိုးတွေ့ရှိသူ (၁၀) ဦးအား စစ်ကိုင်းမြို့နယ်၊ ကုတင်(၂၀၀) ဆေးရုံသို့လည်းကောင်း COVID-19 ရောဂါပိုးရှိသူနှင့် ထိတွေ့ဆက်စပ်မှုရှိသူ (၃၆) ဦးအား စစ်ကိုင်းမြို့၊ ဝိဇ္ဇာသိပ္ပံကျောင်း အသွားအလာကန့်သတ်စောင့်ကြည့်ရေးစခန်းသို့လည်းကောင်း ပို့ဆောင်ပေးခြင်းလုပ်ငန်းများကို စစ်ကိုင်းခရိုင်ကြက်ခြေနီကြီးကြပ်မှုကော်မတီမှ ခရိုင်တပ်ဖွဲ့မှူး ဦးမြင့်သိန်းထွန်းနှင့် မြို့နယ်တပ်ဖွဲ့မှူး ဦးဝင်းမြိုင်တို့ ဦးဆောင်သော ကြက်ခြေနီစေတနာလုပ်အားရှင် (၇ ) ဦးတို့က ကျန်းမာရေးဝန်ထမ်းများ၊ မိတ်ဖက်လူမှုရေးအဖွဲ့အစည်းများနှင့် ပူးပေါင်းဆောင်ရွက်ခဲ့ကြသည်။

၂၀၂၀ပြည့်နှစ်၊ နိုဝင်ဘာလ ၄ ရက်နေ့က ကရင်ပြည်နယ်၊ ဘားအံမြို့နယ်၊ အမှတ်(၆)ရပ်ကွက် နှင်းဆီလမ်းတွင် အသွားအလာကန့်သတ်ခံစောင့်ကြည့်ခံနေရသော အိမ်ထောင်စု (၇) စုမှ လူဦးရေ (၁၇) ဦးတို့အား အလှူရှင်များက လှူဒါန်းသော ဆန် ၄၂ ပြည်၊ ဆီ ၇ ဘူး၊ ဆား ၁၄ ထုပ်၊ ဓာတ်ဆား ၃၅ ထုပ်၊ အာလူး ၁၀ ပိဿာ၊ ကြက်ဥ ၇၀ လုံး၊ ခေါက်ဆွဲခြောက် ၃၅ ထုပ်၊ ငါးသေတ္တာ ၂၁ ဘူး၊ ပဲ ၃ ပိဿာ၊ ကြာဇံ ၇ ထုပ်၊ နှာခေါင်းစည်း ၁ ဘူးနှင့် ရေမလိုလက်သန့်ဆေးရည် ၁ ဘူး တို့ကို ဘားအံမြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှူး ဦးဇေယျာမိုးမြင့် ဦးဆောင်သော ကြက်ခြေနီစေတနာလုပ်အားရှင်များက သွားရောက်ထောက်ပံ့ပေးခဲ့ကြသည်။

ကရင်ပြည်နယ်၊ မြဝတီမြို့နယ်၊ ရပ်ကွက် ၅ ခုရှိ မဲရုံများတွင် ၂၀၂၀ ပြည့်နှစ်၊ အောက်တိုဘာလ ၂၉ ရက်နေ့မှ နိုဝင်ဘာလ ၃ ရက်နေ့အထိ ကျင်းပပြုလုပ်ခဲ့သော ၂၀၂၀ ပြည့်နှစ် ပြည်ထောင်စုရွေးကောက်ပွဲတွင် အသက် ၆ဝ နှင့်အထက် မဲဆန္ဒရှင်များ ကြိုတင်ဆန္ဒမဲပေးရာ COVID-19 ရောဂါကာကွယ်ရေးအတွက် ကိုယ်အပူချိန်တိုင်းတာပေးခြင်း၊ ရေမလိုလက်သန့်ဆေးရည်များဖြန့်ဝေပေးခြင်း၊ နှာခေါင်းစည်းများအခမဲ့ဖြန့်ဝေပေးခြင်းနှင့် အဖိုးအဖွားများအားကျန်းမာရေးစောင့်ရှောက်မှုပေးခြင်းတို့ကို မြဝတီမြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှုး ဦးအောင်သွင်ဦး ဦးဆောင်သော ကြက်ခြေနီစေတနာလုပ်အားရှင် ၁၀ ဦးတို့က ကူညီဆောင်ရွက်ခဲ့ကြပါသည်။