27/ Dec/ 2020

ဖားကန့်တွင် ကျောက်စိမ်းတောင်လုပ်ကွက်ဟောင်းပြိုကျမှုကြောင့် ပျောက်ဆုံးသူများအား ရှာဖွေကယ်ဆယ်ရေးလုပ်ငန်းများတွင် ကြက်ခြေနီက ကူညီဆောင်ရွက်လျက်ရှိ

ဖားကန့်၊ ဒီဇင်ဘာ ၂၇ ၂၀၂၀ပြည့်နှစ် ဒီဇင်ဘာလ ၂၃ ရက်နေ့က ကချင်ပြည်နယ်၊ ဖားကန့်မြို့နယ်ရှိ မော်ဝမ်းလေး/မော်ဝမ်းကြီးမှော် ကျောက်စိမ်းတောင်လုပ်ကွက်ဟောင်း မြေပြိုကျမှုကြောင့် ကျောက်တူးနေသူ (၅) ဦး ရေကန်ထဲပြုတ်ကျသွားခဲ့ရာ (၁)ဦးဒဏ်ရာရရှိခဲ့ပြီး (၄) ဦး ပျောက်ဆုံးခဲ့မှုဖြစ်ပွားခဲ့ပါသည်။ အဆိုပါ ပျောက်ဆုံးသူများကို ရှာဖွေကူညီကယ်ဆယ်ရန်အတွက် ဖားကန့်မြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ဖားကန့်မြို့နယ်မီးသတ်တပ်ဖွဲ့ဝင်များနှင့်အတူ အချိန်နှင့် တပြေးညီ ပူးပေါင်းဆောင်ရွက်ခဲ့ရာ ပျောက်ဆုံးနေသူ(၃)ဦး၏ ရုပ်အလောင်းများအား ရှာဖွေတွေ့ရှိခဲ့ပါသည်။ ကျန်ရှိသူ (၁) ဦးကို ဒီဇင်ဘာလ (၂၇) ရက်နေ့တွင် ဆက်လက်ရှာဖွေသွားမည်ဖြစ်ပါသည်။

Read More

  25/ Nov/ 2020

မြန်မာနိုင်ငံကြက်ခြေနီအသင်း ဥက္ကဌ ဒေါက်တာမောင်မောင်မြင့် တနင်္သာရီတိုင်းဒေသကြီးရှိ တိုင်းဒေသကြီး/ခရိုင် နှင့် မြို့နယ်ကြက်ခြေနီအသင်းခွဲများရှိ ဦးဆောင်အုပ်ချုပ်သူများအတွက် ကြက်ခြေနီလုပ်ငန်းများမိတ်ဆက်ခြင်းအစီအစဉ်ဖွင့်ပွဲအခမ်းအနား တက်ရောက်

