29/ Apr/ 2020

နေပြည်တော်ကောင်စီနယ်မြေတွင် ကြက်ခြေနီမှ COVID 19 ရောဂါကာကွယ်ရေး အသိပညာပေးနှိုးဆော်ခြင်းပူးပေါင်းဆောင်ရွက်

နေပြည်တော်၊ ဧပြီ ၂၉

၂၀၂၀ပြည့်နှစ်၊ ဧပြီလ ၂၉ ရက်နေ့က ပြည်ထောင်စုနယ်မြေ နေပြည်တော်‌‌အတွင်း COVID-19 ရောဂါကာကွယ်ရေးလုပ်ငန်းများတွင် ပူးပေါင်းပါဝင်ဆောင်ရွက်‌ပေးလျက်ရှိကြသည့် ကြက်ခြေနီစေတနာလုပ်အားရှင်များ၏ ဘေးကင်းလုံခြုံရေးအတွက် နေပြည်တော်ကြက်ခြေနီကြီးကြပ်မှုကော်မတီ၊ ကြက်ခြေနီသူနာပြုတပ်ဖွဲ့သို့ PPE ဝတ်စုံ ၂၅ စုံ၊ ဥတ္တရခရိုင်ကြက်ခြေနီကြီးကြပ်မှုကော်မတီ၊ ခရိုင်အုပ်ချုပ်ရေးအဖွဲ့သို့ PPE ဝတ်စုံ ၂၅ စုံ စုစုပေါင်း အစုံ၅၀ အား ရန်ကုန်တိုင်းဒေသကြီး ၊မင်္ဂလာဒုံမြို့နယ်နေ ဦးဘုန်းမြင့်ဇော် +ဒေါ်ဌေးဌေးနိုင် သမီးမအေးချမ်းဘုန်းမြင့်{ဘုန်းမြင့်ဇော်အဆင့်မြင့်အဝေးပြေးခရီးသည်တင် ယာဉ်လိုင်းပိုင်ရှင်} မိသားစုမှ ပေးပို့လှူဒါန်းပြီး အလှူရှင်များကိုယ်စား ခရိုင်ဥက္ကဌ ဒေါ်မေကလျာဝင်းက ပေးအပ်ရာ နေပြည်တော်ကြက်ခြေနီကြီးကြပ်မှုကော်မတီ ဒုတိယဥက္ကဌဒေါ်ဖြူဖြူမြင့်၊ အတွင်းရေးမှူးဦးမိုးကျော်နှင့်ခရိုင်တပ်ဖွဲ့မှူးဦးနိုင်ဝင်းစိုးတို့ကအသီးသီးလက်ခံရယူခဲ့ကာ ဒုတိယဥက္ကဌနှင့်ခရိုင်တပ်ဖွဲ့မှူးတို့မှ
ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြောင်း သိရှိရပါသည်။

COVID-19ရောဂါကာကွယ်ရေးလုပ်ငန်းများ ထမ်းဆောင်လျက်ရှိသောကြက်ခြေနီစေတနာလုပ်အားရှင် တပ်ဖွဲ့ဝင်များအတွက် ယခုကဲ့သို့ လှူဒါန်းပေးပါသော အလှူရှင်မိသားစုအား ကျေးဇူးတင်ဂုဏ်ပြုပါသည်။

 

 

Read More

  28/ Apr/ 2020

မန္တလေးတိုင်းဒေသကြီးရှိမြို့နယ်များ၌ COVID-19ရောဂါကာကွယ်ရေးဆောင်ရွက်ရာတွင် ကြက်ခြေနီမှကူညီ

