မိုင်းယု (၁၀၅)မိုင်ကြက်ခြေနီအသင်းခွဲငယ်မှ ကြက်ခြေနီစေတနာလုပ်အားရှင်များက မူဆယ်မြို့နယ်၊ ကုန်သွယ်ရေးဇုန်ယာဉ်ငယ်စစ်ဆေးရေးဂိတ်တွင် ကိုဗစ်-၁၉ ရောဂါ ကာကွယ်တုန့်ပြန်ရေးနဲ့ အသိပညာပေးလုပ်ငန်းများကို ဆောင်ရွက်နေစဉ် အဆိုပါစစ်ဆေးရေးဂိတ်အနီးတွင် မော်တော်ဆိုင်ကယ်မတော်တဆတိမ်းမှောက်မှု‌ရှိခဲ့ရာ ခြေထောက်ဒဏ်ရာရရှိခဲ့သူအမျိုးသားကို ရှေးဦးပြုစု‌နည်းဖြင့် ပြုစုပေးခဲ့ကြပါတယ်။

ရောဂါကာကွယ်ဖို့အတွက်

၁။ အတတ်နိုင်ဆုံး မိမိအိမ်တွင်သာ နေထိုင်ခြင်း။

၂။ မဖြစ်မနေအိမ်ပြင်ထွက်ပါက နှာခေါင်းစည်းကို စနစ်တကျတပ်ဆင်ခြင်း။

၃။ လူစည်ကားရာနေရာများသွားခြင်းကို ရှောင်ကြဉ်ခြင်း။

၄။ လက်ကိုမကြာခဏ စနစ်တကျဆေးကြောခြင်းတွေကို အဓိကလုပ်ဆောင်ဖို့ လိုပါမယ်။

ကျွန်ုပ်တို့ ကြက်ခြေနီစေတနာလုပ်အားရှင်တွေကလည်း ပြည်နယ်နှင့် တိုင်းဒေသကြီးများရှိ မြို့နယ်၊ ရပ်ကွက်၊ ကျေးရွာများအထိ ရောဂါကာကွယ်ရေးလိုက်နာဆောင်ရွက်ရမယ့်လမ်းညွှန်ချက်များကို သတိပေးနှိုးဆော်ပေးကြသလို နှာခေါင်းစည်းများ အခမဲ့ဖြန့်ဝေပေးခြင်း၊ လက်သန့်ဆေးရည်များပေးဝေခြင်း၊ ကွာရင်တင်းစင်တာများနှင့် ကိုဗစ်-၁၉ ရောဂါကူးစက်ခံရသူများကို လိုအပ်သည့် အကူအညီများပေးခြင်းနှင့် အစားအစာအသောက်များ ထောက်ပံ့ပေးခြင်းတို့ကို ဆောင်ရွက်လျှက်ရှိပါတယ်။

ပြည်ထောင်စုနယ်မြေ နေပြည်တော်၊ ပျဉ်းမနားမြို့နယ်မြန်မာ့စီးပွားရေးဘဏ်ခွဲတွင် ပင်စင်လစာလာထုတ်ကြသော အဘိုး၊ အဘွားများအား ကိုဗစ်-၁၉ ရောဂါကာကွယ်ရေးအတွက် ကိုယ်အပူချိန်တိုင်းတာပေးခြင်း၊ လက်သန့်ဆေးရည်ဖြင့်လက်ဆေးစေခြင်း၊ နှာခေါင်းစည်းများပေးဝေခြင်းနှင့် ကျန်းမာရေးစောင့်ရှောက်မှုပေးခြင်းတို့ကို ကြက်ခြေနီစေတနာလုပ်အားရှင်များက ကူညီဆောင်ရွက်ပေးခဲ့ကြပါသည်။

ထို့အတူ ရောဂါကူးစက်မှုထိန်းချုပ်နိုင်ရေးအတွက် ဥတ္တရသီရိမြို့နယ်၊ ပျဉ်းမနားမြို့နယ်၊ ဇမ္ဗူသီရိမြို့နယ်နှင့် ဇေယျာသီရိမြို့နယ်တို့တွင် ပိုးသတ်ဆေးဖြန်းခြင်းကို ကူညီဆောင်ရွက်ခဲ့ကြပြီး အောက်စီဂျင်အရေးပေါ်လိုအပ်နေသည့် လူနာများအတွက် အကူအညီပေးခဲ့ကြပါသည်။

ပျဉ်းမနားမြို့နယ်၊ ဇေယျာသီရိမြို့နယ်၊ ဇမ္ဗူသီရိမြို့နယ်နှင့် လယ်ဝေးမြို့နယ်တို့တွင် ရောဂါပိုးတွေ့လူနာများအား ကုသရေးစင်တာများသို့လည်းကောင်း၊ သံသယလူနာများအား ရောဂါစစ်ဆေးရာနေရာများသို့လည်းကောင်း ကြက်ခြေနီလူနာတင်ယာဉ်ဖြင့် ကူညီပို့ဆောင်ပေးခဲ့ပါသည်။