ရန်ကုန်၊ နိုဝင်ဘာလ ၂၄ မြန်မာနိုင်ငံကြက်ခြေနီအသင်းနှင့် အပြည်ပြည်ဆိုင်ရာကြက်ခြေနီကော်မတီတို့ပူးပေါင်း ဖွင့်လှစ်သော တနင်္သာရီတိုင်းဒေသကြီးရှိ တိုင်းဒေသကြီး/ခရိုင် နှင့် မြို့နယ်ကြက်ခြေနီ အသင်းခွဲများရှိ ဦးဆောင် အုပ်ချုပ်သူများအတွက် ကြက်ခြေနီလုပ်ငန်းများ မိတ်ဆက်ခြင်းအစီအစဉ် ဖွင့်ပွဲအခမ်းအနားကို အွန်လိုင်းမှ ယနေ့ နံနက် ၉ နာရီအချိန်က ပြုလုပ်ခဲ့ရာ အသင်း ဥက္ကဌ ဒေါက်တောမောင်မောင်မြင့် တက်ရောက် အမှာစကား ပြောကြားခဲ့ပါသည်။ အသင်းဥက္ကဌမှ အမှာစကားပြောကြားရာတွင် ယနေ့ပြုလုပ်တဲ့ အစီအစဉ်ကတော့ တနင်္သာရီတိုင်းဒေသကြီး အတွင်းရှိ တိုင်းအဆင့်၊ ခရိုင်အဆင့်နှင့် မြို့နယ်ကြက်ခြေနီအသင်းခွဲ အဆင့်ဆင့်တို့က ကြက်ခြေနီ လုပ်ငန်းတွေကို ဦးဆောင် အုပ်ချုပ်နေသူများအတွက် ကြက်ခြေနီလုပ်ငန်းများ မိတ်ဆက်ခြင်း အစီအစဉ်ဖြစ်ကြောင်း၊ တနင်္သာရီတိုင်းဒေသကြီးအနေနဲ့လည်း ယခုကာလတွေမှာ ကိုဗစ်ရောဂါ ကာကွယ် တားဆီးရေး လုပ်ငန်းတွေကို တက်တက်ကြွကြွ ပါဝင်ဆောင်ရွက် ပေးနေကြတာကို တွေ့မြင်နေ ရတဲ့အတွက် ဝမ်းသာအားရ မိပါကြောင်း၊ တိုင်းဒေသကြီးအနေနဲ့လည်း ဌာနချုပ်ရဲ့ အကူအညီ လိုအပ်ချက်များရှိပါက အချိန်မရွေး ဆက်သွယ်နိုင်ပါကြောင်း၊ ဌာနချုပ်ဘက်မှလည်း အတတ်နိုင်ဆုံး ဖြည့်ဆည်းပေးဖို့ အသင့်ရှိနေသလို တိုင်းဒေသကြီးဘက်ကလည်း အသင်း ပုံရိပ်ကို ဆက်လက်ထိန်းသိမ်းပေးကြဖို့ ဒီနေရာက တိုက်တွန်းချင်ပါကြောင်း၊ အထူးသဖြင့် အုပ်ချုပ်မှုအပိုင်းကို တာဝန်ယူဆောင်ရွက်နေကြတဲ့ ကြက်ခြေနီကြီးကြပ်မှု ကော်မတီဝင်များ၊ ခရိုင်ကြက်ခြေနီကြီးကြပ်မှုကော်မတီဝင်များ၊ မြို့နယ်ကြက်ခြေနီအသင်းခွဲအမှုဆောင် အဖွဲ့ဝင်များ အနေနဲ့ မိမိတို့ဒေသမှာ ကြက်ခြေနီနဲ့ ပတ်သက်ပြီး ထဲထဲဝင်ဝင် သိရှိပြီး လုပ်ငန်းအဆင်ပြေ ချောမွေ့စေဖို့အတွက် ကြက်ခြေနီ ဗဟုသုတနဲ့ အခြေခံ သတင်းအချက်အလက်တွေကို သိရှိထားဖို့အတွက် ယခုလို ပြုလုပ် ရခြင်း ဖြစ်ပါကြောင်း၊ အဓိက ကတော့ ဦးဆောင် အုပ်ချုပ်သူများအနေဖြင့် ကြက်ခြေနီလှုပ်ရှားမှု၏ အခန်း ကဏ္ဍ၊ အခြေခံမူများနှင့် လုပ်ငန်းတာဝန်များကို သိရှိ နားလည် လိုက် နာဆောင်ရွက်နိုင်ရန်၊ ဦးဆောင်အုပ်ချုပ်သူများ၏ အခန်းကဏ္ဍနှင့် တာဝန်ဝတ္တရားများကို သိရှိ ဆောင်ရွက်နိုင်ရန်၊ အသင်းက ရေးဆွဲချမှတ်ထားသည့် မဟာဗျူဟာစီမံကိန်းများ၊ အမျိုး သားအသင်း၏ အရန်အင်အား အခန်းကဏ္ဍကို သိရှိပြီး ဒေသတွင်း ပူးပေါင်း ဆောင်ရွက်မှုများတွင် ပိုမို ထိရောက်စွာ ဆောင်ရွက်နိုင်ရန်အတွက်ပဲ ဖြစ်ပါကြောင်း၊ နိဂုံးချုပ်အားဖြင့် အသင်းရဲ့ ရည်မှန်းချက်နဲ့ လုပ်ငန်းစဉ်တွေကို အကောင်အထည်ဖော်ရာမှာ ဦးဆောင်သူများ အနေနဲ့ မိမိတို့ အရပ်ဒေသအလိုက် ကြက်ခြေနီလုပ်ငန်းတွေကို ယခုထက် တိုးတက်ဖွံ့ဖြိုးလာအောင် လမ်းညွှန် ထိန်းကြောင်း