သံတောင်ကြီး၊ ဇူလိုင် ၁၆

၂၀၂၀ပြည့်နှစ်၊ ဇူလိုင်၁၄နှင့် ၁၆ ရက်နေ့က ကရင်ပြည်နယ်၊ သံတောင်ကြီးမြို့နယ်ရှိ ပျားစခန်းကျေးရွာရှိ အခြေခံပညာအထက်တန်းကျောင်းတွင် လာရောက်ကျောင်းအပ်နှံလျက်ရှိသည့် ကျောင်းသား/သူများနှင့် မိဘများ၊ ဆရာ/ဆရာမများကို COVID-19 ရောဂါကာကွယ်ရေးအဖြစ် စနစ်တကျလက်ဆေးပေးခြင်း၊ ကိုယ်အပူချိန်တိုင်းပေးခြင်း၊ လိုက်နာဆောင်ရွက်ရမည့် လမ်းညွှန်ချက်များ၊ COVID-19 ရောဂါအသိပညာပေးခြင်းများကို သံတောင်ကြီးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် (၇)ဦးတို့က ပညာရေးဝန်ကြီးဌာနမှ ဝန်ထမ်းများနှင့် ပူးပေါင်းဆောင်ရွက်ခဲ့ပါသည်။

ရေစကြို၊ဇူလိုင် ၁၃

၂၀၂၀ပြည့်နှစ်၊ဇူလိုင်လ ၁၃ ရက်နေ့က မကွေးတိုင်းဒေသကြီး ရေစကြိုမြို့အခြေခံပညာအထက်တန်းကျောင်း၌ ကျောင်းအပ်လက်ခံမှုကိုကျန်းမာရေးနှင့်အားကစားဝန်ကြီးဌာနမှ ထုတ်ပြန်ထားသည့် ညွှန်ကြားချက်များနှင့် အညီ Covid-19ေရာဂါကာကွယ်ရေး အတွက် ကျန်းမာရေးစောင့်ရှောက်မှု လုပ်ငန်းများဆောင်ရွက်ရာတွင် ရေစကြိုမြို့နယ်ကြက်ခြေနီအသင်းခွဲမှ ကြက်ခြေနီ စေတနာလုပ်အားရှင် ၅ ဦး မှ ကူညီဆောင်ရွက်ခဲ့ပါသည်။

လွိုင်ကော်၊ ဇူလိုင် ၉ လွိုင်ကော်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ၂၀၂၀ပြည့်နှစ် ဇူလိုင်လ၉ရက်နေ့က ကယားပြည်နယ်၊ လွိုင်ကော်မြို့ရှိ ပညာရေးကောလိပ်အတွင်း ဖွင့်ထားသော အသွားအလာကန့်သတ်စောင့်ကြည့်ရေးစခန်းတွင် ပိုးသတ်ဆေးဖြန်းပေးခြင်း၊ COVID-19ရောဂါကာကွယ်ရေးအသိပညာပေးခြင်းတို့ကို ဌာနဆိုင်ရာများမှ တာဝန်ရှိသူများနှင့်အတူ ပူးပေါင်း ဆောင်ရွက်ခဲ့ကြပါသည်။

ရန်ကုန်၊ ဇူလိုင် ၇

မြန်မာနိုင်ငံကြက်ခြေနီအသင်းမှ COVID-19ရောဂါကာကွယ်ရေးလုပ်ငန်းများအပါအဝင် အသင်းက ဆောင်ရွက်နေသည့် ကြက်ခြေနီလှုပ်ရှားမှုများ နှင့်ပတ်သက်၍ ပြည်နယ်နှင့်တိုင်းဒေသကြီး ကြက်ခြေနီကြီးကြပ်မှုကော်မတီများနှင့် ညှိနှိုင်းဆွေးနွေးခြင်းကို Video Conferencing ဖြင့် ၂၀၂၀ပြည့်နှစ်၊ ဇူလိုင်လ ၇ ရက်နေ့ နေ့လည်ပိုင်းတွင် အသင်းရန်ကုန်ရုံးခွဲ၌ ပြုလုပ်ခဲ့ပါသည်။