မန္တလေး၊ ဧပြီ ၂၈

၂၀၂၀ပြည့်နှစ်၊ဧပြီလ ၂၈ရက်နေ့ကအောင်မြေသာစံမြို့နယ်ကြက်ခြေနီအသင်းခွဲမှ မြို့နယ်ကြက်ခြေနီတပ်ဖွဲ့မှူးဦးတင်မိုးအောင် ဦးဆောင်သော ကြက်ခြေနီစေတနာလုပ်အားရှင် ၇ ဦးတို့သည်နန်းတော်ရှေ့အစိုးရစက်မှုသင်တန်းကျောင်း အသွားအလာကန့်သတ်စောင့်ကြပ်ကြည့်ရှုရေးစခန်း၌ နယ်စပ်ဒေသမှဝင်ရောက်လာသူများအား ကြိုဆိုနေရာချထားပေးပြီး COVID-19ရောဂါကာကွယ်ရေးအတွက် ကိုယ်အပူချိန်တိုင်းတာခြင်းကို ဌာနဆိုင်ရာများနှင့်ပူးပေါင်းဆောင်ရွက်ခဲ့ကြသည်။
ထို့အတူ ညောင်ဦးမြို့နယ်ကြက်ခြေနီအသင်းခွဲမှဦးတင့်နိုင်ဝင်း ဦးဆောင်သော ကြက်ခြေနီစေတနာလုပ်အားရှင်၅ ဦးတို့သည် မြို့အဝင်ဂိတ်များတွင် မြို့အတွင်းဝင်ရောက်လာသူများအား ကိုယ်အပူချိန်တိုင်းတာခြင်းကို ပူးပေါင်းဆောင်ရွက်ခဲ့ကြပါသည်။
ပုသိမ်ကြီးမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ၇ ဦးတို့သည်လည်းမြို့အဝင်ရွှေကျင်ဂိတ်တွင် ကိုယ်အပူချိန်တိုင်းတာခြင်းကိုဝိုင်းဝန်းကူညီဆောင်ရွက်ကြရာ ပုသိမ်ကြီးမြို့နယ်ကြက်ခြေနီအသင်းခွဲဥက္ကဌဦးစိုးမင်းအောင်နှင့် မြို့နယ်ကြက်ခြေနီတပ်ဖွဲ့မှူးဦးအောင်သန်းတို့မှ ကြည့်ရှုအားပေးခဲ့ကြပါသည်။

Read More

  26/ Apr/ 2020

အောင်လံမြို့ ယာယီစျေးတွင် COVID-19 ရောဂါအသိပညာပေးခြင်း ကြက်ခြေနီမှဆောင်ရွက်

မကွေး၊ ဧပြီ ၂၆ မကွေးတိုင်းဒေသကြီး၊ အောင်လံမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ၁၂ ဦးတို့သည် အထက(၂)ဘောလုံးကွင်းအတွင်း ဖွင့်လှစ်ထားသောယာယီစျေးတွင် ၂၀၂၀ပြည့်နှစ်၊ဧပြီလ ၂၅ ရက်နေ့က အသိပညာပေး လက်ကမ်းစာစောင်များဖြန့်ဝေခြင်း၊ ပိုစတာများကပ်ခြင်းတို့ကို ဆောင်ရွက်ခဲ့ကြပါသည်။