ဆောင်ရွက်ပေးကြပါလို့ တိုက်တွန်း မှာကြားခဲ့ပါသည်။ ဆက်လက်ပြီး လုပ်ငန်းများမိတ်ဆက်ခြင်း ပထမနေ့ အစီအစဉ်အဖြစ် အမျိုးသားအသင်း၏ အရန်အင်အားအခန်းကဏ္ဌ (NS Auxiliary Role) နှင့် ဒေသအာဏာရှိသူများနှင့် ပူးပေါင်းဆက်သွယ်မှု (Relationship with Authority) ကို အထွေထွေအတွင်းရေးမှူး ပါမောက္ခဒေါက်တာ ထင်ဇော်စိုးမှ လည်းကောင်း၊ ကြက်ခြေနီသမိုင်းကြောင်း၊ အခန်းကဏ္ဌနှင့် လှုပ်ရှားမှုအဖွဲ့ဝင်များ အကြောင်း မိတ်ဆက်ခြင်း (RC History & Movement) နှင့် မြန်မာနိုင်ငံကြက်ခြေနီအသင်းအကြောင်း (MRCS)နှင့် ကြက်ခြေနီအခြေခံမူ (၇) ချက်နှင့် ကြက်ခြေနီအမှတ်အသား အကြောင်း (7 Fundamental Principle & Emblem) ကို လူမှုကရုဏာလုပ်ငန်းဆိုင်ရာ ပြန်ကြားဆက်သွယ်ရေးဌာန ညွှန်ကြားရေးမှူး ဒေါ်ရွှေစင်ကျော်စိုးမှ လည်းကောင်း၊ အပြည်ပြည်ဆိုင်ရာ ကြက်ခြေနီကော်မတီ (ICRC) အကြောင်းကို ICRC မှ ဦးအောင်မိုးကျော်မှ လည်းကောင်း၊ အပြည်ပြည်ဆိုင်ရာ ကြက်ခြေနီနှင့် လခြမ်းနီအသင်းများ ဖက်ဒရေးရှင်း (IFRC) အကြောင်းကို IFRC မှ ဦးကျော်ဦးခိုင်မှ လည်းကောင်း၊ အသင်း၏ မဟာဗျူဟာ ၂၀၂၁ - ၂၀၂၅ (Strategic Plan 2021 – 2025) အကြောင်းကို အဖွဲ့အစည်းဆိုင်ရာဖွံ့ဖြိုးတိုးတက်ရေးဌာန ညွှန်ကြားရေးမှူး ဒေါက်တာ ဒေါ်လင်းလင်းသက်မှ လည်းကောင်း၊ အသင်းခွဲခေါင်းဆောင်များ၏ လုပ်ငန်းတာဝန်များ (Roles and Responsibility of RC leaders) တိုင်း/ ပြည်နယ်/ ခရိုင်ကြီးကြပ် ကော်မတီများ၏ လုပ်ငန်းတာဝန်များနှင့် မြို့နယ်အသင်းခွဲ အမှုဆောင်များ၏ လုပ်ငန်း တာဝန်မျာအကြောင်းကို အကြောင်းကို အဖွဲ့အစည်းဆိုင်ရာ ဖွံ့ဖြိုးတိုးတက်ရေးဌာန ဒုတိယ ညွှန်ကြားရေးမှူး ဒေါ်နှင်းဖြူဖြူမြင့်မှလည်းကောင်း အသီးသီး ဆွေးနွေးခဲ့ပါသည်။ နိုဝင်ဘာလ ၂၄ ရက်နှင့် ၂၅ ရက်အထိ နှစ်ရက်တာပြုလုပ်မည့် အဆိုပါ ဆွေးနွေးပွဲဖွင့်ပွဲအခမ်းအနားကို အသင်း ဥက္ကဌ ဒေါက်တာမောင်မောင်မြင့်၊ ဒုတိယဥက္ကဌဒေါက်တာ ဒေါ်အမယာမော်နိုင်၊ အထွေထွေ အတွင်းရေးမှူး ပါမောက္ခဒေါက်တာ ထင်ဇော်စိုး၊ ဒုတိယအထွေထွေအတွင်းရေးမှူးဒေါက်တာ ဒေါ်ညိုညိုဝင့်၊ အပြည်ပြည်ဆိုင်ရာကြက်ခြေနီကော်မတီမှတာဝန်ရှိသူများ၊ အပြည်ပြည်ဆိုင်ရာ ကြက်ခြေနီနှင့် လခြမ်းနီ အသင်းများဖက်ဒရေးရှင်းမှ တာဝန်ရှိသူများ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ဝန်ထမ်းများနှင့် တနင်္သာရီတိုင်းဒေသကြီးကြက်ခြေနီကြီးကြပ်မှုကော်မတီဝင်များ၊ ထားဝယ်၊ မြိတ်၊ ကော့သောင်းခရိုင်ကြက်ခြေနီကော်မတီဝင်များ၊ ထားဝယ်၊ မြိတ်၊ ကော့သောင်း၊ တနင်္သာရီ၊ ရေဖြူ၊ သရက်ချောင်း၊ ပုလော၊ ဘုတ်ပြင်း၊ ကျွန်းစု၊ လောင်းလုံမြို့နယ်များမှ မြို့နယ်ကြက်ခြေနီအသင်းခွဲ အမှုဆောင်အဖွဲ့ဝင် ၄၂ ဦး စုစုပေါင်း ၅၉ ဦး တက်ရောက်ခဲ့ပါသည်။