ထို့အပြင် ဇမ္ဗူသီရိမြို့နယ်၊ ဥတ္တရသီရိမြို့နယ်နှင့် ဇေယျာသီရိမြို့နယ်တို့တွင် အသက်(၆၅)နှစ်အထက် သက်ကြီးဘိုးဘွားများအား ကိုဗစ်-၁၉ ကာကွယ်ဆေးထိုးရာတွင်လည်း ကူညီခဲ့ကြပြီး ပုဗ္ဗသီရိမြို့နယ်အတွင်းရှိ အိမ်ထောင်စုများအားအလှူရှင်မှလှူဒါန်းသော ဆန်နှင့် ကြက်ဥတို့ကို ဝိုင်းဝန်းကူညီလှူဒါန်းပေးခဲ့ကြပါသည်။

ကိုဗစ်-၁၉ ရောဂါကာကွယ်တုန့်ပြန်ရေးလုပ်ငန်းများတွင် အထောက်အကူဖြစ်စေရန် မြန်မာနိုင်ငံကြက်ခြေနီအသင်းမှ ထောက်ပံ့ပေးထားသည့် ရောဂါကာကွယ်ရေးပစ္စည်းများကို ဥတ္တခရိုင်ကြက်ခြေနီတပ်ဖွဲ့မှူး ဦးနိုင်ဝင်းစိုးနှင့် တာဝန်ရှိသူများက မြို့နယ်အသင်းခွဲများသို့ ဆက်လက်ပေးအပ်ခဲ့ပါသည်။

တပ်ကုန်းမြို့နယ် ကိုဗစ်-၁၉ ကုသရေးစင်တာ၌ ကူညီနေကြသည့် ကြက်ခြေနီစေတနာလုပ်အားရှင်များအတွက် ဥတ္တခရိုင်ကြက်ခြေနီတပ်ဖွဲ့မှ ကြက်ဥနှင့် သောက်ရေသန့်များကို ထောက်ပံ့ပေးခဲ့ပါသည်။

ယခုကဲ့သို့ ရောဂါကာကွယ်‌ရေးလုပ်ငန်းများတွင် တတ်စွမ်းသမျှ ပါဝင်ကူညီပေးနေကြတဲ့ ပြည်ထောင်စုနယ်မြေနေပြည်တော်မှ ကြက်ခြေနီ‌စေတနာလုပ်အားရှင်များကို အားပေးဂုဏ်ပြုအပ်ပါသည်။

မန္တလေးတိုင်း‌ဒေသကြီး အမရပူရမြို့နယ်နှင့် ချမ်းအေးသာဇံမြို့နယ်တို့တွင် ကိုဗစ်-၁၉ ရောဂါကြောင့် အောက်ဆီဂျင်အရေးပေါ်လိုအပ်နေသော လူနာများအတွက် ကြက်ခြေနီစေတနာလုပ်အားရှင်များက တတ်စွမ်းသမျှ ကူညီဆောင်ရွက်‌ပေးလျှက်ရှိပါသည်။

ထို့အတူ နဒီမြန်မာဟိုတယ် ကိုဗစ်စင်တာတွင် အောက်စီဂျင်တိုင်းခြင်း၊ ရောဂါစစ်ဆေးခြင်း၊ စာရင်းရေးသွင်းခြင်း၊ ရောဂါပိုးတွေ့လူနာများအား ကုသရေးစင်တာများသို့ ပို့ဆောင်ပေးခြင်းတို့ကိုလည်း ကူညီဆောင်ရွက်နေပါသည်။

ထို့အပြင် ရောဂါကူးစက်မှုထိန်းချုပ်နိုင်ရေးအတွက် ပိုးသတ်ဆေးဖြန်းခြင်းနှင့် ရောဂါကာကွယ်ရေး အသိပညာပေးလမ်းညွှန်ချက်များအား နှိုးဆော်တိုက်တွန်းခြင်းတို့ကို နေရာအနှံ့ ဆောင်ရွက်လျှက်ရှိပါသည်။

မိတ္ထီလာမြို့တွင် ကားဂိတ်များ၌ ခရီးသည်များကိုယ်အပူချိန်တိုင်းတာခြင်းနှင့် ရောဂါစစ်ဆေးရာတွင်ကူညီခြင်းတို့ကို ဆောင်ရွက်လျှက်ရှိပါသည်။

ပုသိမ်ကြီးမြို့နယ်၊ အောင်မြေသာစံမြို့နယ်နှင့် အလုပ်သမားဆေးရုံကြီးတို့တွင် အလှူရှင်များလှူဒါန်းသော ဆန်ပြုတ်များကို ကြက်ခြေနီစေတနာလုပ်အားရှင်များက ကူညီပို့ဆောင်ပေးခဲ့ပါသည်။