Read More

  20/ Apr/ 2020

ကြက်ခြေနီက မွန်ပြည်နယ်အတွင်း COVID-19 ရောဂါကာကွယ်ရေး ပူးပေါင်းဆောင်ရွက်လျက်ရှိ

မွန်၊ ဧပြီ ၂၀

မြန်မာနိုင်ငံကြက်ခြေနီအသင်းသည် ကျန်းမာရေးနှင့်အားကစားဝန်ကြီးဌာန၏ ဦးဆောင်မှုနှင့်အတူ နိုင်ငံတစ်ဝန်းမှ ကြက်ခြေနီစေတနာလုပ်အားရှင်များသည် COVID-19 ရောဂါကာကွယ်ရေးလုပ်ငန်းများတွင် စဥ်ဆက်မပြတ် ပူးပေါင်းကူညီဆောင်ရွက်လျက်ရှိပါသည်။
၂၀၂၀ပြည့်နှစ်၊ ဧပြီလ ၂၀ ရက်နေ့က မွန်ပြည်နယ်၊ ရေးမြို့နယ်တွင် မြို့နယ်ကြက်ခြေနီအသင်းခွဲ ဒုတိယမြို့နယ်တပ်ဖွဲ့မှူးဦးလင်းအောင်ဌေး ဦးဆောင်သော ကြက်ခြေနီစေတနာလုပ်အားရှင် ၁၄ ဦးသည် အာရုတောင်၊ တောင်ဘုံ၊ အာဘော်ကျေးရွာများ၊ မြို့နယ် မြို့လုံးကျွတ်ဆွမ်းလောင်းရုံများတွင် ပိုးသတ်ဆေးဖြန်းခြင်း၊ မြို့နယ်စျေး၊ အဝေးပြေးကားဂိတ်များတွင် စနစ်တကျလက်ဆေးခြင်းနှင့် COVID-19 ရောဂါကာကွယ်ရေးအသိပညာပေးခြင်းအပြင် နှာခေါင်းစည်းပေးဝေခြင်းများကိုဆောင်ရွက်ခဲ့ကြသည်။
ထို့အပြင် ဧပြီလ ၂၀ရက်နေ့က ကျိုက်မရောမြို့နယ်တွင် မြို့နယ်ကြက်ခြေနီအသင်းခွဲဥက္ကဌနှင့် ကော်မတီဝင်များ၊ မြို့နယ်ကြက်ခြေနီဒုတိယတပ်ဖွဲ့မှူးဦးမျိုးမင်း ဦးဆောင်သော ကြက်ခြေနီစေတနာလုပ်အားရှင် ၇ ဦးသည် မြို့နယ်အတွင်းရှိ ဘုန်းတော်ကြီးကျောင်းများ၊ ဘုရားစေတီများ၊ စီးပွားရေးဘဏ်အစရှိသည့်နေရာများတွင် ပိုးသတ်ဆေးဖြန်းခြင်းကို ဆောင်ရွက်ခဲ့သည်။
ဆက်လက်ပြီး ဧပြီလ ၂၀ရက်နေ့တွင် ပေါင်မြို့နယ်တွင် မြို့နယ်ကြက်ခြေနီအသင်းခွဲဥက္ကဌဦးအောင်မင်းနိုင်ဦးဆောင်သော ကြက်ခြေနီစေတနာလုပ်အားရှင် (၅)ဦးသည် မြို့နယ်အထွေထွေအုပ်ချုပ်ရေးဦးစီးဌာနရုံး၊ ဝါရီရူခန်းမတို့တွင် ပိုးသတ်ဆေးဖြန်းခြင်းကိုဆောင်ရွက်ခဲ့သည်။
အလားတူ ဧပြီလ ၁၉ ရက်နေ့က ကျိုက်ထိုမြို့နယ်တွင် မြို့နယ်ကြက်ခြေနီတပ်ဖွဲ့မှူးဦးဆန်းဝင်းအောင် ဦးဆောင်သော ကြက်ခြေနီစေတနာလုပ်အားရှင် ၉ ဦးက မြို့နယ်အတွင်းရှိလွှတ်တော်ကိုယ်စားလှယ်များ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူး၊ မြို့နယ်စည်ပင်သာယာရေးကော်မတီနှင့် စျေးတာဝန်ခံများပူးပေါင်းကာ ကျိုက်ထိုမြို့နယ်တွင် ၃ရက်စျေး(ယာယီ)ပြုလုပ်ရန်ညှိနှိုင်းဆောင်ရွက်ခြင်း၊ လက်သန့်ဆေးရည်စင်များထားရှိခြင်းများကို ဆောင်ရွက်ခဲ့ပါသည်။

Read More

  19/ Apr/ 2020

ပွင့်ဖြူတွင် ကျေးရွာကြက်ခြေနီစေတနာလုပ်အားရှင်များက လူဦးရေ ၈၀၂ဦးအတွက် နှာခေါင်းစည်းများ ကိုယ်တိုင်ချုပ်လုပ် ဝေငှခဲ့