ညှိနှိုင်းဆွေးနွေးပွဲသို့ အသင်းဒုတိယဥက္ကဌဒေါက်တာဒေါ်အမယာမော်နိုင်၊ အချိန်ပြည့်အလုပ်အမှုဆောင် ပါမောက္ခဒေါက်တာဒေါ်မြသူ၊ အလုပ်အမှုဆောင်အဖွဲ့ဝင်များ၊ အထွေထွေအတွင်းရေးမှူး‌ပါမောက္ခဒေါက်တာထင်ဇော်စိုး၊ ဒုတိယအထွေထွေအတွင်းရေးမှူးဒေါက်တာဒေါ်ညိုညိုဝင့်နှင့်ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ပြည်နယ်နှင့်တိုင်းဒေသကြီးများမှ ကြက်ခြေနီကြီးကြပ်မှုကော်မတီဥက္ကဌများ၊ တပ်ဖွဲ့မှူးများနှင့် အုပ်ချုပ်ရေးအထောက်အကူပြုအရာရှိများ တက်ရောက်ဆွေနွေးခဲ့ပါသည်။

ဆွေး‌နွေးပွဲတွင် ပြည်နယ်နှင့်တိုင်းဒေသကြီး အသီးသီးက COVID-19 ရောဂါကာကွယ်ရေး အပါအဝင် ဒေသအတွင်း ကြက်ခြေနီလှုပ်ရှားမှု ဆောင်ရွက်ချက် အခြေအနေများကို တင်ပြဆွေးနွေးခဲ့ကြပြီး အသင်းဌာနချုပ်ဘက်မှလည်း လိုအပ်သော ထောက်ပံ့မည့် အစီအစဉ်များအတွက် ဆောင်ရွက်နေမှု အခြေအနေများနှင့်ပတ်သက်၍ အပြန်အလှန်ဆွေး‌နွေးခဲ့ကြပါသည်။

ရန်ကုန်၊ ဇူလိုင် ၇ မြန်မာနိုင်ငံကြက်ခြေနီအသင်းမှဆောင်ရွက်လျှက်ရှိသော COVID-19 ရောဂါကာကွယ်ရေးလုပ်ငန်းများတွင် အသုံးပြုရန်အတွက် ပြည်တွင်း/ပြည်ပမှအလှူရှင်များ လှူဒါန်းထားသည့် ရောဂါကာကွယ်ရေးပစ္စည်း များအား ပြည်နယ်/တိုင်း ဒေသကြီးရှိ မြို့နယ်ကြက်ခြေနီအသင်းခွဲများသို့ စဥ်ဆက်မပြတ်ဆက်လက်ဖြန့်ဝေပေးပို့လျှက်ရှိပါသည်။ ၂၀၂၀ပြည်နှစ်၊ ဇူလိုင်လ ၄ ရက်နှင့် ၅ ရက်နေ့များတွင် ဦးဝင်းဆန်းဦး Operation Manager (COVID-19 ရောဂါကာကွယ်ရေးနှင့်တုန့်ပြန်ရေး ) နှင့်တာဝန်ရှိသူများသည် အလှူရှင်များလှူဒါန်းထားသည့် COVID-19ရောဂါကာကွယ်ရေးအသုံးအဆောင်ပစ္စည်းများဖြစ်သော ခွဲစိတ်ခန်းသုံးနှာခေါင်းစည်းများ (Surgical Mask) ၊ N 95 Mask၊ မျက်နှာကာ (Face Shield)၊ PPE ၊ လက်သန့်စင်ဆေးရည် (Hand Gel)၊ လက်ကိုင် စကားပြောစက် (Hand Speaker)၊ မျက်မှန် (Goggle)၊ Sprayer၊ Apron အစရှိသည်တို့ကို ပဲခူးတိုင်းဒေသကြီးရှိ သာယာဝတီ၊ အုတ်ဖို၊ မင်းလှ၊ မိုးညို၊ လက်ပံတန်း၊ ကြို့ပင်ကောက်၊ ဇီးကုန်း၊ နတ္တလင်း၊ ပေါင်းတည်၊ သဲကုန်း၊ ရွှေတောင်၊ ပြည်၊ ပန်းတောင်း၊ ပေါက်ခေါင်းမြို့နယ်များမှ ကြက်ခြေနီအသင်းခွဲများသို့ သွားရောက်ပေးပို့ဖြန့်ဝေခဲ့ပါသည်။