ယခုကဲ့သို့ ရောဂါကာကွယ်‌ရေးလုပ်ငန်းများတွင် တတ်စွမ်းသမျှ ပါဝင်ကူညီပေးနေကြတဲ့ မန္တလေးတိုင်းဒေသကြီးမှ ကြက်ခြေနီတနာလုပ်အားရှင်များကို အားပေးဂုဏ်ပြုအပ်ပါသည်။

ယခုကာလတွင် ကိုဗစ်-၁၉ ရောဂါ ကူးစက်မှုများမြင့်တက်လျှက်ရာ ရှမ်းပြည်နယ် (တောင်ပိုင်း)၊ ညောင်ရွှေမြို့နယ်ရှိ ဈေးများနှင့် လူစည်ကားရာနေရာများတွင် ရောဂါကာကွယ်ရေးအသိပညာပေးနှိုးဆော်ခြင်း၊ လက်ကမ်းစာစောင်များပေးဝေခြင်း၊ ပိုစတာများကပ်ခြင်းတို့ကို ကြက်ခြေနီ‌စေတနာလုပ်အားရှင်များကကူညီဆောင်ရွက်လျှက်ရှိပါသည်။

“ ပိုလျှင်လှူ လိုလျှင်ယူ “ ဟူသော နှာခေါင်းစည်းစနစ်တကျဝတ်ဆင်ခြင်း လှုပ်ရှားမှုများပြုလုပ်၍ နှာခေါင်းစည်းများ ပေးဝေလျှက်ရှိသည့်အပြင် ရောဂါသံသယဖြင့် မိမိအိမ်တွင်သာ နေရသူများအတွက်လည်း လိုအပ်သည့်ဆေးဝါးများကို အိမ်တိုင်ရာရောက် ပို့ဆောင်ပေးကြပါသည်။

ကလောမြို့တွင် မြို့အဝင်ဂိတ်များ၌ ခရီးသည်များအား ကိုယ်အပူချိန်တိုင်းတာခြင်း၊ ခရီးသွားရာဇဝင်မေးမြန်းခြင်း၊ ရောဂါစစ်ဆေးရာတွင် ကူညီခြင်းတို့ကို ဆောင်ရွက်လျှက်ရှိပါသည်။

ထို့အပြင် ရောဂါပိုးတွေ့လူနာများအား ကုသရေးစင်တာများသို့ ကူညီပို့ဆောင်ပေးခြင်း၊ ဆေးကုသမှုခံယူပြီးသူများအား နေအိမ်များသို့ ပို့ဆောင်ပေးခြင်းတို့ကို ကြက်ခြေနီလူနာတင်ယာဉ်ဖြင့် ကူညီပို့‌ဆောင်ပေးလျှက်ရှိပါသည်။

တောင်ကြီးမြို့၊ ရေအေးကွင်းရပ်ကွက်ရှိ ရောဂါစစ်ဆေးသည့်နေရာ၌ စစ်ဆေးခံမည့်သူများအား ကျန်းမာရေးစောင့်ရှောက်မှုပေးခြင်းတို့ကို ကူညီဆောင်ရွက်ပေးနေကြပါသည်။

ရောဂါကူးစက်မှုထိန်းချုပ်နိုင်ရန်အတွက်လည်း လူနာနေအိမ်များ၊ လမ်းများနှင့် ကုသရေးစင်တာများ၌ ပိုးသတ်ဆေးဖြန်းခြင်းတို့ကို ဆောင်ရွက်ပေးပြီး အရေးပေါ်လိုအပ်သော အောက်စီဂျင်အိုးများရရှိရန် တတ်စွမ်းသမျှ ချိတ်ဆက်ရှာ‌ဖွေ ကူညီပို့ဆောင်ပေးလျှက်ရှိပါသည်။

ရပ်စောက်မြို့နယ်တွင်လည်း မြို့နယ်ပြည်သူ့ဆေးရုံ၌ ဆေးကုသမှုခံယူနေသော ကိုဗစ်-၁၉ လူနာများအတွက် အစားအစာများကို မြို့နယ်ကြက်ခြေနီအသင်းခွဲက လှူဒါန်းပေးခဲ့ပါသည်။

ရောဂါကာကွယ်ရေးလုပ်ငန်းများဆောင်ရွက်ရာတွင် ကြက်ခြေနီစေတနာလုပ်အားရှင်များသည် ရောဂါကာကွယ်ရေးလမ်းညွှန်ချက်များကို မိမိမှစ၍ လိုက်နာသည့်အ‌နေဖြင့် ယခုကာလအတွင်း သီးခြားနေထိုင်ကာ ပါဝင်ကူညီဆောင်ရွက်ပေးလျှက်ရှိပါသည်။

ယခုကဲ့သို့ ရောဂါကာကွယ်‌ရေးလုပ်ငန်းများတွင် တတ်စွမ်းသမျှ ပါဝင်ကူညီပေးနေကြတဲ့ ရှမ်းပြည်နယ် (တောင်ပိုင်း)မှ ကြက်ခြေနီတနာလုပ်အားရှင်များကို အားပေးဂုဏ်ပြုအပ်ပါသည်။