Read More

  24/ Nov/ 2020

မြန်မာနိုင်ငံကြက်ခြေနီအသင်း ဥက္ကဌ ဒေါက်တာမောင်မောင်မြင့် တနင်္သာရီတိုင်းဒေသကြီးရှိ တိုင်းဒေသကြီး/ခရိုင် နှင့် မြို့နယ်ကြက်ခြေနီအသင်းခွဲများရှိ ဦးဆောင်အုပ်ချုပ်သူများအတွက် ကြက်ခြေနီလုပ်ငန်းများမိတ်ဆက်ခြင်းအစီအစဉ်ဖွင့်ပွဲအခမ်းအနား တက်ရောက်

မြန်မာနိုင်ငံကြက်ခြေနီအသင်းနှင့် အပြည်ပြည်ဆိုင်ရာကြက်ခြေနီကော်မတီတို့ပူးပေါင်း ဖွင့်လှစ်သော တနင်္သာရီတိုင်းဒေသကြီးရှိ တိုင်းဒေသကြီး/ခရိုင် နှင့် မြို့နယ်ကြက်ခြေနီ အသင်းခွဲများရှိ ဦးဆောင် အုပ်ချုပ်သူများအတွက် ကြက်ခြေနီလုပ်ငန်းများ မိတ်ဆက်ခြင်းအစီအစဉ် ဖွင့်ပွဲအခမ်းအနားကို အွန်လိုင်းမှ ယနေ့ နံနက် ၉ နာရီအချိန်က ပြုလုပ်ခဲ့ရာ အသင်း ဥက္ကဌ ဒေါက်တောမောင်မောင်မြင့် တက်ရောက် အမှာစကား ပြောကြားခဲ့ပါသည်။
အသင်းဥက္ကဌမှ အမှာစကားပြောကြားရာတွင် ယနေ့ပြုလုပ်တဲ့ အစီအစဉ်ကတော့ တနင်္သာရီတိုင်းဒေသကြီး အတွင်းရှိ တိုင်းအဆင့်၊ ခရိုင်အဆင့်နှင့် မြို့နယ်ကြက်ခြေနီအသင်းခွဲ အဆင့်ဆင့်တို့က ကြက်ခြေနီ လုပ်ငန်းတွေကို ဦးဆောင် အုပ်ချုပ်နေသူများအတွက် ကြက်ခြေနီလုပ်ငန်းများ မိတ်ဆက်ခြင်း အစီအစဉ်ဖြစ်ကြောင်း၊ တနင်္သာရီတိုင်းဒေသကြီးအနေနဲ့လည်း ယခုကာလတွေမှာ ကိုဗစ်ရောဂါ ကာကွယ် တားဆီးရေး လုပ်ငန်းတွေကို တက်တက်ကြွကြွ ပါဝင်ဆောင်ရွက် ပေးနေကြတာကို တွေ့မြင်နေ ရတဲ့အတွက် ဝမ်းသာအားရ မိပါကြောင်း၊ တိုင်းဒေသကြီးအနေနဲ့လည်း ဌာနချုပ်ရဲ့ အကူအညီ လိုအပ်ချက်များရှိပါက အချိန်မရွေး ဆက်သွယ်နိုင်ပါကြောင်း၊ ဌာနချုပ်ဘက်မှလည်း အတတ်နိုင်ဆုံး ဖြည့်ဆည်းပေးဖို့ အသင့်ရှိနေသလို တိုင်းဒေသကြီးဘက်ကလည်း အသင်း ပုံရိပ်ကို ဆက်လက်ထိန်းသိမ်းပေးကြဖို့ ဒီနေရာက တိုက်တွန်းချင်ပါကြောင်း၊ အထူးသဖြင့် အုပ်ချုပ်မှုအပိုင်းကို တာဝန်ယူဆောင်ရွက်နေကြတဲ့ ကြက်ခြေနီကြီးကြပ်မှု ကော်မတီဝင်များ၊ ခရိုင်ကြက်ခြေနီကြီးကြပ်မှုကော်မတီဝင်များ၊ မြို့နယ်ကြက်ခြေနီအသင်းခွဲအမှုဆောင် အဖွဲ့ဝင်များ အနေနဲ့ မိမိတို့ဒေသမှာ ကြက်ခြေနီနဲ့ ပတ်သက်ပြီး ထဲထဲဝင်ဝင် သိရှိပြီး လုပ်ငန်းအဆင်ပြေ ချောမွေ့စေဖို့အတွက် ကြက်ခြေနီ ဗဟုသုတနဲ့ အခြေခံ သတင်းအချက်အလက်တွေကို သိရှိထားဖို့အတွက် ယခုလို ပြုလုပ် ရခြင်း ဖြစ်ပါကြောင်း၊ အဓိက ကတော့ ဦးဆောင် အုပ်ချုပ်သူများအနေဖြင့် ကြက်ခြေနီလှုပ်ရှားမှု၏ အခန်း ကဏ္ဍ၊ အခြေခံမူများနှင့် လုပ်ငန်းတာဝန်များကို သိရှိ နားလည် လိုက် နာဆောင်ရွက်နိုင်ရန်၊ ဦးဆောင်အုပ်ချုပ်သူများ၏ အခန်းကဏ္ဍနှင့် တာဝန်ဝတ္တရားများကို သိရှိ ဆောင်ရွက်နိုင်ရန်၊ အသင်းက ရေးဆွဲချမှတ်ထားသည့် မဟာဗျူဟာစီမံကိန်းများ၊ အမျိုး သားအသင်း၏ အရန်အင်အား အခန်းကဏ္ဍကို သိရှိပြီး ဒေသတွင်း ပူးပေါင်း ဆောင်ရွက်မှုများတွင် ပိုမို ထိရောက်စွာ ဆောင်ရွက်နိုင်ရန်အတွက်ပဲ ဖြစ်ပါကြောင်း၊ နိဂုံးချုပ်အားဖြင့် အသင်းရဲ့ ရည်မှန်းချက်နဲ့ လုပ်ငန်းစဉ်တွေကို အကောင်အထည်ဖော်ရာမှာ ဦးဆောင်သူများ အနေနဲ့ မိမိတို့ အရပ်ဒေသအလိုက် ကြက်ခြေနီလုပ်ငန်းတွေကို ယခုထက် တိုးတက်ဖွံ့ဖြိုးလာအောင် လမ်းညွှန် ထိန်းကြောင်း ဆောင်ရွက်ပေးကြပါလို့ တိုက်တွန်း မှာကြားခဲ့ပါသည်။