မကွေး၊ ဇွန် ၂၆

၂၀၂၀ပြည့်နှစ်၊ဇွန်လ၂၆ ရက်နေ့ကမကွေးတိုင်းဒေသကြီးရေစကြိုမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ၇ ဦးတို့သည်မြို့နယ်စည်ပင်သာယာရေးကော်မတီနှင့်ပူးပေါင်းကာ COVID-19ရောဂါကာကွယ်ရေးအတွက် ယာယီဈေးအတွင်းလက်သန့်ဆေးရည်များပေးဝေခြင်း၊ နှာခေါင်းစည်းများစနစ်တကျအသုံးပြုရေးအသိပညာပေးခြင်းနှင့်အခြေခံလူတန်းစားများအားငွေကြေးထောက်ပံမှုလုပ်ငန်းများတွင်ကူညီပေးခြင်းတို့ကိုဆောင်ရွက်ခဲ့ကြပါသည်။

နေပြည်တော်၊ဇွန် ၁၄ ၂၀၂၀ပြည့်နှစ်၊ဇွန်လ၁၃ရက်နေ့ကပြည်ထောင်စုနယ်မြေနေပြည်တော်ဥတ္တရသီရိမြို့နယ်ကြက်ခြေနီအသင်းခွဲမှမြို့နယ်ကြက်ခြေနီတပ်ခွဲမှူး ဦးစောသန်း ဦးဆောင်သောကြက်ခြေနီစေတနာလုပ်အားရှင် ၅ဦးတို့သည်COVID-19ရောဂါကာကွယ်ရေးအတွက်ဥတ္တရသီရိမြို့နယ် ရွှေတပင်စျေးတွင်စျေးသည်များအားအဝတ်နှာခေါင်းစည်းများကိုပေးဝေခဲ့ကြပါသည်။

နေပြည်တော်၊ ဇွန် ၁၃

၂၀၂၀ပြည့်နှစ်၊ ဇွန်လ ၁၃ ရက်နေ့က ပြည်ထောင်စုနယ်မြေ နေပြည်တော်ကြက်ခြေနီကြီးကြပ်မှုကော်မတီဥက္ကဌ ဦးအောင်ချို၊ ဦးဇော်အောင်၊ဦးတင်ငွေ ၊ ဒုတိယတိုင်းဒေသကြီးကြက်ခြေနီတပ်ဖွဲ့မှူး ဦးစိုးလင်းဦး၊ လယ်ဝေးမြိုနယ်ကြက်ခြေနီတပ်ဖွဲ့မှူး ဒေါ်ခင်သိန်းမြင့်နှင့် ကြက်ခြေနီစေတနာလုပ်အားရှင် ၁၀ ဦးတို့သည် COVID-19ရောဂါကာကွယ်ရေးအတွက် လယ်ဝေးမြို့တွင် ပြည်သူများအား အသိပညာပေးခြင်းများနှင့် အဝတ်နှာခေါင်းစည်းများ ပေးဝေခြင်းကို ဆောင်ရွက်ခဲ့ကြပါသည်။

ကယားပြည်နယ်၊ ဇွန် ၁

ကယားပြည်နယ်တွင် ကြက်ခြေနီမှ COVID-19ရောဂါကာကွယ်ရေးလုပ်ငန်းများကို အရှိန်အဟုန်မြှင့်ဆောင်ရွက်လျက်ရှိရာ ၂၀၂၀ပြည့်နှစ် မေလ ၃၁ရက်နေ့က ကယားပြည်နယ်ကြက်ခြေနီကြီးကြပ်မှုကော်မတီမှ ကြီးမှူးကာ ကယားပြည်နယ်အတွင်းရှိ မြို့နယ်များအတွင်း COVID-19ရောဂါကာကွယ်ရေးအသိပညာပေးခြင်း၊ ပိုစတာများကပ်ခြင်း၊ နှာခေါင်းစည်းများပေးဝေခြင်း၊ လိုက်နာဆောင်ရွက်ရမည့်အချက်များအားနှိုးဆော်ခြင်း စသည်တို့ကို ဌာနဆိုင်ရာများမှတာဝန်ရှိသူများ၊ မိတ်ဖက်လူမှုရေးအသင်းအဖွဲ့များနှင့်ပူးပေါင်းကာ ဆောင်ရွက်ခဲ့ကြပါသည်။