မကွေး၊ ဧပြီ ၁၉

မြန်မာနိုင်ငံကြက်ခြေနီအသင်း၊ တိုင်းဒေသကြီး/ပြည်နယ်၊ခရိုင်၊မြို့နယ်၊ရပ်ကွက်၊ကျေးရွာအသီးသီးမှကြက်ခြေနီစေတနာလုပ်အားရှင်များသည် COVID-19 ရောဂါကာကွယ်ရေးလုပ်ငန်းများဆောင်ရွက်ရာတွင်မိမိတို့တတ်စွမ်းသည့်ဘက်မှပါဝင်ကူညီဆောင်ရွက်လျှက်ရှိရာ မကွေးတိုင်းဒေသကြီး ၊ပွင့်ဖြူမြို့နယ်ကြက်ခြေနီအသင်းခွဲ၊ အင်းကုန်းကျေးရွာကြက်ခြေနီအသင်းခွဲငယ်မှ ကြက်ခြေနီစေတနာ
လုပ်အားရှင် ၈ ဦးတို့သည် ဧပြီလ ၁၈ ရက်နေ့တွင် အသင်းခွဲငယ်ရန်ပုံငွေဖြင့် အင်းကုန်းကျေးရွာရှိ အိမ်ထောင်စု ၁၅၇၊ လူဦးရေ ၈၀၂ ဦးအတွက်နှာခေါင်းစည်းများအားကိုယ်တိုင်ချုပ်လုပ်ကာ လူတိုင်းစေ့၊ အိမ်ပေါက်စေ့လိုက်လံထောက်ပံ့ပေး
ဝေခဲ့ကြပါသည်။

Read More

  19/ Apr/ 2020

မိုးကုတ်တွင် ကြက်ခြေနီမှ COVID-19 ရောဂါကာကွယ်ရေး ပူးပေါင်းဆောင်ရွက်

မန္တလေး၊ ဧပြီ ၁၉

မန္တလေးတိုင်းဒေသကြီး၊ မိုးကုတ်မြို့နယ်တွင် မြို့နယ်ကြက်ခြေနီအသင်းခွဲမှကြက်ခြေနီတပ်ဖွဲ့မှူးဒေါ်မြင့်မြင့်ဦး ဦးဆောင်သောကြက်ခြေနီစေတနာလုပ်အားရှင်များသည် ၂၀၂၀ပြည့်နှစ်၊ ဧပြီလ ၁၉ ရက်နေ့က မိုးကုတ်မြို့အနောက်ပိုင်းကျပ်ပြင်ကျေးရွာအုပ်စုကျောက်ဖားမြို့အဝင်ဂိတ်၊ ရေပူရပ်ကွက်အုန်းကိုင်းမြို့အဝင်ဂိတ်၊ လယ်ဦးရပ်ကွက်ရှုခင်းသာမြိုအဝင်ဂိတ် ၊ ဗမွန်ကျေးရွာအုပ်စု
ပန်းမထိပ်ရပ်မြို့အဝင်ဂိတ်တို့တွင် မြို့နယ်အထွေထွေအုပ်ချုပ်ရေးဦးစီးဌာန၊မြို့နယ်မီးသတ်တပ်ဖွဲ့တို့နှင့် ပူးပေါင်းကာ COVID-19 ရောဂါကာကွယ်ရေးအတွက် ကိုယ်အပူချိန်တိုင်းတာခြင်းကို ဆောင်ရွက်ခဲ့ပါသည်။
ထို့ပြင်မင်္ဂလာဘုန်းတော်ကြီးကျောင်း၊ ရွှေကူကြီးကျောင်းတိုက်၊ အထက ၁၊ ရှမ်းတောအလက၊ ပိတ်စွယ်အထက စသည့်အသွားအလာကန့်သတ်စောင့်ကြည့်ရေးစခန်းများတွင်လည်း မြို့နယ်ပြည်သူ့ကျန်းမာရေးဦးစီးဌာနနှင့်ပူးပေါင်းကာ ကျန်းမာရေးစောင့်ရှောက်မှုလုပ်ငန်းများကို ဆောင်ရွက်လျက်ရှိပါသည်။

Read More

  13/ Apr/ 2020

ထီးလင်းတွင် အသွားအလာကန့်သတ်စောင့်ကြည့်ရေးစခန်း၌ ကြက်ခြေနီက COVID-19 ရောဂါကာကွယ်ရေးအတွက် ပါဝင်ဆောင်ရွက်

မကွေး၊ ဧပြီ ၁၃

မကွေးတိုင်းဒေသကြီး၊ ထီးလင်းမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ကျား ၁ ဦး၊ မ ၁ ဦး စုစုပေါင်း ၂ ဦးတို့သည် အထကထီးလင်း အသွားအလာကန့်သတ်စောင့်ကြည့်ရေးစခန်းတွင် COVID-19 ရောဂါကာကွယ်ရေးအတွက်
ကိုယ်အပူချိန်တိုင်းတာခြင်းလုပ်ငန်းအား နေ့စဥ်ပါဝင်ကူညီဆောင်ရွက်လျှက်ရှိပါသည်။