ဆက်လက်ပြီး လုပ်ငန်းများမိတ်ဆက်ခြင်း ပထမနေ့ အစီအစဉ်အဖြစ် အမျိုးသားအသင်း၏ အရန်အင်အားအခန်းကဏ္ဌ (NS Auxiliary Role) နှင့် ဒေသအာဏာရှိသူများနှင့် ပူးပေါင်းဆက်သွယ်မှု (Relationship with Authority) ကို အထွေထွေအတွင်းရေးမှူး ပါမောက္ခဒေါက်တာ ထင်ဇော်စိုးမှ လည်းကောင်း၊ ကြက်ခြေနီသမိုင်းကြောင်း၊ အခန်းကဏ္ဌနှင့် လှုပ်ရှားမှုအဖွဲ့ဝင်များ အကြောင်း မိတ်ဆက်ခြင်း (RC History & Movement) နှင့် မြန်မာနိုင်ငံကြက်ခြေနီအသင်းအကြောင်း (MRCS)နှင့် ကြက်ခြေနီအခြေခံမူ (၇) ချက်နှင့် ကြက်ခြေနီအမှတ်အသား အကြောင်း (7 Fundamental Principle & Emblem) ကို လူမှုကရုဏာလုပ်ငန်းဆိုင်ရာ ပြန်ကြားဆက်သွယ်ရေးဌာန ညွှန်ကြားရေးမှူး ဒေါ်ရွှေစင်ကျော်စိုးမှ လည်းကောင်း၊ အပြည်ပြည်ဆိုင်ရာ ကြက်ခြေနီကော်မတီ (ICRC) အကြောင်းကို ICRC မှ ဦးအောင်မိုးကျော်မှ လည်းကောင်း၊ အပြည်ပြည်ဆိုင်ရာ ကြက်ခြေနီနှင့် လခြမ်းနီအသင်းများ ဖက်ဒရေးရှင်း (IFRC) အကြောင်းကို IFRC မှ ဦးကျော်ဦးခိုင်မှ လည်းကောင်း၊ အသင်း၏ မဟာဗျူဟာ ၂၀၂၁ - ၂၀၂၅ (Strategic Plan 2021 – 2025) အကြောင်းကို အဖွဲ့အစည်းဆိုင်ရာဖွံ့ဖြိုးတိုးတက်ရေးဌာန ညွှန်ကြားရေးမှူး ဒေါက်တာ ဒေါ်လင်းလင်းသက်မှ လည်းကောင်း၊ အသင်းခွဲခေါင်းဆောင်များ၏ လုပ်ငန်းတာဝန်များ (Roles and Responsibility of RC leaders) တိုင်း/ ပြည်နယ်/ ခရိုင်ကြီးကြပ် ကော်မတီများ၏ လုပ်ငန်းတာဝန်များနှင့် မြို့နယ်အသင်းခွဲ အမှုဆောင်များ၏ လုပ်ငန်း တာဝန်မျာအကြောင်းကို အကြောင်းကို အဖွဲ့အစည်းဆိုင်ရာ ဖွံ့ဖြိုးတိုးတက်ရေးဌာန ဒုတိယ ညွှန်ကြားရေးမှူး ဒေါ်နှင်းဖြူဖြူမြင့်မှလည်းကောင်း အသီးသီး ဆွေးနွေးခဲ့ပါသည်။
နိုဝင်ဘာလ ၂၄ ရက်နှင့် ၂၅ ရက်အထိ နှစ်ရက်တာပြုလုပ်မည့် အဆိုပါ ဆွေးနွေးပွဲဖွင့်ပွဲအခမ်းအနားကို အသင်း ဥက္ကဌ ဒေါက်တာမောင်မောင်မြင့်၊ ဒုတိယဥက္ကဌဒေါက်တာ ဒေါ်အမယာမော်နိုင်၊ အထွေထွေ အတွင်းရေးမှူး ပါမောက္ခဒေါက်တာ ထင်ဇော်စိုး၊ ဒုတိယအထွေထွေအတွင်းရေးမှူးဒေါက်တာ ဒေါ်ညိုညိုဝင့်၊ အပြည်ပြည်ဆိုင်ရာကြက်ခြေနီကော်မတီမှတာဝန်ရှိသူများ၊ အပြည်ပြည်ဆိုင်ရာ ကြက်ခြေနီနှင့် လခြမ်းနီ အသင်းများဖက်ဒရေးရှင်းမှ တာဝန်ရှိသူများ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ ဝန်ထမ်းများနှင့် တနင်္သာရီတိုင်းဒေသကြီးကြက်ခြေနီကြီးကြပ်မှုကော်မတီဝင်များ၊ ထားဝယ်၊ မြိတ်၊ ကော့သောင်းခရိုင်ကြက်ခြေနီကော်မတီဝင်များ၊ ထားဝယ်၊ မြိတ်၊ ကော့သောင်း၊ တနင်္သာရီ၊ ရေဖြူ၊ သရက်ချောင်း၊ ပုလော၊ ဘုတ်ပြင်း၊ ကျွန်းစု၊ လောင်းလုံမြို့နယ်များမှ မြို့နယ်ကြက်ခြေနီအသင်းခွဲ အမှုဆောင်အဖွဲ့ဝင် ၄၂ ဦး စုစုပေါင်း ၅၉ ဦး တက်ရောက်ခဲ့ပါသည်။

Read More

  13/ Nov/ 2020

လုံခြုံရေး ရဲတပ်ဖွဲ့ဝင်အချို့ ကြက်ခြေနီ အမှတ်အသားပါ အေပရွန်ဝတ်ဆင်မှုနှင့်ပတ်သက်၍ သတင်း ထုတ်ပြန်ခြင်း (သတင်းထုတ်ပြန်ချက် ၀၁/၂၀၂၀)

လုံခြုံရေး ရဲတပ်ဖွဲ့ဝင်အချို့ ကြက်ခြေနီ အမှတ်အသားပါ အေပရွန်ဝတ်ဆင်မှုနှင့်ပတ်သက်၍ သတင်း ထုတ်ပြန်ခြင်း (သတင်းထုတ်ပြန်ချက် ၀၁/၂၀၂၀)    

Read More

  13/ Nov/ 2020

မြန်မာနိုင်ငံကြက်ခြေနီအသင်း၊ ကြက်ခြေနီသူနာပြုတပ်ဖွဲ့ဝင်များအား ဂုဏ်ပြုအခမ်းအနားကျင်းပပြုလုပ်

မြန်မာနိုင်ငံကြက်ခြေနီအသင်း၊ ကြက်ခြေနီသူနာပြုတပ်ဖွဲ့တွင် အသက်(၆၅)နှစ် ပြည့်သည် အထိ တာဝန်ထမ်းဆောင်ခဲ့ကြသည့် ဂုဏ်ထူးဆောင်ကြက်ခြေနီသူနာပြုတပ်ဖွဲ့ဝင်ဟောင်းများနှင့် COVID -19 ရောဂါကာကွယ်ထိန်းချုပ်ရေးလုပ်ငန်းများ၌ ပါဝင်ဆောင်ရွက်ခဲ့ကြသည့် ကြက်ခြေနီစေတနာလုပ်အားရှင်များအား ဂုဏ်ပြုချီးမြှင့်ခြင်းအခမ်းအနားကို ၂၀၂၀ပြည့်နှစ်၊ နိုဝင်ဘာလ ၁၃ ရက်နေ့ နံနက် ၉ နာရီက virtual ceremony ဖြင့်ပြုလုပ်ခဲ့ပါသည်။
ရှေးဦးစွာ မြန်မာနိုင်ငံကြက်ခြေနီအသင်းဥက္ကဌ ဒေါက်တာမောင်မောင်မြင့်က အဖွင့်မိန့်ခွန်းပြောကြားခဲ့ပါသည်။
ယင်းနောက် မြန်မာနိုင်ငံကြက်ခြေနီသူနာပြုတပ်ဖွဲ့တွင် အသက်(၆၅)နှစ် ပြည့်သည် အထိ တာဝန်ထမ်းဆောင်ခဲ့သည့် အမည်စာရင်းကိုဖတ်ကြားခြင်းနှင့် တိုင်းဒေသကြီးနှင့် ပြည်နယ်ကြက်ခြေနီကြီးကြပ်မှုကော်မတီဥက္ကဌ များက အသက်(၆၅)နှစ်ပြည့် ဂုဏ်ပြုခံကြက်ခြေနီသူနာပြုတပ်ဖွဲ့ဝင်ဟောင်း(၄၆ဦး)အား ဂုဏ်ပြုလွှာနှင့် ဂုဏ်ပြုတံဆိပ်များ ပေးအပ်ခဲ့ကြပါသည်။
ဆက်လက်ပြီး COVID -19 ရောဂါကာကွယ်ထိန်းချုပ်ရေးလုပ်ငန်းများ၌ ပါဝင်ဆောင်ရွက်ခဲ့ကြသည့် ကြက်ခြေနီစေတနာလုပ်အားရှင်များအတွက် ဂုဏ်ပြုလက်မှတ်များနှင့် ဂုဏ်ပြုတံဆိပ်များကို တိုင်းဒေသကြီး နှင့် ပြည်နယ်တပ်ဖွဲ့မှူးများထံသို့ ပေးအပ်ခဲ့ကြပါသည်။
ထို့နောက် ဧရာဝတီတိုင်းဒေသကြီး ကြက်ခြေနီသူနာပြုတပ်ဖွဲ့ဟောင်း ဉီးမန်းကြည်ရွှင်မှ ဂုဏ်ပြုခံကြက်ခြေနီသူနာပြုတပ်ဖွဲ့ဝင်ဟောင်းများကိုယ်စားကျေးဇူးတင်စကားပြန်လည်ပြောကြားခဲ့ပါသည်။
အဆိုပါအခမ်းအနားသို့ အသင်းဥက္ကဌနှင့်အတူဒုတိယဥက္ကဌ ဒေါက်တာဒေါ်အမယာမော်နိုင်၊ အချိန်ပြည့်/အချိန်ပိုင်းအလုပ်အမှုဆောင်များ၊ကြက်ခြေနီသူနာပြုတပ်ဖွဲ့မှူးချုပ်၊ အထွေထွေအတွင်းရေးမှူးနှင့် ဒုတိအထွေထွေအတွင်းရေးမှူးများ၊ ညွှန်ကြားရေးမှူးများ၊ တိုင်ဒေသကြီး/ပြည်နယ်ကြက်ခြေနီကြီးကြပ်မှု ကော်မတီဥက္ကဌများနှင့် တပ်ဖွဲ့မှူးများ၊ ဂုဏ်ပြုခံကြက်ခြေနီသူနာပြုတပ်ဖွဲ့ဝင်ဟောင်းများ၊ ကြက်ခြေနီစေတနာလုပ်အားရှင်များနှင့် တာဝန်ရှိသူများ တက်ရောက်ခဲ့ကြပါသည်။