Read More

  13/ Apr/ 2020

ကြက်ခြေနီမှ ကချင်ပြည်နယ်အတွင်း COVID-19 အဆုတ်ရောင်ရောဂါကာကွယ်ရေးတွင် ဆက်လက် ပူးပေါင်းဆောင်ရွက်

ကချင်၊ ဧပြီ ၁၃

ဗန်မော်မြို့နယ်ကြက်ခြေနီအသင်းခွဲမှ မြို့နယ်တပ်ဖွဲ့မှူး ဉီးစိုးထိုက်ဉီး ဉီးဆောင်သော ကြက်ခြေနီစေတနာ လုပ်အားရှင်များသည် ၂၀၂၀ ခုနှစ်၊ ဧပြီလ ၁၂ ရက်နေ့တွင် ယာဉ်ထိန်းရဲများ၊ မီးသတ်ဉီးစီးဌာနမှ တာဝန်ရှိသူ များနှင့် ပူးပေါင်း၍ ဗန်မော်မြို့နယ်၊ ရွှေကျီးနားရပ်ကွက်တွင် သင်္ကြန်ရုံးပိတ်ရက်ရှည် ကာလ အတွင်း ပုံမှန်ဝင်ငွေ မရှိသော အိမ်ထောင်စုများအတွက် စားသောက်ကုန် ၅ မျိုးထောက်ပံ့ရာတွင် ကူညီဆောင်ရွက်ပေးခဲ့ပြီး ပြည်သူများကို စနစ်တကျ လက်ဆေးခြင်းနည်းလမ်းများကို သရုပ်ပြပေးခဲ့ပါသည်။

ထို့ပြင် ကချင်ပြည်နယ်ကြက်ခြေနီကြီးကြပ်မှုကော်မတီ၊ ခရိုင်နှင့် မြစ်ကြီးနားမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် သက်ဆိုင်ရာဌာနမှ တာဝန်ရှိသူများနှင့် ပူးပေါင်း၍ မြစ်ကြီးနားမြို့မရဲစခန်း၊ နယ်မြေရဲစခန်း၊ တရားရုံးနှင့် ဆေးရုံကြီးများတွင် COVID-19 ကာကွယ်ရေးအတွက် ပိုးသတ်ဆေးဖြန်းခြင်းများ ဆောင်ရွက်ခဲ့ပါသည်။

Read More

  12/ Apr/ 2020

ဆွာမြို့တွင် ကြက်ခြေနီမှ COVID-19 ရောဂါကာကွယ်ရေးလုပ်ငန်းများ ဆက်လက် ဆောင်ရွက်

ဆွာမြို့၊ ဧပြီ ၁၂ ရေတာရှည်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များသည် ပဲခူးတိုင်း၊ ဆွာမြို့တွင် ဖွင့်ထားသော အသွားအလာကန့်သတ်စောင့်ကြည့်ရေးစခန်းများတွင် အပူချိန်တိုင်းခြင်း၊ အစားအသောက်များပြင်ဆင်ပေးခြင်းနှင့် ပိုးသတ်ဆေးဖျန်းခြင်းတို့ကို မြို့နယ်ပြည်သူ့ကျန်းမာရေးဦးစီးဌာနမှ တာဝန်ရှိသူများနှင့် အတူ ၂၀၂၀ပြည့်နှစ် မတ်လ ၂၃ရက်နေ့မှ စတင်ကာ‌ ဆောင်ရွက်လျက်ရှိသည်။ ထို့ပြင် ၂၀၂၀ပြည့်နှစ် မတ်လ ၁၇ရက်နေ့မှစတင်ကာ ဆွာမြို့အတွင်းရှိ ရပ်ကွက်များတွင် COVID-19 ရောဂါကာကွယ်ရေးအသိပညာပေးဟောပြောခြင်း၊ ပိုစတာများ၊ စတစ်ကာများကပ်ခြင်း၊ စနစ်တကျလက်ဆေးနည်းနှင့် နှာခေါင်းစည်းအသုံးပြုပုံတို့ ဝေမျှခြင်း၊ ပိုးသတ်ဆေးဖြန်းခြင်း တို့ကို ဆောင်ရွက်လျက်ရှိပါသည်။

Read More