Read More

  05/ Nov/ 2020

🏵ကြက်ခြေနီတွေဟာ လူမှုကရုဏာလုပ်ငန်းတွေမှာ အကူအညီပေးနေသူတွေပါ🏵

💜💜 ဆင်းရဲချမ်းသာမခွဲခြားဘဲ လူသားအားလုံးကို နေရာပေါင်းစုံမှာ ကူညီနေကြတဲ့ ကျွန်ုပ်တို့ရဲ့ကြက်ခြေနီတွေဟာ အချင်းချင်းလည်း စည်းလုံးညီညွတ်စွာပူးပေါင်းဆောင်ရွက်ကြပါတယ်။ ✂️💊🩺 ဒီနေ့မှာ‌တော့ အောင်ပန်းမြို့နယ်မှ ကြက်ခြေနီစေတနာလုပ်အားရှင် ဦးသိန်းစိုးနှင့် လုပ်ဖော်ကိုင်ဖက်တွေက ကလောမြို့နယ်၊ အင်းမှီးဘုန်းတော်ကြီးကျောင်းမှာ ၂၀၂၀ ပြည့်နှစ် ပြည်ထောင်စုရွေးကောက်ပွဲတွင် မဲရုံတာဝန်ကျသူများကို ရှေးဦးပြုစုခြင်းဘာသာရပ်အား လက်တွေ့သရုပ်ပြသင်ကြားပေးခဲ့ပါတယ်။

Read More

  13/ Oct/ 2020

မြန်မာနိုင်ငံကြက်ခြေနီအသင်းဥက္ကဌဒေါက်တာမောင်မောင်မြင့် နော်ဝေသံအမတ်ကြီးနှင့် တွေ့ဆုံ

ရန်ကုန်၊ အောက်တိုဘာ ၁၃ မြန်မာနိုင်ငံကြက်ခြေနီအသင်းဥက္ကဌ ဒေါက်တာမောင်မောင်မြင့်သည် နော်ဝေသံအမတ်ကြီး H.E Ms. Hilde Solbakken ဦးဆောင်သောအဖွဲ့ကို ယနေ့ နေ့လည် ၂း၃၀ အချိန်က အွန်လိုင်းမှ တွေ့ဆုံခဲ့ပြီး ကိုဗစ်-၁၉နှင့် ပတ်သက်၍ အသင်း၏ဆောင်ရွက်နေမှုများအပေါ်တွင် ပံ့ပိုးနိုင်မှုအခြေအနေများကို ဆွေးနွေးခဲ့ပါသည်။ ဆွေးနွေးပွဲသို့ အသင်းဥက္ကဌနှင့်အတူ ဒုတိယဥက္ကဌ ဒေါက်တာဒေါ်အမယာမော်နိုင်၊ အထွေထွေအတွင်းရေးမှူး ပါမောက္ခ ဒေါက်တာထင်ဇော်စိုး၊ ဒုတိယအထွေထွေအတွင်းရေးမှူး ဒေါက်တာဒေါ်ညိုညိုဝင့်နှင့် ဝန်ထမ်းများ တက်ရောက်ခဲ့ပြီး နော်ဝေသံအမတ်ကြီးနှင့်အတူ အတွင်းရေးမှူး Ms. Frida Fostvedt တို့တက်ရောက်ခဲ့ပါသည်။

Read More

  12/ Oct/ 2020

COVID-19 ရောဂါကာကွယ်ရေးလုပ်ငန်းများတွင်အသုံးပြုရန်အတွက် မြန်မာနိုင်ငံကြက်ခြေနီအသင်းသို့ Nestle Myanmar က ထပ်မံ လှူဒါန်း

ရန်ကုန်၊ အောက်တိုဘာ ၁၂ COVID-19 ရောဂါကာကွယ်ရေးလုပ်ငန်းများတွင် အသုံးပြုရန်အတွက် Nestle Myanmar က မြန်မာနိုင်ငံကြက်ခြေနီအသင်းသို့ အလှူငွေ ပေးအပ်လှူဒါန်းပွဲကို ၂၀၂၀ပြည့်နှစ်၊ အောက်တိုဘာလ ၁၂ ရက်နေ့ နံနက်(၁၀)နာရီက အွန်လိုင်းမှတစ်ဆင့် Video Conferencing စနစ်ဖြင့် ပြုလုပ်ခဲ့ပါသည်။ Nestle Myanmar က အမေရိကန်ဒေါ်လာ ၅၀,၀၀၀ နှင့် အမေရိကန်ဒေါ်လာ ၅၁၆၅ တန်ဖိုးရှိ Nestle Products များဖြစ်သော Milo နှင့် Nescafe များကို မြန်မာနိုင်ငံကြက်ခြေနီအသင်းက ဆောင်ရွက်လျက်ရှိသော ကိုဗစ် ၁၉ ရောဂါကာကွယ်ရေးလုပ်ငန်းများတွင် အသုံးပြုရန်အတွက် လှူဒါန်းခဲ့ရာ အသင်းဥက္ကဌ ဒေါက်တာမောင်မောင်မြင့် က လက်ခံရယူပြီး COVID-19 ရောဂါကာကွယ်ရေး လုပ်ငန်းများအတွက် အကျိုးရှိစွာဖြင့်ထိရောက်စွာအသုံးပြုသွားမည်ဖြစ်ပါကြောင်းပြောကြားကာ ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ပါသည်။ အဆိုပါလှူဒါန်းပွဲသို့ အသင်းဥက္ကဌ ဒေါက်တာမောင်မောင်မြင့်နှင့်အတူ ဒုတိယဥက္ကဌ ဒေါက်တာဒေါ်အမယာမော်နိုင်၊ အထွေထွေအတွင်းရေးမှူး ပါမောက္ခဒေါက်တာထင်ဇော်စိုး၊ ဒုတိယအထွေထွေအတွင်းရေးမှူး ဒေါ်ညိုညိုဝင့်၊ အရင်းအမြစ်များစုစည်းအသုံးချရေးဌာနမှူး ဒေါ်မေစန္ဒာမျိုးနှင့် တာဝန်ရှိသူများ တက်ရောက်ခဲ့ပြီး Nestle Myanmarမှ Managing Director Mr. Stephen Knight, Head of Finance Mr. Muhammad Jakram Zafar, Head of Consumer Communication Mr. Micheal Wong, Head of Corporate Affair Ms Monzar Myo Aung နှင့် တာဝန်ရှိသူများတက်ရောက်ခဲ့ကြပါသည်။ Nestle Myanmar သည် ၂၀၂၀ပြည့်နှစ် ဧပြီလအတွင်းက တစ်ကြိမ် မြန်မာနိုင်ငံကြက်ခြေနီအသင်းက ဆောင်ရွက်လျက်ရှိသော ကိုဗစ်၁၉ရောဂါကာကွယ်ရေးလုပ်ငန်းများအတွက် အမေရိကန်ဒေါ်လာ ၅၀,၀၀၀ နှင့် ခွဲစိတ်ခန်းသုံးနှာခေါင်းစည်း ၁၀၀၀၀ ခုအား လာရောက်လှူဒါန်းခဲ့ပြီး ယခု ဒုတိယအကြိမ် ထပ်မံလှူဒါန်းခြင်းဖြစ်ပါသည်။ ယခုကဲ့သို့ လှူဒါန်းမှုအတွက် မြန်မာနိုင်ငံကြက်ခြေနီအသင်း အနေဖြင့် Nestle Myanmar အားလှိုက်လှဲစွာ ကျေးဇူးတင်ရှိပါကြောင်း မှတ်တမ်းတင်ဂုဏ်ပြုလိုက်ရပါတယ်။ Credit to - လူမှုကရုဏာလုပ်ငန်းဆိုင်ရာပြန်ကြားဆက်သွယ်ရေးဌာန

Read More

  11/ Oct/ 2020

ကြက်ခြေနီစေတနာလုပ်အားရှင်များသို့ ဂုဏ်ပြု အားပေးစကား (၂/၂၀၂၀)

မြန်မာနိုင်ငံကြက်ခြေနီအသင်း ကြက်ခြေနီစေတနာလုပ်အားရှင်များသို့ ဂုဏ်ပြု အားပေးစကား (၂/၂၀၂၀) ၂၀၂၀ ပြည့်နှစ်၊ အောက်တိုဘာလ(၁၁)ရက်   ကိုရိုနာဗိုင်းရပ်စ် အဆုတ်ရောင်ရောဂါ COVID 19 ကူးစက်မြန် ကပ်ရောဂါဆိုးကြောင့် နိုင်ငံ တစ်ဝှမ်း ရောဂါကာကွယ်ရေးလုပ်ငန်းများကို အရှိန်အဟုန်မြှင့် ဆောင်ရွက်လျက်ရှိကြရာမှာ ကျွန်တော်တို့ရဲ့ ပြည်နယ်/ တိုင်းဒေသကြီးနှင့် ခရိုင် အသီးသီးက ကြက်ခြေနီ ကြီးကြပ်မှု ကော်မတီများ၊ မြို့နယ်ကြက်ခြေနီအသင်းခွဲများမှ အမှုဆောင်များ၊ ကြက်ခြေနီတပ်ဖွဲ့ဝင် စေတနာလုပ်အားရှင်များက နေ့ရော ညပါ ကျန်းမာရေး အသိပညာပေးခြင်း နယ်စပ်ဒေသနှင့် မြို့အဝင်အထွက် ဂိတ်များ၌ ကိုယ်အပူချိန်တိုင်းတာပေးခြင်း၊ သံသယလူနာရှာဖွေရာမှာ ပါဝင် ဆောင်ရွက်ပေးခြင်း၊ စောင့်ကြပ်ကြည့်ရှုရေးစင်တာ(Quarantine Centre) များ၌ လိုအပ်သည့် အကူအညီများပေးခြင်း၊၊ စိတ်ပိုင်းဆိုင်ရာအားပေး နှစ်သိမ့်ပေးခြင်း အစရှိသည့် လုပ်ငန်းများကို လူသားချင်းစာနာသောစိတ်ဖြင့် မေတ္တာတရားရှေ့ထားကာ ကျန်းမာရေး ဝန်ထမ်းများနှင့်အတူ တက်ကြွစွာ ပူးပေါင်းပါဝင် ဆောင်ရွက်ပေးလျက် ရှိနေကြသည်ကို တွေ့မြင်ရသည့်အတွက် ပါဝင်ဆောင်ရွက်ပေးနေကြသူ တစ်ဦးတစ်ယောက်တိုင်းကို ရှေးဦးစွာ မှတ်တမ်းတင် ဂုဏ်ပြု အပ်ပါသည်။ လက်ရှိ ဖြစ်ပွား ပြန့်နှံ့နေသည့် ကပ်ရောဂါသည် သဘာဝဘေးအန္တရာယ်များနှင့် မတူညီသော ကူးစက်မြန် ကမ္ဘာ့ကပ်ရောဂါဖြစ်သည့်အတွက် အလွန်အန္တရာယ်များသော်လည်း ပြည်သူတွေ ရဲ့အသက်အိုးအိမ်စည်းစိမ်အတွက် ဆရာဝန်များ၊ သူနာပြုများက အသက်နဲ့ရင်းကာ ကူညီ စောင့်ရှောက် ကုသပေးနေချိန်မှာ ကြက်ခြေနီတပ်ဖွဲ့ဝင် စေတနာလုပ်အားရှင်များကလည်း တိုင်းပြည်အတွက် တစ်ဒေါင့် တစ်နေရာမှ ပြည်သူတွေရဲ့ ကျန်းမာရေး လိုအပ်ချက်တွေကို ကူညီပံ့ပိုး စောင့်ရှောက်ပေးနေကြတဲ့အတွက် လှိုက်လှိုက်လှဲလှဲ ကျေးဇူးတင်ရှိပါသည်။   များမကြာခင် ဩဂုတ်လပိုင်းမှ စတင်ကာ ရခိုင်ပြည်နယ်နှင့် ရန်ကုန်တိုင်းဒေသကြီးတို့တွင် ရောဂါကူးစက်မှုနှုန်း လျင်မြန်စွာ ပြန့်ပွားခဲ့သည့်အတွက် ပြည်သူအများအပြား ရောဂါ ကူးစက် ခံခဲ့ရပြီး အသက်ဆုံးရှုံးမှုများစွာ မြင့်တက်ခဲ့ရပါသည်။ ထို့အတွက် ရန်ကုန်တိုင်းဒေသကြီးနှင့် ရခိုင်ပြည်နယ်တို့တွင် Facility Quarantine Center များ ဖွင့်လှစ်ကာ ကုသမှုများ လုပ်ဆောင် ခဲ့ကြရပြီး အဆိုပါ Facility Quarantine Center များတွင် နေ့ရော ညပါ ကူညီဆောင်ရွက် ပေး နေကြသော ကြက်ခြေနီတပ်ဖွဲ့ဝင် စေတနာလုပ်အားရှင်များ၊ ကြက်ခြေနီ တပ်ဖွဲ့မှူးများနှင့် ကြီးကြပ်ဦးဆောင်ပေးကြသော ကြက်ခြေနီ ခေါင်းဆောင်များကိုလည်း အထူး အလေးထား မှတ်တမ်းတင် ဂုဏ်ယူပါသည်။ လက်ရှိမှာလည်း ရန်ကုန်တိုင်းဒေသကြီးအတွင်း ရောဂါကူးစက်မှု မြင့်မားနေချိန်မှာ ရပ်ဝေးမှ ရန်ကုန်သို့ လာရောက်ကာ Quarantine Centre များတွင် ဆရာဝန်၊ သူနာပြုများနှင့်အတူ အလှည့်ကျ လာရောက် ကူညီပေးနေကြသော ဧရာဝတီတိုင်းဒေသကြီးမှ ကြက်ခြေနီစေတနာ လုပ်အားရှင်(၄၉)ဦး၊ နေပြည်တော်တိုင်းမှကြက်‌ခြေနီစေတနာလုပ်အားရှင်(၃၅)ဦးနှင့် မွန်ပြည် နယ်မှ ကြက်ခြေနီစေတနာလုပ်အားရှင်(၄၁)ဦးတို့အား အထူးပင် လေးစား ဂုဏ်ယူရပါသည်။ ၎င်းအပြင် ကြက်ခြေနီတပ်ဖွဲ့ဝင် စေတနာလုပ်အားရှင်များကို ကြီးကြပ်အုပ်ချုပ်ပေးနေသည့် တိုင်းဒေသကြီး/ပြည်နယ်နှင့် ခရိုင် တို့မှ ကြီးကြပ်မှုကော်မတီဥက္ကဌများနှင့် ကော်မတီဝင်များ၊ မြို့နယ်အသင်းခွဲ ဥက္ကဌနှင့် အမှုဆောင် အဖွဲ့ဝင်များ၊ ကြက်ခြေနီတပ်ဖွဲ့မှူးများ အားလုံးက အချိန်နဲ့တပြေးညီ ပံ့ပိုပေးနေကြမှု အပေါ် အားရကျေနပ်မိသလို စစ်မှန်သော ကြက်ခြေနီ ခေါင်းဆောင်ကောင်းများကို ရွေးချယ်တင်မြှောင့်ထားနိုင်ခဲ့သည် ဆိုသော အသိက ပီတိဖြစ်စေ ခဲ့ပါသည်။ ဆက်လက်ပြီးလည်း ယခု ကဲ့သို့ အားဖြည့် ပံ့ပိုးပေးနိုင်ကြပါစေလို့ ဆန္ဒပြုပါသည်။ အသင်းဌာနချုပ်ဘက်မှလည်း ကြက်ခြေနီစေတနာလုပ်အားရှင်များရဲ့ လိုအပ်ချက်များကို အတတ်နိုင်ဆုံး ပံ့ပိုးကူညီပေးသွားမှာဖြစ်ပါသည်။ ကြက်ခြေနီစေတနာလုပ်အားရှင်များ အနေ နဲ့လည်း ရောဂါကာကွယ်ရေး လုပ်ငန်းစဉ်များကို တက်ကြွစွာ ပါဝင်ဆောင်ရွက်ပေးကြပါ၊ ကိုယ်တိုင်လည်း ရောဂါကူးစက်မှု မရှိအောင် ကျန်းမာရေးနှင့်အားကစားဝန်ကြီးဌာနက ညွှန် ကြားထားသည့် လမ်းညွှန်ချက် စည်းမျဉ်းစဉ်းကမ်းများကို တသွေမတိမ်း လိုက်နာဆောင်ရွက် ကြပါ၊ ပြည်သူက အားကိုး အားထားရသော စည်းကမ်းရှိသော အရည်အသွေးပြည့်ဝသော ကြက်ခြေနီစေတနာလုပ်အားရှင်များအဖြစ် “လူတိုင်းအတွက် အမြဲကူညီ နေရာတိုင်းမှာ ကြက်ခြေနီ” ဆိုသော ကြက်ခြေနီ ဆောင်ပုဒ်နဲ့အညီ ဘဝရဲ့ နေထိုင်မှု ပုံစံသစ် (New Normal Life Style) မှာ အကူအညီလိုအပ်သူများအတွက် တက်နိုင်တဲ့ဘက်မှ ကျွန်တော်တို့ အားလုံး ဝိုင်းဝန်း ကူညီ ဆောင်ရွက်ပေးကြရအောင်ပါ။ ရင်ဆိုင်ကြုံတွေ့နေရသည့် ရောဂါကပ်ဆိုးကြီး ကမ္ဘာပေါ်မှ အမြန်ဆုံး ကင်း‌ဝေး ပ‌ပျောက်ပါစေ ကြောင်း ဆုမွန်ကောင်းတောင်းရင်း ဝိုင်းဝန်းကူညီပေးနေကြသည့် ကြက်ခြေနီတပ်ဖွဲ့ဝင် စေတနာလုပ်အားရှင်များ၊ ဝန်ထမ်းများ၊ ပံ့ပိုးကူညီပေးကြသူများ အားလုံးကို အားပေးစကား ပြောကြားရင်း မှတ်တမ်းတင် ချီးကျူးဂုဏ်ပြုပါသည်။ ‌ ဒေါက်တာမောင်မောင်မြင့် ဥက္ကဋ္ဌ မြန်မာနိုင်ငံကြက်ခြေနီအသင်း

Read More